نتاوي

2021-12-11 05:18:38 "نحن نقتل استنادًا على البيانات الوصفية".
كان هذا تصريحًا صدر في عام 2014 من الجنرال "مايكل هايدن" مدير وكالة الأمن القومي ومدير وكالة الاستخبارات المركزية الأمريكية سابقًا.
هل تعلم ما هي البيانات الوصفية؟
قم بفتح صورة قمت بتصويرها باستخدام كاميرا الهاتف ثم ادخل إلى التفاصيل.. ستجد مجموعة من المعلومات عن الصورة مثل الحجم، الأبعاد، تاريخ الالتقاط، اسم الهاتف وغيرها من المعلومات. هذه هي البيانات الوصفية.
كل ملف سواءً كان نصًا أو صورة أو فيديو أو غير ذلك يحتوي على مجموعة بيانات عبارة عن معلومات عن الملف ذاته.
هذه المعلومات التي ربما لم تكن تعلم بوجودها من قبل استخدمها الجيش الأمريكي في استهداف وقتل البشر. باز کردن / نظر دهید

2021-12-10 17:17:39 واحدة بعتت موبايلها (بيكسل 5A) لأحد مراكز الصيانة التابعة لجوجل وفي حد في المركز قدر يفتح الموبايل ويوصل لحسابات صاحبة الموبايل ومنها وصل للصور الموجودة على الكلاود.
من فترة بردو كنت نشرت عن واحدة بعتت موبايلها للصيانة في أحد مراكز آبل، وفي شخص وصل لصور عارية ليها ونشرها من الموبايل على حسابها على فيسبوك.
يا ريت محدش يحتفظ بصور يخاف حد تاني يشوفها سواء على الموبايل أو الكمبيوتر أو أي جهاز..
الأجهزة الإلكترونية ممكن تتعرض للسرقة، للاختراق، ممكن تحتاج صيانة وساعتها الصور هتبقى تحت تصرف طرف آخر محدش عارف أخلاقه عاملة ازاي.. وكل فترة بسمع عن فضايح ما يعلم بيها إلا ربنا. باز کردن / نظر دهید

2021-12-08 05:16:48 من الحاجات اللي لازم تاخد بالك منها وانت بتشتري كمبيوتر أو لاب توب هي معالج الرسوميات أو كارت الشاشة زي ما بنقول.. خصوصا لو بتشتري جهاز للألعاب أو لاستخدام برامج بتحتاج تعمل Render زي برامج التصميم والمونتاج وغيرها.
من أهم مواصفات الكارت اللي لازم تعرفها هي ذاكرة الفيديو أو الـVRAM.
زي ما المعالج بعتمد على ذاكرة النظام (الرام) في تخزين وسحب البيانات اللي بيحتاجها لسرعتها الفائقة؛ كارت الشاشة بيعتمد على الذاكرة بتاعته في تخزين معلومات الصورة قبل معالجتها وعرضها على الشاشة.
كمان الـVRAM بتكون من معايير اختيار الشاشة. يعني مينفعش تشتري شاشة 4K مثلا وكارت الجرافيك في الجهاز ذاكرته 4 جيجا!
كدة انت مش هتستفيد بإمكانيات الشاشة الكاملة، لأن كل ما أبعاد الشاشة كانت أكبر والدقة أعلى.. الفريم أو حجم بيانات الصور اللي بيتم تخزينها في الذاكرة قبل عمل ريندر ليها بيكون أكبر، خصوصا لو بيتم استخدام تقنيات لتحسين الصورة زي تقنية التنعيم Spatial Anti-Aliasing وبالتالي بيحتاج الكارت إلى ذاكرة ومساحة تخزين أكبر.
ذاكرة الـVRAM كمان في منها أجيال وصلنا حاليا إلى GDDR6X.. كل جيل بيحاول يوفر تحسينات عن الجيل السابق في حاجات زي الباندويدث، استهلاك الطاقة، الحرارة، وغيرها من الأمور.
معلومات أكتر عن ذاكرة الـVRAM وكيفية تحديد الحجم المناسب لاستخداماتك على الكمبيوتر موجودة في أحدث مقالاتنا على الموقع
https://bit.ly/3Dybamr باز کردن / نظر دهید

2021-12-07 14:22:19 شركة آبل حذرت 11 موظف في السفارة الأمريكية بأوغندا من أن هواتفهم تم اختراقها بواسطة برمجيات خبيثة طورتها شركة NSO Group.
الشهر الماضي شركة آبل رفعت قضية على NSO Group لحظرها من تطوير أي تقنيات تستخدم لاختراق أجهزتها أو برامجها. والشركة أيضا أصبحت ضمن قائمة الشركات المحظورة من الاستثمارات الأمريكية، بالإضافة لمنع إمداد الشركة بأي تقنيات تم تطويرها بواسطة شركات أمريكية. باز کردن / نظر دهید

2021-12-07 02:29:28 كبسولة الموت Sarco تحصل على موافقة رسمية في سويسرا.
كبسولة "الموت الرحيم" حسب ما بيطلق عليها حصلت على موافقة للاستخدام بشكل رسمي في سويسرا وقريبا في دول أخرى.
الكبسولة تم تصميمها بواسطة تقنية الطباعة ثلاثية الأبعاد. الشخص المنتحر بيدخلها ويتم إغلاق الكبسولة عليه وإطلاق غاز النيتروجين.
في خلال 30 ثانية بتنخفض نسبة الأكسجين إلى 1% وبيفقد المنتحر وعيه قبل فقدان الأكسجين تماما ثم الوفاة.
العام الماضي استخدم 1300 شخص قانون القتل الرحيم في سويسرا.. وفي هولندا العام قبل الماضي استخدم 6,938 شخص نفس القانون للتخلص من حياتهم. باز کردن / نظر دهید

