قصائد استشهاد الامام الكاظم عليه السلام قصيدة (وارث الاغلال) **** ابوحْشته سِجني وظَلْمِتَه وعذابه جَوَّه عَيَّشني ابظَلْمَة الخَرابـــــــه ومِن اچفوف الاطفال وارث چَفِّي الاغــــلال ****** آنه مَن خِلْصَت حياتي وسلسله بديَّـــه البالغُرُب مَحَّد حِضرني ابساعة المِنيَّه آنه الجنازتي ظَلَّت عالجســر رِميَّــــــه قصِّتي هوايه شبيهه ابقصَّـــة السبيَّــه عاشَت وماتت بت علي غريبـــــه وآنه عايشهه نَفِس هـــــالمصيبه امن الچِتْفوهه بِحْبال وارث چفِّـــي الاغلال ****** مثل ما ابحَرگة خِيَمهه اعيال عَمْتي فَرَّت لَحظه العتقلوني بيهه عيلتي تطشرت بس فرق مِن أسّروني عنهه مِن تأسرت هيَّه دَوْرت عن حرمهه اعيالي عنَّي دوْرَت بنتي معصومه دوِّرَت عليَّه وزينب اتدوّر ضيِّعَت رُقيَّـه امن السِلْبوهه لِرْجَـال وارث چفي الاغـــــلال ***** مثل الأخذوهه أسيره للسجن خَذوني ابمثل گيد ام المصايب آنه گيِّــــدوني وابلقب عَمْتي الغريبه نفسه لقِّبـــوني امن ادخلت سجني الخرابه بيهه ذكّروني وصرت اتخيَّل زينب وحَرمهـــــه گاعده تبچي اتحَسْرَت الزِلِمهــه امن المَدْمَعهه هَمَّال وارث چفِّي الاغــــلال ******* جِفني ليل انهار چانت فايضه دمعته مانِحِت مِن أجِل سِجْني وظَلْمِتَه ووحشته سوط ابن شاهِك فجعني ابمتني اجت ضربته اتذكَّرت مَتْن العقيله والشمر ذِكْرته اهوايه أذَّاني السنــدي مِن شتمني الشمر سَب زينب واستمعته بإذني اتكرَّر بِيَّه هالحـــال وارث چفِّي الاغلال ****** من عذابات السِبيَّه استورثت عــــذابي ومِن مُصايبهه ومِحنهه بي شَبَهْ مُصابي بالغرُب ماتت غريبه ومِتت باغتـــــرابي هِيَّه بالهَم وآنه بالسَّم مِنْخِتِم كتــــــابي اندفنت وچَفْهه بي أثَـــــر سلاسِـــل ونمت أنه ابگبري اويايه گيدي نازِل حتى ابيوم الآجــال وارث چفِّي الاغلال ****** كلمات خادم اهل البيت(عليهم السلام) الشاعر مهند قاسم الكاظمي 1.3K viewsمهند قاسم الكاظمي, 12:46
