فانية ، فكُن إنسان 🗯️

2021-07-20 21:55:13 'بعد مرور أيام من كل هذة الأحداث'
'يوسف بيفكر في كلام سلمي..
أكتر واحدة محترمة في الجامعة
أكتر واحده خجولة وبتتحرج والأولى على الدفعة
وشكلها هادية لا وقمر بخدودها الوردي دي عايز اي اكتر من كدة يا جوو ، انا اكلم سلمي تعرفني على البنت دي'
.. الووو
_ جوو يا جوو
_ عامل اي
.. بخير يا سلمي
_ سلمي!
_ تعرف إنك أول مرة تقولي يا سلمى من غير فاشلة
.. لا إنتي كبرتي خلاص
_ أنا اللي كبرت ولا انت اللي اعقلت
.. انتي اللي كبرتي وانا اللي اعقلت
.. عايزك في موضوع مش هينفع في الفون
.. فاضية إمتي اجيكم
_ في اي وقت يا جوو
.. فاضية إمتي مش عايز اعطلك عن مزاكرتك
_ لا متقلقش مزاكرة ومبزاكرش الحمد لله
.. لخصي
_ اممم شكلة موضوع مهم
.. جداً
_ ربنا يستر تعالي
.. اشطا جايلكم
........................................................................
'' شقة ابو الصحااب''
_ خير يا ابو الصحااب
_ موضوع اي المهم بالشكل دا
.. الموضوع اللي كنا نتكلم فيه عندك في المركز قبل خديجة ماتيجي
_ السفر ولا البت اللي متعرفش عنها حاجة غير إسمها 'بغمزة إستهزاء'
.. بس متقولش عليها بت
_ انت هتغير عليها من دلوقتي يا حنين
.. بضحكة: لااا دا علشان مضربش
_ عرفت حاجة عنها ولا اي
.. قول حاجااات
_ بالسرعة دي يا نمس
.. تعالي بس دي طلعت بنت ناس طيبين اوي يا خال
_ وناوي تروح تتقدملها إمتى يا خاال
.. أنت فاضي إمتى
_ حدد معاد مع أهلها وانا معاك
.. احدد مع أهلها معاد وانت معاي
.. هو انا مقولتلكش مين العروسة
_ لا مقولتليش 'بغمزة احمد عز'
.. الدكتورة خديجة
_ الدكتورة خديجة مين
.. خديجة أختك
_ لا يا راجل
.. وحِيات الراجل
........................................... Flash back
''بيت سلمي''
(يوسف وصل عند سلمي وقعد معاها وسالها عن صاحبتها خديجة وإنه عايز يتقدملها. سلمي فرحت جداً وحكت ل يوسف عن خديجة ومن كلام سلمي عنها ومن نظرة عينين سلمي وهي فرحانة ومبسوطة وهي بتتكلم عن صاحبتها وعن كم هي إنسانه جميلة باخلاقها وخجلها روحها الحلوه وشخصيتها الجميلة ف قرر إنه خلاص هيروح يتقدملها)
.......................................................................
'' بيت عمر و خديجة ''
( أم عمر واقفة في المطبخ تحضر الأكل وكل شوية الباب يخبط )
.. ايوة جاااية اهوو
_ السلام عليكم يا حجة
.. وعليكم السلام ورحمة الله وبركاتة إتفضل يا ابو عمر
_ خديجة فين
.. نايمة في اوضتها
'بعد 10 دقائق الباب يخبط'
.. ايوة جاااية
_ السلام عليكم يا ست الكل
.. وعليكم السلام إتفضل يا عمر
_ خديجة فين
.. نايمة في اوضتها
'بعد كمان 10 دقائق الباب يخبط'
.. ايوة ميييين
_ السلام عليكم يا أمي
.. وعليكم السلام أدخل يا أدهم
_ هي خديجة فين
.. نايمة في اوضتها
' ام عمر رجعت تكمل تحضير الأكل في المطبخ وبتفكر ليه كل اللي يدخل يسأل على خديجة وبدأت تقلق'
'' باب غرفة خديجة بيخبط ''
= مين
_ عمر
= إتفضل يا عمر
_ صاحية ولا نايمة ولا مشغولة في اي
= لسه صاحية حالاً اهوو
_ عايزك في موضوع قبل ما ست الكل تنده علينا للغداء
( وبدأ عمر يتكلم مع خديجة ويطمن عليها ويسالها عن دراستها ومزاكرتها وفي النهاية فاتحها وقلها إن الدكتور إياد عايز يجي يتقدملها ، خديجة بدأ الارتباك يظهر على وشها وقبل ما تنطق بحرف سمعت صوت أمها بتنده عليها علشان تساعدها في تجهيز السفرة )
عمر: روحي ساعدي أمك ونبقا نكمل كلامنا بعد الغداء
'بعد مرور بضع دقائق'
أم عمر: يا أهل المنزل الغداء جهز وحطينا ع السفره
( الأسرة كلها متجمعة ع السفرة والكل بدأ يتناول الغداء وفي نهاية الغداء لاحظت ألام هدوء خديجة )
.. كلكم وانتوا داخلين سالتوا ع خديجة
.. قلقتوني في اي
ابو عمر بضحكة: خير يا حجة متقلقيش ، في واحد كلمني وبيقولي إنه مهندس بحري وشغال في شركة أرامكو وعايز يجي يتقدم ل خديجة
'خديجة بدأت في الارتباك أكتر'
.. وعمر ، كنت عايز خديجة في اي
_ دكتور إياد صديقي عايز يجي يتقدم ل خديجة
.. وأنت يا أدهم جايبلها عريس أنت كمان
_ لا انا كنت عايزها تفتحلي هوت إسبوت عادي Hotspot
........................................................................
البارت الرابع بعنوان خطوبتين وفرح وحيد