2021-12-05 11:29:30 الساعة 4 صباحا تم الإعلان عن اختراق منصة التداول الشهيرة Bitmart وسرقة أصول مالية تقدر بـ 200 مليون دولار.
فور عملية الاختراق الهاكرز حولوا كل الأصول اللي سرقوها إلى عملة الإيثريوم باستخدام منصة تطبيق التبادل اللا مركزي 1inch، وبعد كدة حولوا الإيثريوم المسروق إلى منصة الخلط Tornado Cash.
منصة Tornado Cash هي أشهر منصة حاليا بتعمل كميكسر Mixer ودورها خلط استقبال الأموال المشبوهة من الإيثريوم وخلطها وإعادة توزيعها عشان يصبح من شبه المستحيل تعقب أصحابها.
المنصة حاليا علّقت عمليات السحب لحين تقييم الوضع. باز کردن / نظر دهید

2021-12-05 00:59:37 الحمد لله الذي علّم الإنسان ما لم يعلم.
امبارح كنت نشرت بوست عن المضاربة أثناء حالة السوق الغريبة امبارح قبل الهبوط المفاجئ اللي حصل النهاردة الفجر، وقولت في التعليقات للناس المعترضة إن الأوقات اللي زي دي بتكون أوقات ممتازة للمضاربة وخطف أرباح سريعة لو انت فاهم الدنيا كويس.
لتأكيد كلامي فدي صورة لصفقة عملتها امبارح على عملة CTXC ودي أكتر صفقة سبتها تاخد وقتها بالرغم من خطورة السوق لاقتناعي بيها.

الشراء: 458$
البيع: 1152$
الربح: 694$
نسبة الربح من رأس المال: 150%
مدة الصفقة: 4 ساعات و20 دقيقة

على فكرة في صفقات تانية قفلت بخسارة، وده طبيعي في المضاربة في أوقات زي دي.. لكن في المجمل الحمد لله حققت ربح محترم.
المهم عشان الناس اللي طلبت مني في البوست بتاع امبارح افتح قناة على تيليجرام وانشر فيها عن مجال العملات الرقمية.. عملت قناة النهاردة وإن شاء الله هنشر فيها بالتفصيل عن المجال وازاي تبدأ فيه من الصفر، وهيكون فيه متابعة بأخبار وترشيحات لعملات مناسبة للاستثمار، وشرح مهم عن طرق المشاركة في الاكتتابات وأمور أخرى.
إن شاء الله النشر هيبدأ في أقرب فرصة
https://bit.ly/31BCymo باز کردن / نظر دهید

2021-12-04 20:04:37 لجنة التجارة الفيدرالية الأمريكية FTC قررت تقاضي شركة نيفيديا Nividia لمنع استحواذها على شركة ARM.
في شهر سبتمبر الماضي شركة نيفيديا أعلنت نجاجها في اتفاق استحواذ مع شركة أرم مقابل 40 مليار دولار.
الصفقة عملة قلق للشركات الكبيرة في المجال زي مايكروسوفت وآبل لأنها بتضع جزء كبير من الصناعة تحت سيطرة شركة نيفيديا اللي بالفعل بتمتلك النسبة الأكبر من مبيعات بطاقات الرسوميات.
شركة ARM واحدة من أكبر الشركات في مجال صناعة المعالجات، وشركة آبل بتعتمد على تقنياتها في المعالجات بتاعتها.
لجنة التجارة الفيدرالية عايزة تمنع عملية الاستحواذ لحماية المنافسة ومنع سيطرة شركة واحدة على جزء كبير من الصناعة. باز کردن / نظر دهید

2021-12-02 12:43:19 هيئة تنظيم المنافسة البريطانية تأمر فيسبوك ببيع موقع Giphy بعد الاستحواذ عليه في مايو 2020.
الهيئة كانت غرمت فيسبوك قبل كدة 67 مليون دولار لإخفاءها بعض المعلومات عن عملية الاستحواذ بغرض عدم مواجهة مشاكل تمنعها من إتمام شراء الموقع.
دلوقتي فيسبوك أصبح مطالب بإلغاء عملية الاستحواذ وبيع الموقع،
وتبرير الهيئة للقرار إن عملية الاستحواذ بتأثر على المنافسة في سوق التواصل الاجتماعي وممكن تأثر على إمكانية استخدام الموقع على منصات التواصل الأخرى، ويبقى الموقع متاح فقط على منصات فيسبوك، ده غير طلب الحصول على بيانات المستخدمين من مواقع زي تويتر وسناب شات عشان يقدروا يستخدموا صور الموقع.
موقع Giphy اللي اشتراه فيسبوك مقابل 400 مليون دولار هو أكبر مستودع للصور المتحركة في العالم بأكتر من 10 مليار صورة، وبيستخدمه أكتر من 700 مليون شخص يوميا. باز کردن / نظر دهید

2021-12-02 01:56:31 محرك YOU بقالي فترة بستخدمه وعاجبني فيه طريقة عرض النتائج بشكل منظم جدا.. أفضل بكتير من جوجل.
الموقع بيعرض نتائج البحث بشكل أفقي وبيعرض نتائج من مواقع التواصل زي تويتر، يوتيوب، انستجرام، لينكدإن وريدت وغيرها من المواقع.
بالإضافة لدقة نتائج البحث وجودتها العالية حتى بالبحث باللغة العربية، الموقع كمان مفيش فيه إعلانات وممتاز من ناحية الخصوصية، ممكن كمان يتم تخصيص طريقة عرض النتائج على الموقع بأكتر من شكل.
محرك ممتاز أنصح بتجربته
https://bit.ly/2Z6PDTB باز کردن / نظر دهید