*جب رشتہ داری اور شریعت کے تقاضوں میں ٹکراؤ پیدا ہو جائے تو | مفتی محمد تقی عثمانی صاحب
*جب رشتہ داری اور شریعت کے تقاضوں میں ٹکراؤ پیدا ہو جائے تو ایک مسلمان کا لائحہ عمل کیا ہونا چاہیے؟* اصلاحی مجلس: شیخ الاسلام حضرت مولانا مفتی محمد تقی عثمانی صاحب مدظلہم العالی
مورخہ 17 اکتوبر 2021 کی اصلاحی مجلس میں شیخ الاسلام حضرت مولانا مفتی محمد تقی عثمانی صاحب مدظلہم نے سورۂ ممتحنہ میں منقول حضرت ابراہیم علیہ السلام کی دعا *رَبَّنَا عَلَيْكَ تَوَكَّلْنَا وَإِلَيْكَ أَنَبْنَا وَإِلَيْكَ الْمَصِيرُ* کی تشریح کرتے ہوئے،اس آیت کے شروع کے درج ذیل حصے :
ترجمہ: *تمہارے لیے ابراہیم اور ان کے ساتھیوں میں بہترین نمونہ ہے، جب انہوں نے اپنی قوم سے کہا تھا کہ : ہمارا تم سے اور اللہ کے سوا تم جن جن کی عبادت کرتے ہو، ان سے کوئی تعلق نہیں ہے۔ ہم تمہارے (عقائد کے) منکر ہیں، اور ہمارے اور تمہارے درمیان ہمیشہ کے لیے دشمنی اور بغض پیدا ہوگیا ہے جب تک تم صرف ایک اللہ پر ایمان نہ لاؤ۔ البتہ ابراہیم نے اپنے باپ سے یہ ضرور کہا تھا کہ :میں آپ کے لیے اللہ سے مغفرت کی دعا ضرور مانگوں گا، اگرچہ اللہ کے سامنے میں آپ کو کوئی فائدہ پہنچانے کا کوئی اختیار نہیں رکھتا۔ اے ہمارے پروردگار آپ ہی پر ہم نے بھروسہ کیا ہے، اور آپ ہی کی طرف ہم رجوع ہوئے ہیں، اور آپ ہی کی طرف سب کو لوٹ کر جانا ہے۔* آسان ترجمۂ قرآن مفتی محمد تقی عثمانی https://goo.gl/2ga2EU
درج بالا آیت اور حضرت ابراہیم علیہ السلام کے اسوہ کی روشنی میں *رشتہ داریوں اور شریعت کے تقاضوں میں ٹکراؤ* پیدا ہونے کے حوالے سے (مثلاً رشتہ داروں کا دل رکھنے کیلئے *مخلوط اجتماع میں شرکت* کرنے پر) بڑی *بصیرت افروز گفتگو* فرمائی اور بتایا کہ ایسے حالات میں *ایک مسلمان کا طرزِ عمل* کیا ہونا چاہیے؟
*چند روز پہلے اس حوالے سے جو ایک کلپ بعنوان:*
*"مخلوط اجتماعات کی وبا"*
بھیجا گیا تھا،امید ہے تمام حضرات نے سن لیا ہوگا،اس کے بعد یہ بیان بھی لازمی سماعت کیجیے۔ *اگر مکمل نہ سن سکیں تو 32منٹ کے بعد سے آخر تک ضرور سنئیے گا۔* جزاکم اللہ خیرا۔ *بسلسلہ معارفِ عثمانی*