#رايكم @mohamedalm11 باز کردن / نظر دهید

2021-07-20 21:55:13 _ تعرفي
= عرفيني
_ العطر اللي بستخدم انا وانتي
= ماله
_ يوسف اللي بيجيبهولي وهو نازل أجازة
_ تفتكري البوكس اللي كان فيه مجموعة اسطوانات الأفلام العالمية اللي خدتيه مني
= آه
_ يوسف كان جابهولي في عيد ميلادي
_ طاب تفتكري الكتاب اللي جبتهولك في عيد ميلادك قبل كدة
= ماله دا كمان
_ اهو برضة يوسف اللي جايبهولي
_ طاب فاكرة الدريس اللي كنتي لابساه في فرح ملك
= ماله إن شاء الله يوسف كمان اللي جابهولك
_ لا دا كان قمر عليكي ما شاء الله جبتيه منين دا ابت
= ايوه كدة اعدلي
_ حبيبتي خدوجتييي
'يوسف وصل بالعربية بتاعته قدام الجامعة'
_ جووو
.. أختي الغالية الفاشلة
_ حمدلله ع السلامة يا جوو
.. مين العسل دي
= خديجة بعصبية: أستاذن انا ، سلام
_ خديجة هكلمك
_ اي يابني اللي انت عملته دا
.. عملت اي
.. وبعدين هي زعلت ولا اي
_ خديجة صاحبتي دي اكتر واحدة محترمة في الجامعة واكتر واحده خجولة وبتتحرج والاولى على الدفعة
.. وأجمل واحدة في الجامعة
.. انتي مش شايفة خدودها الوردي دي
_ جووو
.. نعم
_ لم نفسك يا هندسة
.. هيبقا في البحر وهنا كمان
.. لا كدة كتير والله
_ بردة أحترم نفسك
.. اممم المهم اخبارك عامله
_ اهوو ماشي الحال
.. وأمك عامله اي
_ كويسة الحمد لله
.. لا انا قصدي عاملة اي على الغدا
_ أها انت لسه فيك العادة دي
.. عامله ايييييية
_ كويسة الحمد لله عاملة مكرونة وبانية أكل
.. ههههه ليكم وحشة والله
_ اي الغيبة الطويلة دي يا جوو
.. الشغل والشركة مكانتش عايزة تديني أجازة
_ اممم جبتلي معاك اي الاجازة دي
.. جبتلك حاجات كتيييير
........................................................................
'' مركز Smile ''
_ إتفضل
.. السلام عليكم
_ وعليكم السلام ورحمة الله وبركاته
_ عمدة يا عمدة ، إتفضل يا ابو الصحااب
.. حبيبي يا بروو
_ اي الزيارة السعيدة دي
_ واي الورد دا
_ أوعى يكون اللي في بالي
.. لا ياعم
.. باركلي يا بروو جاني عرض من مستشفى كبيرة في بريطانيا
_ الله أكبر اللهم صلي على النبي
_ إمتى الكلام دا
.. لسه الميل واصل من شوية وانا في الجامعة
.. خلصت وجبت الورد والشيكولاتة دي وجيتك يا بروو
_ أخيراً ، دا انت كنت قارفني يا جدع
.. ياعم دا انا طلع عيني إمتحانات شوية أونلاين وشوية في السفارة البريطانيا ، والحمد لله ربنا مبيضيعش تعب حد
_ يا عمدة انت اللي إبن حلال وتستاهل كل خير
_ بص أنت تخطب قبل ما تسافر واول اجازة ليك تتجوز علشان متروحش هناك وتنسى نفسك وتعجبك بنات هناك
.. نب أنت اللي إبن حلال يا بروو ودا الموضوع اللي جاي افاتحك فيه
_ لقيت العروسة صاحبة النصيب ولا ادورلك
.. اللي يسمعك يقول الواد خاربها
_ نينينيييييي
.. لا ياعم لقيتها
.. والخبر السعيد دا يشجعني اجيب معلومات عنها واتقدملها قبل ما اسافر بإذن الله
_ اي انت متعرفش حاجة عنها. 'بإستغراب'
.. لا طبعاً
_ طاب الحمد لله
.. اعرف اسمها بس
( في اللحظة دي الباب يخبط وتدخل السكرتيرة تقول للدكتور عمر إن الدكتورة خديجة منتظرة برة من شوية)
_ خليها تتفضل حالاً
= السلام عليكم ورحمة الله وبركاتة
_ وعليكم السلام ورحمة الله وبركاتة
.. وعليكم السلام ورحمة الله وبركااا...
.. خديجة!
= دكتور إياد!!!
>< إستوووووب ، نسيت اعرفكم ب دكتور إياد 'عمدة' ، صديق عمر والأول على دفعتة 5 سنين ، شاب صعيدي طموح مكافح حلمه السفر والشغل برا وبجانب التحضير للسفر يعمل معيد بكلية طب الأسنان.
_ عمر بإستغراب: إنتوا تعرفوا بعض!
'في نفس اللحظة'
= دكتور إياد المعيد بتاعي في الجامعة
.. خديجة طالبة عندي في الجامعة والأولى ع دفعتها
_ يابني أنت مش ماسك الدفعة الأولى
.. يا بروو أخوك كفاءة ويسد في أي مكان
= تقريباً انا جيت في وقت مش مناسب بعتذر
_ لا أبداً دا أنتي جيتي في الوقت المناسب جداً
_ عمدة الدكتور إياد بتاعك جاله عرض من مستشفى كبيرة في بريطانيا
= خديجة ب تلقائية وعفاوية متسرعة: عمدة! هو حضرتك اللي بتجيب الجلاب ل عمر 'آسفة مقصدش'
'دكتور إياد حس إنها إتحرجت ف حب يدفع عنها الإحراج دا'
.. هههه آه حضرتي
.. قوليلي عامله اي صاحبتك اللي كانت نايمة في السكشن النهاردة
'خديجة بصت ل عمر وابتسمت'
= كويسة وهي أول مرة تعمل كدة 'بغمزة ل عمر'
'عمر إتدخل بسرعة علشان يغير الموضوع'
_ شوفت يا عمدة العيلة كلها بتحب الجلاب أهي
_ المرة الجاية تعمل حسابك وتكتر الدعم
.. عمدة بضحكة مشهوبة ب إبتسامة: من عينيا يا بروو
.. واستأذن أنا دلوقتي وهبقا اكلمك عايزك في موضوع مهم
_ اشطا
_ علي فين العزم
.. هروح الشقة اكلم البلد وافرح الحاج والحاجة
_ ايوووه بقا
_ مبارك يا عمدة
.. حبيبي يا بروو
........................................................................ باز کردن / نظر دهید

