2021-08-29 14:41:37
حنيت الك _ ياحبيبي وطالت الليالي
حنيت الك _ تعبتني فركتك يغالي
حنيت الك _ سنين وانت عيونك عله بالي
حنيت الك
_______________مــوت _مـشتـاگه
ويـن _ نـتـلاگـه
مـشه _ و دلالي
وگـف _ بـفـراگه
لو رد والعيون بالعيون يتلاگن
واصفن بالحسين والحسين يشتاگن
غير السهر بيك والدموع ما ضاگن
اتأملك
يا ابوي وصاحبي وحلالي
حنيت الك ياحبيبي وطالت الليالي
______________راح _ خلاني
خاف _ ينساني
طيف _ مر بيه
حيل _ بجاني
مذبوح الحسين والأحلام مذبوحه
ميت شعدهه الخيل تسحك حيل بجروحه
طلعي بهداي هداي من حسين ياروحه.
اتخيلك _ عالرمح والرمح بويه عالي
حنيت الك _ ياحبيبي وطالت الليالي
_________________اخ _ يا شوگـي
راح _ معـشوگي
جزت _ ايامـه
غيم _ من فوگـي
لو يدري الحسين كثر ما تانيته
چفي من الفراك عله الباب ناسيته
يالبـيـن الضلوع والعيون خليته
كلي الك _ انت يا اول هلي ويتـالي
حنيت الك _ ياحبيبي وطالت الليالي
__________________ريت _ ذكراهـم
مـات _ ويـاهم
عذاب _ سـنيـني
هلي _ بـجفاهم
ياهو اليوديج للاعزاز ياروحي
فوك الحياطين طلع شيب من نوحي
راح الدوه شلون اداويج يجروحي
ارد أسألك _ بويه هم يرجع بعد دلالي
حنيت الك _ يا حبيبي وطالت الليالي
____________________نار _ بالخـيمـة
موت _ بالـهيـمة
خذوا _ نسوانه
ناس _ مو شيـمة
كون الحك ضعون هلي وكون الكيهم
من ماي العيون احط ماي واسگيهم
بس اهلي ميتين عمت عيني عليهم
خلصوا هلك _ موت ياكلبي شنو البقالي
حنيت الك _ ياحبيبي وطالت الليالي
________________محمد الموسوي
القصيدة كــاملة
130 views11:41
ق
