2021-07-25 01:32:42
ردي علي استاذ بيقول ان حلم التقفيل راح خلاص و محدش هيقفل وان النظام جميل جدا و التقيم جميل
وكلامي مش عشان اضايق حد ابداً ده بس عشان تعرفوا ان الكلام بتاعهم ده غلط
انا كمعلم لا اتفق تماماً مع الكلام ده ومش كلام صحيح اطلاقا في حاجة اسمها عشان اختبر طالب اروح ماسك الطالب مديله اسئلة تاخد تفكير اكبر من الوقت لا وكمان اقوله اصل محدش هيقفل
لا صباح الضحك ياجماعة ده كدا مش اختبار ولا اسلوب للتقويم ده اسلوب للعبة رياضية.....
من شروط الاختبار السليم ان علي الاقل يستوعب من 80% ل 90% منه الطالب المتوسط و الباقي للطالب المتفوق و ان يراعي ان مدة الامتحان كافية للاجابة عن كامل الاسئلة بالنسبة للطالب المتوسط و الا ابقي انا بفقد مصداقيتي في التقويم للطالب و ابقي بهرج...
ان اردت ان تطاع فأمر بالمستطاع...
مش عشان النظام بقا كدا يبقي نقنع نفسنا انه صح وحلو و نقنع الطلاب هو نظام غلط وطريقة غلط وفي ليها الف حل.....
واحنا بالمناسبة اتقلنا لمرحلة العبث الي هو بنشتم فالاختبار الي بيقيس قوة الاسترجاع والذاكره لاختبار تاني يقيس الفهم بس
للمره التالته صباح الفل ، الاختبار الكامل يقيس كل المستويات عشان ابقي بعمل حاجة زي الفل، ولو عرفت ممكن اعمل اسلوب تقيم مهاري كمان من خلال اني اطلب منهم يصمموا نموذج لاي حاجة في المنهج بطريقتهم وبكدا ابقي بقيم حفظ وفهم وتحليل و ادراك وملاحظة و مهارة وبقا اختباري متكامل....
و الاولي المناهج الي ماتت من سنين تتعدل الي فيها مليون خطأ ينافي الواقع وبعدين المفروض ان الطالب يستوعبها وانا بشرحله معلومة غلط....
بالله عليكم فوقوا وبلاش شغل طبل وزماميز
3.9K views22:32