2021-07-20 21:55:13 _ خديجة
= نعم
_ قومي اعملي حاجة للقمر يشربها
= خديجة نامت
_ امال مين اللي بيكلمني
= القمر نفسة
_ طيب يا قمر قومي فِزي يلا
_ ولا اقولك حضريله أكل يتعشيٰ
_ وبعد ما يأكل اعمليله حاجة يشربها يلا
= خلصتي؟
_ لا لسه
= اي تاني
_ بعد ما تخلصي كلميني وقليلي عملتيله اي
= هرن عليكي
= مبترديش ليه؟
_ اي دا انتي مش بترني علشان تسمعي الكول تون
_ وبعدين قومي يلااا وابقى كلميني
= كلاكيت تاني مرة ، مبترديش ليه
_ براحتي ومش هرد غير لما تحضري ل عمر
= طيب ممكن تردي دقيقة
_ هي دقيقة وتقومي زي الشاطرة كدة
= الووو
_


= الووو
_

= اي مش هتردي اقفل
_ سلمي بخجل: إحم عمر
= آه ياستي عمر اللي مش راضية تردي عليه
_ آسفه
= على اي
_ على الكلام اللي قولته
= اممم ولا يهمك انا اللي بعتذر
_ على اي
= على الطريقة دي
= كنت هقولك وحضرتك مش مدياني فرصة أتكلم ولما قولتلك مصدقتيش
_ إحم آسفة مره تانية ، انا وخديجة دايماً بنهزر ف مبنعرفش نفرق بين الجد من الهزار
= ع العموم حصل خير
= أخبارك عامله اي
_ الحمد لله بخير
_ وأنت
= زين زين الحمد لله
_ يا رب دايماً
= عامله اي في دراستك ومزاكرتك
_ الحمد لله اهو بنزاكر
= لو في احتاجتي حاجة قوليلي
= معاكي التاني ع الدفعة
_ بسم الله ما شاء الله
_ إن شاء الله يا دكتور
= دكتور!
_ آمال اقول اي
= عمر عادي
_ اممم حاضر
= يا اي.. ؟
_ يا دكتور
= دكتور تاني!
_ قصدي يا عمر
= عايز رقم باباكي
_ سلمي بخجل: هبقا ابعته لخديجة
= محتاجة حاجة
_ شكراً
= تصبحي ع خير
_ وأنت من أهل الخير
' سلمي كانت في غاية سعادتها وبالرغم من إنتهاء المكالمة وإنها كانت مكسوفة وهي بتكلم عمر إلا إنها معرفتش تنام ل تاني يوم '
........................................................................
"في الجامعة (قاعة المحاضرات)"
.. دكتورة يا دكتورة
= سلمي أصحى يا حبيبتي
_ آسفة يا دكتور
.. إتفضلي اغسلي وشك علشان تقدري تكلمي السِكشن
........................................................................
"كفاتيريا الجامعة"
= الحمد لله دكتور إياد مطردكيش برا المحاضرة
_ والله ياريت كل الدكاترة زي الدكتور إياد دا
= فعلاً والله دكتور مُثقف ومحترم وقلبة علينا بعكس باقي الدكاترة والمعيدين
_ ودا غير شرحة الجميل واسلوبة السلس في الشرح
= إنتي من إمتى بتنامي في المحاضرات
_ معرفتش أنام طول الليل
= خير
