صباح الارادة والعزيمة لكل الابطال من رحلة ال ٩٠ ميل قطعت ١٠ | بُشريات أبطال واعي
صباح الارادة والعزيمة لكل الابطال من رحلة ال ٩٠ ميل قطعت ١٠ خطوات بفضل الله والنهارده جاي اقلك علي ايه أسباب ساعدتني لده بعد فضل ربنا
اول ما بتقرر تبطل خلاص وعايز تبدأ صفحة جديدة بتراودك افكار : هتسيب كل المتعة دي ! ، بس ازاي ده احنا في زمن كله مغريات الموضوع يكاد يبقي مستحيل ، عادي يعني لما نتجوز الموضوع مش هيشغلك اوي ...... وغيره من افكار ودي اسمها فترة محاربة الأفكار و دي الي بتعتبر من اصعب الفترات لأنك فيها أي حاجة بتيجي قدامك بترجمها للاباحية.
وعشان كده في الفترة دي مهم انك تبدأ بالابتعاد عن أي مثير في الشارع كان او في السوشيال او غيره وده عن طريق غض البصر وخلي الموضوع ده أولوية، اقفل وسائل التواصل خلال ال ٩٠ يوم لحد ما تستعيد تحكمك بذاتك لو اتعرضت لمثير مارس تقنية التعرض والاستجابة + الوضوء .
بعدت عن المثير تمام كده لا يا جميل لان المثير لا زال لسه في دماغك والصور الي كنت متعود عليها لسه محفوظة في الذاكرة .. طب والحل ؟
في الفترة دي بقي مهم انك تغتنم فراغك ده وده عن طريق بناء العادة والروتين ... يعني ايه يعني الوقت الي كنت بتمارس في إباحية هيبقي وقت بتمارس فيه عادة انت بتحبها وهتستمر فيها وتستثمر وقتك فيها وخلي بالك لازم يبقي بمعاد ووقت محددين عشان تقدر تكمل فيها ومه الوقت هتحس انك مبسوط بالحاجة دي خصوصا كمان لما تلاقي منها نتيجة مرضية ( رسم ، رياضة معينة بتحبها ، قراءة ، طبخ ... )
طيب يا سيدي انا بعدت عن المثير واتبنيت عادة جديدة هل ده كافي أمم تقريبا بس برضو لا في حاجة ناقصة
الجانب الديني مهم أوي انه يبقي أولوية في حياتك وده رقم واحدة في خطتنا
خلي ليك ورد قرآني ثابت كل يوم اول ما تصحي ومتبدأش بكم كبير عشان تقدر تكمل واكيد مش محتاج اقول الالتزام بالصلاة وادعي كل يوم ربنا يثبتك ومتزهقش ان الله لا يمل حتي تملوا ..
خليك عارف اننا متخلقناش عشان نموت هدر الاباحية احنا اتخلقنا عشان هدف اكبر من كده والي كل واحد هيوصله بعد ما كلنا نبعد عن الوباء ده
نسأل الله لنا ولكم الثبات واتمني اكون فيدتكم شاركنا تجربتك
