شور (لسان حال مولاتي زينب تشكي لخيها الحسين عليه السلام) حسين | الخادم محمد توفيق الجياشي

شور (لسان حال مولاتي زينب تشكي لخيها الحسين عليه السلام)
حسين..... هااااا
حسين..... هاااااا
....
بين العساكر والزلم.... ركضن خواتك
كل وحده امضيعه حلم...صارن بناتك

وين الي ما شافو كبل اله خيال
ضل بيه يشتم كل وكت الجتال
كل وحده منهن تلكه متروسه جروح
وضلن يدورن بلجثث عل كفال

بين الناس..... اطشر وتاه الضعن
بين الناس.... بحبال مجتوف مشن
بين الناس.....و ابعيد عنهن الوطن

حسين.. هاااا هاااا
.....
زينب وحيده وتنتظر.... اترد الخوان
ثاريه تسمع صرختك... ياجدي عطشان

ركضت وصعدت خايفه فوك التل
ادور له بين هل الوادم حل
ثاريهه شافت دايره عليك عيون
ركضت عليك اتنادي والمدمع هل

وصلت ليك..... وحتارت ابذاك الجمع
وصلت ليك.... شافتك انته ابهل وضع
وصلت ليك.....ماسلم من عندك ضلع

حسين...... هااا
....
امحيره زينب بقت..... وامدوهنه الراي
تكعد بجروحك تلم....لو تجيب الماي

كعدت يمك والسبي بيهن حان
وياهو اليجيب الماي الك يلعطشان
دارو عليك دوره الزلم تطلب ثار
وجسمك منهدومه انسلب يلعريان

اهواي جروح..... زينب ابجسمك شاهدت
اهواي جروح..... ياجرح بيهن ابتددت
اهواي جروح..... ابسهم كلبك اعثرت

........
الف وتسعميت جرح.... ابجسمك اشوف
اداوي زينب ياجرح..... وياهي منهه اتعوف

ونته تكلهه كل جرح بي عوفيه
بس جرح كلبي يل أخت لي شوفيه
شافت سهم كلبك وصل للمكفاك
لطمت عله الراس وهوت كله عليه

مامش عون... يكعد يداوي اجروحك
مامش عون.... بهداي تطلع روحك
مامش عون.... مابيه بس اتنوحك
حسين... هااااا
............
النار بخيامك تشب..... وما ضل بعد حيل
شلون اترد للخيم..... وعليك اجت خيل

اتعوفك اترد للخيم شلون بهاي
ولاتكدر اتكوم وترد انته وياي
محتار ضلت زينبك وين تروح
مابين ترجع لو تضل تاه الراي

وين تروح..... زينب بعد احسينهه
وين تروح..... ماظل اخو ليعينهه
وين تروح..... بطف كربله مخلينهه
......