'مش عارف ابدأ منين ولا منين ، استنيت اللحظة دي علشان اكتب فيها | بُشريات أبطال واعي

"مش عارف ابدأ منين ولا منين ، استنيت اللحظة دي علشان اكتب فيها ليكم ومش اخر لحظة عاوز اعمل فيها كده

عندي 24 سنة وابتديت الحوار من زمان اوي تقريبا لما كان عندي 13 سنة ، النهاردة تميت ال 30 يوم بدون فيديو واحد او حتى عادة سرية، جه عليا فترات استسلمت فيها بالمعنى الحرفي قولت لنفسي لا ده مستحيل وامر مفروغ منه ،دي شهوة زي الاكل والشرب مينفعشي انهيها

عدت الايام وانا في دوامة واكتئاب وحزن لحد ما لاقيت نور كده حرفيا جاي من بعيد في لحظة قراءة حديث ،حديث صعب غير وهيغير حياتي حرفيا (لأعلمنَّ أقوامًا من أمتي يأتون يومَ القيامةِ بحسناتٍ أمثالِ جبالِ تهامةَ بيضًا فيجعلُها اللهُ عزَّ وجلَّ هباءً منثورًا قال ثوبانُ يا رسولَ اللهِ صِفْهم لنا جَلِّهم لنا أن لا نكونَ منهم ونحنُ لا نعلمُ قال أما إنهم إخوانُكم ومن جِلدتِكم ويأخذون من الليلِ كما تأخذون ولكنَّهم أقوامٌ إذا خَلْوا بمحارمِ اللهِ انتهكُوها).

انا مش عاوز اقابل ربنا وانا كل الحسنات الي عملتها تروح هباء منثورا ،انا مش هضحي انا بالآخرة الي تعتبر هدفي الاول والاخير واملي الي عايش عليه ،اقسم بربي لو كل منكم ركز في معنى الحديث وهدفه قبل اي ذلة او انتكاسة او حتى اطلاق بصر ليتراجع في لمح البصر ،اتنمى ان يكون هذا الحديث هو الخلاص لاي حد غيري ،باذن الله ساكتب لكم مرة اخرى بالصعوبات والنتائج التي وجدتها في رحلتي عندما اتمها باذن الله."