_ عمر كلمني من الفون بتاعك
= آه عمر جه وعرف وعرف إني بكلمك واتس ف قالي رني ع سلمي عايز اكلمها
= مرضيتش ارن عليكي على طول وبعتلك مسدج واتنين وتلاته وحضرتك مردتيش
_ اية كنت بعمل نسكافييية
= وانا اعرف منين ، انا قولت اكيد نمتي ف أديت الفون ل عمر ونمت
_ وانتي تدي الفون بتاعك ل عمر لييية
= علشان يفعلي خدمات جوجل ع الفون ، حصل اي
_ أبداً ياستي محصلش حاجة
= انطقي
_ أقري الشات بتاع الواتس وانتي تعرفي
'بعد بضع دقائق'
= خديجة بضحكة هستيرية: وقالك اي لما كلمك ها
_ لا مش هقولك
= اخلصي انطقي
_ تؤتؤ
= كدة!
_ آه
= طيب خليكي فاكرة
_ مبنساش
= الجيات اكتر
_ خلي عمر يحكيلك
= انا رايحه ل عمر المركز دلوقتي اصلاً
_ رايحة ليه ها
= صحيت لقيت عمر كاتبلي الورقة دي 'صباح الخير يا جميل معلش ملحقتش أخلص طلعبك وعارفك محتاجة الخدمات دي ، عدي عليا في المركز وانتي راجعة من الجامعة. #اخوكي_حبيبك'
_ جميل اوي عمر دا وخطه جميل
'أثناء الحوار تليفون سلمي رن'
_ رقم غريب بيرن
_ رقم عمر دا
= لا
_ ارد اشوف مين وخلاص
_ الووو
.. فينك يا فاشلة
_ جووو حبيبييييي
.. اخبارك يا فاشلة عامله اي
_ الحمد لله بخييييير
_ اخبارك يا جوو عاش من سمع صوتك
.. اهوو سمعتي صوتي وهتشوفيني كمان
_ بجد
_ انت نزلت مصر
.. انتي مش شايفة مصر نورت إزاي
_ وصلت إمتي
.. لسه إمبارح بالليل
_ حمدلله ع السلامة يا جوو
.. الله يسلمك يا فاشلة
.. رايح ل خالتوو اشوفك إمتي
_ دلوقتي حالاً
.. انتي فين دلوقتي
_ في الجامعة قاعده مع واحده صاحبتي
.. حلوه
_ هي مين
.. صاحبتك
_ لم نفسك
.. هجي اخدك بالعربية ، عشر دقايق واكون عندك
_ أوك مستنياك
= مين دا
_ يوسف اخويا
= خديجة بتعجب: مش أنتي وحيدة
_ آه
= آمال اخوكي إزاي هتجننيني
_ يوسف إبن خالتي اكبر مني ب 5 سنين مهندس بحري في شركة أرامكو بيسافر كتير وشغلة كله في البحر وبيغيب بالشهور ، بيعاملني وبيخاف عليا زي اخته بالظبط وامكن اكتر كمان ، انا وصغيرة كان بيجي كل يوم من شقتهم ل شقتنا علشان ياخدني معاه المدرسة ، كان متفوق جداً في دراسته ودايماً كان بيزاكرلي ولو نقصت درجة يقعد يزلني ويقول يا تعبي اللي راح يا صحتي اللي في النازل منك ياشيخة ويستلمني اختي الفاشلة ، بس تعرفي معاه هو وأولاد خالتو عمري ما حسيت إني وحيدة ، دايماً محسسني إني معايا أخ اقدر اتسند عليه في أي وقت ، دا غير الهدايا اللي بيجيبهالي في كل أجازة. باز کردن / نظر دهید

