ليال :طول هاي الفتره كل ما اضوج من شي اتذكر كلام ديالا من گالت مالج حق تضوجين اصعد لحجرتي وابجي وارتاح امسح دموعي واغسل واحدر راح اموت من گد الرجفه الي بگلبي
ديالا : ملتمين بالهول مثل المعتاد صياد حاط عذباء بحضنه وربعنه يدحگون عليها عبالك تلفزيون ادحگ على كواكب تحوص من العصر لاحظتها بيها سالفه تالي گالتها اجت گدام صياد وبسطت ثوبها تطلب حاجه استغرب صياد وعگد حواجبه
كواكب : يبن العم يشهد عليه الله عشت بجالك شيخه حسدتني النسوان حت خواتي ما گصرت بحگي يوم ولا سمعتني سالفه تغث تسهر عليه اذا مرضت وتصبر عليه اذا زعلت وتسامحني اذا اخطيت صرتلي اب واخ
صياد : ما حجيتي الا واجبي يا ام نشمي شنهو الزين الي سويته گولي طلبج يابه