موشح نجفي ...... 1 يا زمن عيدي علي بس منطبر ردلي عيدي وانت ا | الشاعر ميثاق الحمداني

موشح نجفي

......
1
يا زمن عيدي علي بس منطبر
ردلي عيدي وانت اخذ عيد الفطر
باچر انصب تعزياتي امن الفجر
وعيدك مبارك بعد ما گولها
.......
2
يا شهر رمضان اصومك للأخير
مو صعب جايع گضه عمره الفقير
بس اصومن عن علي لا ما يصير
سالفه تبچّي ودمعتي بطولها
.......
3
ملثم يدك بابنه بذاك الضلام
يسلم اعلينه ونرد احنه السلام
هسه حسينه منو راعي اللثام
جروحنه التنزف علي وصفولها
.......
4
علي طيب حيل گلبه ومثله وين
علي عرفنه عله اوليده الحسين
عمت عيني اعليه چان شگد حزين
اذته الناس وحقدها خيولها
......
5
جرح يا رمضان والعيد الملح
الگاع تكتلها لوَن تمشي الفلح
باچر العيد وبواچينه الصبح
والشماته تعلّي دگ اطبولها

#ميثاق_الحمداني