2022-02-14 10:59:37
“هي كسبت رحمهـا واحنه خسـرنا سحـورنا”
على_السحور
و أني هسه اريد أحط… أول لقمة بحلكي، دق الموبايل :
طبيب الطوارئ يتصل: وصلت ع الطوارئ بنية شابة بعمر الورد لا حس و لا نفس … دمها بطولها.
الفعاليات الحيوية غير مستقرة مع تسارع بنبضات القلب وداخله المريضة بصدمة وبديت احضر الها فحص فصيلة الدم وفتح لاينات للمغذيات العاجلة بين ما يحضرون الدم محتاجيك تجي بسرعة
وياها حاملها زوجها بين إيديه و يصيح دكتووور دكتووور ، ذبيت اللقمة و ركض ع المستشفى… البنية بحالة خطرة تفصلها عن الموت كم نقطة دم تنزفها ، وداخلة بصدمة نزفية حادة.
بالفحص و الإيكو لاحظنا #حمل_داخل_عنق_الرحم
و هي من الحالات البالغة الخطورة و نادرة، ع السريع و بدون تردد دخلناها غرفة العمليات و نطيت إيعاز للمساعدين يجهزون لإستئصال رحم طارئ.
و بعد… " بسم الله الرحمن الرحيم " و أنا هسه أبدأ بالإستئصال… سألت مساعدتي: شكد عمرها و كم ولد عدها ؟؟؟
قالتلي : "و لا واحد… بعدها عروس 4 شهور، خطية… كل عمرها 17 سنة"
أنا سمعت هالكلام… جمد المشرط بيدي و بده يدور صراع بين قلبي و عقلي:
-شراح تسوي ؟؟ لازم إستئصل.
*ليش ؟؟ ماريدها تموت.
-تريد تحرمها كأم ؟؟ و إذا تركت الرحم راح تموت من النزف.
*اكو حل ثاني ؟؟؟
-اكو بس نسبة نجاحه كلش قليلة و حالتها العامة ما تتحمل أي تأخيير
هدا الصراع دام لثواني… و بعدها صرخت ع السريع: غيروا الوضعية و جهزوا الادوات… راح نحاول بأمل ضعيف بدون إستئصال الرحم الكلي .
دكتور الوقت قليل
لازم نحاول بهذا الوقت القليل لازم نحاول
دقائق عصيبة تمر بسرعة ولازم تكون بكامل التركيز
بسرعة
استئصلت كتلة الحمل ( 5 × 8 ) سم و بديت اخيط بحذر و خثرت أوعية دموية دتنزف لازم نوخرها ونحط كمية كبيرة من شاش العمليات في عنق الرحم و فولي او انبوب ادرار.
بسرعة نقل وحدات الدم و البلازما والتعويض بأسرع وقت كمية الدم المفقودة.
تجمدت اعيوننا على شاشة مراقبة الفعاليات الحيوية
شوية شوية بده الضغط يصعد 4 ~ 5 ~ 6 ~ 7 ~ 8 .
الأكسجة بدت تتحسن ، النبض بعده متسارع بس النزف بده يقل وتمت السيطرة عليه .
بعد فترة بلشت تصحصح… صارت تنزعج من انبوب الادرار ، و مع طلوع ضوء الفجر … الحمد لله… الله أكرمنا.
هي كسبت رحمها و احنه خسرنا سحورنا.
عن د . أمين صالح/ سوريا
نقله
---
د سلمان داود
مقيم اقدم اطفال
حساب التوعية على الانستاغرام
https://instagram.com/dr_salmand?igshid=qbd41hnknyb3
370 views07:59
M
