شنو المقصود ب Data Driven ؟ هواي نسمع بهذا المصطلح خصوصا بالم | Mohammed Eydan
شنو المقصود ب Data Driven ؟ هواي نسمع بهذا المصطلح خصوصا بالمجالات المرتبطة بالذكاء الصناعي او سوف تسمع به كثيرا اذا تخصصت بالذكاء الصناعي ، المهم يقصدون بي مجموعة من الادوات او التقنيات او الطرق او اطارات عمل (Frameworks) نطبقها (تحليل) على البيانات الي نملكها حتى نصنع قرارات صحيحة (نسبة الخطا بي قليلة) Make decision . تخيل تسافر لأول مرة من مدينة a الى مدينة b بسيارتك ، فهنا تكون قيادتك للسيارة بيها مخاطر ، يعني ماعندك تصور او معلومات عن الطريق ،هل الطريق خالي من المطبات ؟ هل الطريق امن … الخ ؟ لكن بالرجوع من مدينة b الى a ، او بالسفر مرة ثانية من a الى b راح تكون عندك معلومات مثلا اماكن الازدحام ، المطبات ، الامان .. الخ فهنا بالاعتماد على هذي البيانات الي عندك راح تكدر تقرر make decision وتحدد وين تمشي سرعة ، او بطيء ، او ممكن تاخذ طرق جانبية .. الخ . لهذا فهو مهم جدا بصناعة القرار وتطبيقاته جدا واسعة خصوصا المجالات الي تحتاج تنبؤ Prediction .
كذلك البعض يعرف الذكاء الصناعي هو عبارة عن Data driven.
