2021-08-05 23:14:27
=صاحبتي مرتبطه وعندها حبيب وخيره اني مش زيها
_ نبي نرتبط الدنيا كلهم مرتبطين
_ اخي الحياة منغير حبيب
_ اصلا مفيش حب كلهم خاينين
ــــــــــــــــــــــــــــــــ
تعالي جاي انتي وياها الي تبي ترتبطو والي خانكم الي تحبوه وغيره من القصص الي نشوف فيها.
أنــتِ الي خانك الي تحيبه
تعالي نقولك انــتِ ربي يحبك باعدك
عليه خلاك تعرفي حقيقته متزعليش علي فراقه ربي حيبعتلك واحد خير منه بمليون مره حيعوضك ربي ومادرىٰك ما عوض الله.
انــتُ الي تبو ترتطبو وكساد منغير حبيب وغيره تعرفي انــتِ توا تجهري بمعصيه تبي اديريها والجهر بالمعصية وكأنه معصيتين.
من قـال مفيش حب وكلهم خاينين
لا يا حبيبتي في حــب ومش كلهم خاينين انــتِ تجربتك كانت فاشله
علاش الان ربي مش راضي عليك من البدايه لو انــتِ خليتي لين يجي نصيبك بالحلال حتكون حياتك احلى.
ومهما كثرو العلاقات الحرام هـٰدا ما يعنيش ان العلاقات ولت حلال
=بــهِ يـا فـاﭑِطمـهْۃ اعطيني دليل علي انه العلاقات حرام.
_شوفي ها حتا من غير ما نجيبلك من القرآن انــتِ لما تبي تكلميه تبيدي مقعمزه في دار بروحك وتبدي خايفه ان حد من عيلتك يشوفك تبدي تكلمي فيه بالدرقه
لكن بالحلال شن تبدي تكلمي فيه قدام عيلتك ومش خايفه من حد صح وله وهـٰذا شن معناه معناه ان العلاقات حرام.
الله تعالى حرم نضر النساء لرجال قال تعالى: {قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ}.
فهذا مجرد النظر حرام ومجرد الخالي من العلاقة فمابالك بالعلاقة الي فيها نضرات وهمسات وكلام فاضي.
= به اني وياه علاقتنا مفيهاش حرام
يا حبيبتي حتا لو ينوض فيك لصلاة الفجر حرام واصلا حرام الإختلاط مع غير محارمك.
ان شاء الله ربي يهدينا ويتبتنا.
17 views20:14