2022-04-13 04:30:52
لما كنت حس بـ الميل لـ إلِك ،
كنت أهرُب . .
أهرُب وأبعد عنّك لحتى ما يكمَل الشّعور لـ الحب . .
لأن ما كان بدي حِب ،
لما كنت أرجع لـ عندك من بُعدي كون كتير مشتاق . .
بس ما خبرِك ،
لأن فكّر أنو عادي أستفقدلك لأنك بتضلّك حدا موجود بـ حياتي ،
وجودِك " يلي ما كان عادي أبداً "
بس بعدا أنتي اضطريتي تغيبي عني وجبرتيني واجه غيابك لـ حالي ،
عرفت وقتا أني حبّيتك ،
تركتيني بـ غيابك فترة منيحة . .
وكانت كفيلة لـ إكتشف حُبي إلك . .
بتعرفي أنو غيابِك فادنا!
- معلش أفهم شي!
_ قليلي
- انتو ليش بتحبوا بس يلي بغيب عنكن . .
بتحبوا الذل يعني!
_ لا لا مو هيك ،
بـ العكس نحن بنحب يلي بتهتم وبتحن مو يلي بتأهمل وبتقسى . .
بس لو مالك غايبة عني هـ الفترة ما كنت حسيت أني بحبك لأن كنتي طوال اليوم معي ،
أنتي بـ غيابك حسّستيني بـ نعمة وجودك
وإعتيادي الحلو عليكي ،
وأني بدونك ولا شي وما بعني لحدا شي غيرك ،
أنا بحبّك لأنك حبّبتيني بـ حالي
قبل ما حبّك . .
أنا ما كان بدّي حِب ،
بس أنتي جبَرتيني!
721 views01:30
خ
