2022-06-10 13:50:34
دللول واهز رومحك وعذاب ليل لومرني
طيوفك تمر تحجيلي على صوتك تفززني
افز ولكه رمح راسك عليه من تعب محني
اريد ابني يهل وادم كثر وني اريد ابني
مرني ليل ........ وأنته غيابك حافر خيل
درب طويل ...... لوهب ريح برأسه يميل
راح لحيل ...... ست شهر ودماه سيل
اريد ابني ارضعنه واسولفله
لوتكبر ضواك يضوي القبله .
عمرك خلص على نوك ولمسره
وهسه علرمح نايم بلا اهله
____
باوع راسك وبالي رسم بعيوني انه حسنك
راسك عرمح يمشي وبالحومه بقه جسمك
خاف حوافر دوسك وشنهي الكه انه منك
اكعد ارد انه حجيلك يبعد الله بعد امك
رايح وين ........... هاي الوادم وبلا دين
متانه سنين ..... باكو حلمي برمشة عين
وين حسين .... يردلي وليدي أريده لحين
ضايع مني كلشي بروحته مني
طول درب اكولن رايده ابني
انه ربيت خاطر لوكبر طوله
اذا ملت بمشيتي عبد يسندني
_هدل متني من دمعي مو من شيلتك هدل
كون تشوف حال امك دمعها وصبر وشل
كماطك ردت لفنه شمالف بي يرد ينحل
نت عله رمح متعوب ونه متعوبه علهزل
وين نروح ........ درب الهيمه يعثر روح
كثر نوح ........ حجي لمسبي بس جروح
ضل مطروح ... فوكه خيول ترد وتروح
يطايح والحوافر طولك تگلبك
العطش كد مايهزك فطره الكلبك
تفطر كلشي بيك من لعطش يبني
تبعد هيجي تالي وتهت وبدربك
____
لف طولي سواد الليل وأمرلك يمك وانعي
عليك من الفكد يبني اجيك ومنحني ضلعي
يعطشان واجبت وياي شيله مبلله بدمعي
عسى ترويك من ضماك وصوتك ينده بسمعي
يمك جيت ..... حتلو انته بعيد مشيت
شكد ونيت .... فاهي بدونك يمه البيت
علي رديت .... عليه برمح من دنيت
ماخذ مني روحي ولهوى يخنگ
بدونك من يمر فطر كلب منشگ
انه بروحي سوالف ناغت جروحك
نزلي من رمح ثوبك غده يعتگ
____
يبني بكلبي اضمنك وليشوفك سهم جتال
تاهت ذكرياتي وياك ترده من حنيني الحال
الجنت بيديه اهز مهده وحلم يكبر ورجال
فجئه وكلشي تهدم وعفته وضعني عنه شال
تمشي ايام ......... نكابل راسك لا متنام
بكلبه شضام .... .. حجي راحت دون خيام
جروح شام ........ شوك الفطر منها جدام
هذه اخر وداع برمح ويهزل
انه عله الهزل ونت برمح دنزل
تعال ودع امك وحجي الكلبك
نمشي وفوكنه ماكو لنه محمل
#ولاية_علي_حصني
#الشاعر_مسلم_الحلفي
523 viewsابو أويس, 10:50