قصيدة شور ليلة الوحشة ياليل طول زينب ابلا والي بس انت ظليت | الشاعر مصطفى البديري
قصيدة شور ليلة الوحشة
ياليل طول زينب ابلا والي
بس انت ظليت الخدرهه الغالي
صبحك اذا طر ينوخذ
ضعن الهواشم للسبي
ياليل الك عازة ستر
تحفظ خدر بت النبي
تدري يليل
ذبحو كل عشيرتهه
وراحت منهه خيمتهه
ياليل المصيبة
هون عل الغريبة
*********************ا
ياليل ارحم ونة المفجوعه
المن البواجي واللطم ممنوعه
ياليل ماظل هاشمي
بس العليل وعلته
بالحرم واطفال الحرم
محتار هوه وعمته
ماكو معين
عطاشة وسكنت البيدة
وعليهه المشرعة ابعيدة
ياليل المصيبة
هون عل الغريبة
******************ا
ياليل مصباحك صعب بعيوني
ياخذني للشام وغرب يحدوني
ليل اهدعش طول بعد
وكثر سوادك عل العدو
ضعني الاجه ابهيبة اخو
باجر يروح ابلا اخو
كلشي يصير
ولا زينب يجتفوهه
وعله الهزل يركبوهه
ياليل المصيبة
هون عل الغريبة
*********************ا
ياليل هيه الجيتك منتظرة
تطلع لخوهه اتودعة اخر مرة
تطلع لخوهه ابظلمتك
فرصتهه هاي وما تصح
ما تلحگ اتودع بعد
ألتمشي للشام الصبح
امشي يليل
اوياهه ابلونك اخفيهه
واعله اخوتهه دليهه
ياليل المصيبة
هون عل الغريبة
***********************ا
ياليل عدهه اطفال ما متعلمة
تغفه ابأمان ابلاية خيمة وحشمة
والطفلة اذا فگدت ابو
ماتغفه ياليل وتحن
نوم الترايب للطفل
ما يشبه النوم ابحضن
بابا حسين
لو صاحت رقيتهه
ابيا مدمع تسكتهه
ياليل المصيبة
هون عل الغريبة
**********************ا
وصل ابهدوئك للنهر دمعتهه
يم الكفلهه وعافهه ابغربتهه
عدهه كفيل ابكربلة
مجموعه بي كل الشيم
من طاح ضامي اعله النهر
طاحن ورا كل الخيم
راعي دلال
واختة انهابت ابجالة
راح وظلت ابحالة
ياليل المصيبة
هون عل الغريبة
*********************ا
الشاعر
مصطفى البديري
