#اتعلم_تغذية_مع_الكوتش #معلومات_صادمة_عن_الحليب نكمل مع بع | صحتي هي حياتي
#اتعلم_تغذية_مع_الكوتش #معلومات_صادمة_عن_الحليب
نكمل مع بعض شرح المعلومات الصادمة عن الحليب المعلب وما هو الفروق المهمة بين اللبن الطازج واللبن المعلب
اللبن المعلب هذا لبن يتم تعقيمه بالحرارة العالية لكي يستطيع أن يظل في العلبة لمدة ٦ شهور بدون أن يفسد وبدون أيضا الحاجة للتبريد
واحد ممكن يسألني هو ايه المشكله صحيح طالما الشركات توصلت انها بتعرف تحفظ الحليب بالتعقيم او اي وسيله بدون ما يخرب لفترة طويله ؟ ما المفروض ده شي كويس ويبقي الحليب متاح في اي مكان وباي وقت وكمان لا يحتاج ثلاجات للحفظ ؟؟؟
ده فعلا شي جميل جدا من وجهة النظر الاقتصاديه او مصالح الشركات ولكن من وجهة نظر المستهلك الغلبان شي مختلف تماما money
لان هو حضرتك بتشرب الحليب ليه ؟؟؟ اكيد هترد وتقول لان الحليب مفيد جدا يا دكتور وربنا خلقه وده شي طبيعي ومغذي والرسول عليه الصلاة والسلام كان بيحب يشربه وبيوصي به
هقولك كل كلامك صح وفعلا الحليب من ضمن معجزات ربنا لانه غذاء كامل فيه بروتين حيواني عالي الجودة فيه دهون صحيه فيه نشويات وسكريات فيه فيتامينات ومعادن كتيرة وفيه انزيمات هاضمة ربنا خلقها بالحليب لكي تساعد جسمك علي هضم الحليب وهضم كل مكوناته والاستفادة منه بشكل كامل وايضا فيه بكتيريا نافعة مهمة جدا لجهازك الهضمي
بصراحة تركيبة فريدة من نوعها وفيه بينها تجانس عجيب
ولكن كل الكلام ده ينطبق فقط علي الحليب الطازج الفريش فقط
نيجي بقي لحليب الشركات الذي يتم تعبئته بعلب ويحفظ علي الارفف ست شهور بدون ما يخرب وذلك عن طريق تعريضه لدرجات حرارة عاليه جدا (انظر الصورة المرفقة بالتعليقات مكتوب علي العلبة معالج حراريا .. يعني ده مش كلامي ده كلامهم والعمليه دي اسمها UHT ) وذلك بهدف القضاء علي اي ميكروب او بكيتريا ضارة وبذلك نضمن انه هيقعد فترة طويله بدون ما يخرب
ولكن المصيبه بقي ان اولا بيتم نزع الدسم والقشطة الطبيعي او ما يسمي خير الحليب والاستفادة بيها في صناعات اخري وفيه شركات للاسف بتضيف زيوت نباتيه تعويضا عن دسم الحليب الطبيعي الذي تم نزعه
درجات الحرارة العاليه هذه بتدمر البكيتريا النافعه والضارة علي السواء وهذه اول خسارة
الخسارة الثانيه بيتم تدمير جميع الانزيمات الهاضمة المخلوقة مع الحليب علشان ربنا يخليك تقدر تستفيد من الكالسيوم الموجود بالحليب وبباقي العناصر المهمة وتهضمه وتمتصه بشكل كويس وعلشان كده فيه ناس كتير اصبحت بتتعب من هضم الحليب ومنتجات الالبان كلها غير زمان (نقطه مهمة جدا واكيد كلنا ملاحظين)
الخسارة الثالثة بيتم تدمير جزء كبير من الفيتامينات والمعادن المخلوقه بشكل طبيعي مع الحليب وعلشان كده الشركات بتضيف تلك الفيتامينات علي الحليب المصنع ده وبتكتب علي العلبه حليب مدعم بفيتامين د D وفيتامين الف A وهكذا وكانها بتمن عليك وفي الحقيقة جسمك لن يستفيد بتلك الفيتامينات المصنعه المضافة كاستفادته من الفيتامينات والمعادن المخلوقه مع الحليب
الخسارة الرابعة بيتم تغيير في شكل وتركيب البروتين الطبيعي المخلوق في شكل الحليب إلي شكل جديد لا يقارن مع الطبيعي مما قد يتسبب في كثير من الامراض وامراض الحساسيه وغيرها
يعني الخلاصة الحليب المعلب ده فاقد للقيمة الغذائية العاليه التي خلقها الله وافسدها الانسان طيب أزيدك من الشعر بيت فيه اصلا شركات بتصنع الحليب المعلب من حليب بودرة اصلا لا تتفاجئ كده يا عزيزي لان كل الكلام ده مكتوب علي العلبه (شوف الصورة بالتعليقات )
عرفتوا بقي ايه الفرق بين الحليب الطازة والمعلب
وفي النهايه القرار قرارك
#اضرار_اللبن_المعلب
#صحتي_في_غذائي 𝐃𝐫.𝐘𝐚𝐬𝐞𝐫.𝐀𝐛𝐝𝐞𝐥𝐚𝐳𝐢𝐳
Chief Specialist Pharmacist
PN Certified Professional Nutrition #Dr_Yaser_Abdelaziz
