راجعني من الأول، كيف بديت معاك وكيف أني اليوم، راجع المواقف ال | نُـورا نصر

راجعني من الأول،
كيف بديت معاك وكيف أني اليوم،
راجع المواقف الي متكلمتش فيهم
والتصرفات الي ما أعترضش عليهم
الأوقات الي برغم الأذى ما خليتكش ليهم
والألم الي خنبته قبل مايوصلك وسهرت معاه،
راجعني،
كيف كنت أهدأ وردود أفعالي بسيطة،
كيف مكانش الكلام الحلو معركة بالنسبة ليا،
كيف كنت أخف في حضوري،
وكيف كنت نتعمد ما نغيبش حتى في وقت مفروض،
راجعني من الأول،
راجع روحك .. زعما أني وصلت هني لأني نبي
ولا لأنه أيد في الخفاء دفتني ؟