قصائد استشهاد الامام الكاظم عليه السلام قصيدة( عهد الزوّار) ** | الشاعر مهند قاسم الكاظمي
قصائد استشهاد الامام الكاظم عليه السلام قصيدة( عهد الزوّار) **** وحگ ربنه وسمائه وجنته وعرشه لابن جعفر نجدد كل سنه الممشه ***** بالباري العزيز احلفنه واقسمنه ونضحي الهالقسم ارواحنه ودمنه شنهو الموت احنه الموت ميهمنه ومنهاب اليضدنه ومنّه مانخشه ***** اشچم باغي ووهابي وفاسق وظالم حاول يمحي خط ازيارة الكاظم مايدري علينه گبله چم حاكم حاول وانتهه وي دولته وبطشه **** مازعزع عزمنه مُجرم وطاغوت لاجل موسى بن جعفر عالمنايا انفوت نتسابگ نظل غايتنه نلگه الموت والماي الشهاده الروح متعطشه ***** خل يسمع زعيم الناصبه ويشوف فدائيين صرنه ومانِعَرْف الخوف وخطّينه ابدمانه للشهاده احروف وبحبل الأجَل واحدنه شد جأشه ***** ومثل ما اوصه طه ونقلت الاخبار التبع آله وكتابه ينجى من النار تمسّكنه ابعترته ومصحفه بإصرار حبل الله المتين وفاز اليكمشه **** تبعنه المصطفى واعملنه باخباره شاركنه ابحزن وافراح اهل داره وصرنه الليله للمسموم زوّاره اجيناه وحزنّه اعلينه يتغشّه **** ابصحن عود الرضا كل عام من نلتم نحي امصيبته ونجري المدامع دم ونصيح آ عالغريب المنغدر بالسم الماحضرت هَلَه من شيّعوا نعشه **** ومن نذكر نعش موسى وجسر بغداد جرح جسر الايمّه ابكل گلب ينعاد مثل جثته جثث من شيعته الوفّاد صارت عالارض بالموت منفرشه ***** كلمات خادم اهل البيت( عليهم السلام) الشاعر-مهند قاسم الكاظمي