2021-07-20 21:53:47 "عريسين ، عريس قبل الأكل وعريس بعد الأكل" باز کردن / نظر دهید

2021-07-20 08:36:56 في زحام الأعوام يمضي عام تلو عام وفي كل عام حقائق وأحلام وحلمي أن أراك في قناتي كل عام.. باز کردن / نظر دهید

2021-07-20 08:33:31 جعل الله فجر يوم العيد نوراً ، وظهره سروراً ، وعصره استبشاراً ، ومغربه غفراناً ، وجعل لكم دعوة لا تُرد ، ووهبكم رزقاً لا يُعدّ ، وفتح لكم باباً في الجنة لا يُسَدّ وكل عام وأنتم بخير.. باز کردن / نظر دهید

2021-07-20 08:27:55 باز کردن / نظر دهید

2021-07-20 08:21:02 عن أبي ذر الغفاري رضي الله عنه ،
عن النبي ﷺ فيما رَوَى عن الله تبارك وتعالى أنه قال:

"يَا عِبَادِي ، إنَّكُمْ تُخْطِئُونَ بِاللَّيْلِ وَالنَّهَارِ وَأنَا أغْفِرُ الذُّنُوبَ جَمِيعًا ، فَاسْتَغْفِرُونِي أغْفِرْ لَكُمْ" باز کردن / نظر دهید

2021-07-20 08:11:46 عن ابن عمر رضي الله عنه قال:
قال رسول الله ﷺ

(لَا تُكْثِرُوا الكَلَامَ بِغَيْرِ ذِكْرِ اللهِ ؛ فَإنَّ كَثْرَةَ الكَلَامِ بِغَيْرِ ذِكْرِ اللهِ قَسْوَةٌ لِلقَلْبِ ، وَإنَّ أبْعَدَ النَّاسِ مِنَ اللهِ القَلْبُ القَاسِي)

رواه الترمذي. باز کردن / نظر دهید