هاي ببداية الثمانينات چانوا المصريين هستوهم جايين للعراق وبعدهم ميعرفون اللهجه العراقيه اكو مصري طايح بوحله مال طين بقرية ومحد يمّه ويريد يطلع منهه وما يگدر
بهل اثناء اجه صديجي كلش حجي راهي شايل (مگواره) بيده وچان المگوار بذاك الوكت سلاح فتاك(مثل الBKC هسه) عند أبناء العشاير
صاح المصري وهو غاط بالوحل ( انگدني ) ... انگدني.. بالعصايه اللي بايدك يا حاگ گله حجي راهي .. خايب ولك اتموووووت وابتلي بدمك ورب مايضل براسك ظل المصري يتوسل بيه.. أنگدني ياحگ ... انگدني اركوك انكدي
گام الحجي نكده بالمگوار على راسه طير نور محمد من عيونه خلاه ست أشهر ياكل ماصخ...ومايعرف اليجيه.!!
هسه احنه صارت سالفتنا مثل حجي راهي الشعب يصيح انقذونا من الفقر والجوع ، تجي حكومة المبخوت مصطفى الكاظمي نگدته بموازنه شعلت مصنمه ، وصعدت سعر صرف الدولار وخلت العالم حايره بخبزتها !
