2021-05-20 12:40:59
چارقادین یاشماغا دؤنوشوندن گلیرم
چاغ،
ایتگینلیک چاغی دیر
و تاریخ
قادینین سسینی گؤینه دن ایلک خایین دیر
آرخامجا گلن یالقیزلیغیمین قورخوسونو
صاباحلارا داشیییرام
چییینلریمده کی خاج آغیرلیغینی
باشیمداکی تاج تیتره مه سینه دویونله ییر آدام
من ایسه
تاجیم دوشرسه ایمانی الدن گئدر حیاتین
چییینلریم دوشرسه
جننتین کلیدی آچیلاجاق ساققاللی قورخولوقلارا
ایلویی ایلویی
- گؤزوم سو ایچمیر آما-
قولچاغی قوینوندا گلین گئده نین آرخاسینجا ماهنی اوخویونلارین اوره ک لرینده حیاتی داشا چئوریر نه اولار
ایلویی ایلویی
پرده لری آسماغا بیر ملک گؤندر
توپراق توپوردوغونو یالاییر
و اینسان
توپراغین اوستونده یاشایان قادینا حبس یاراتسین دئییه
آیه گؤندریر
آیه:
"سؤزومه باخماسان وورارام"
وورولدوم
جینازه مدن قاییدیرام
ایلویی ایلویی
قولچاغی قوینوندا اؤلن گلین جیغازین گؤزونده کی حسرتین بابالینی
کیم بوینونا آلمالی؟
کیم؟
#مریم_قربان_زاده
@susqan
168 views09:40