اسماء:::شلون عرفتي بابا بهاي المستشفى! نجود::: زميلي شايفه وخابرني اسماء ::خير انشاء الله عود من يرجع بابا نعزم زميلج ونشكر منه نجود :ها اي ... سمعته صوت بيبي تحجي رحنه الها اسماء ؛: ها بيبي محتاجه شي فضيله:: ليش عايفاتني لوحدي هنا نجود::كعدنه يمها وصرنه نحجي ونسولف فضيله:سميه صدك مصطفى جايج يريد يعرس عليج اسماء::اي بيبي يريد يخطبوني بس اني رفضت فضيله ::لطمت ع صدرها وحجت يبوووو ولج انتي منو وترفضين مصيفي ابو وجه الحلو اسماء:: قسمه ونصيب واني نصيبي مو مصطفى فضيله:: شوف العياره عاد انتي منو مكلبج وترفضين مصيفي اسماء::اني حاليا ممفكره بالزواج موقصة مااريد مصطفى ,نجود:: بيبي هسه احنه بحال الزواج لو بحال بابا خليطلع من المستشفى وكلشي يهون فضيله::ماضلت عليه غير الفصمه كومي ولي منا شكو كاعدا يمنه!! نجود:: كمت واني اهز بيدي والله حيرتينه نكعد تطردينا نروح تصيحينا من خرب حضي اي والله عفتهم ودخلت للغرفة وسديت الباب اخذت التليفون لكيت ١٣مكالمه من سيف دكيتله رفض وره شويه خابر سيف:: ها جوجو وين مختفيه شكد اتصلت عليج ليش متردين.. نجود:: جنت يم بيبي كاعده سيف:: اي شلونج شخبارج نجود:: بخير وانت شلونك سيف:: أنه الحمدلله اكلج اني من يطلع ابوج اجي اتقدم الج نجود:: ها لا اني ماازوج اذا مااتخرج لتحاول حتى بابا راح يرفض سيف:: تمام براحتك يله اترخص نجود:: بعدني ما حجيت سده بوجهي وخرت التليفون وغمضت كمت طلعت يم بيبي واسماء جانت اسماء مخليه راسها ع القنفه ووبيبي نايمه فتحت غرفة الولد لكيتهم نايمين بسابع نومه واني طار النوم من عيوني طلعت كتبي وملازمي وكمت اقرأ صار الليل واني اقرا لحد ماسمعت صوت بيبي اصيح تريد اكل حتى تشرب علاجها كمت رحت اساعد اسماء طلعنه كبب وسويت بتيته واسماء واكفه ع الطباخ تكلي كملنه كلشي وأخذنا كعدت الولد اجو اكلو كملنه رحت سويت جاي واسماء شالت الاكل وغسلت المواعين اخذت استكان جاي ورحت نطيته لبيبي ومددت بصفها حجت فضيله::خابري امج اسماء::دخلت وهي تمسح بيدها بخاولي كالت خابرتها كالت بابا صحى وباجر يطلعون مابيه كلشي بس كسور ولازم الصبح اروح اجيبهم فضيله:: خير انشاء الله نجود::بيبي فضيله::ها نجود:: شكد عمرج من ازوجتي عدلت كعدتها وباوعت عليه وحجت فضيله:: عمري ١٤جنت العب ويه الجهال وجدج جان يجي يباوعلي ويضحك ويجيبلي بجيبه سكاكر ومصاص واني مكيفه ويشيلني ع ركبته ويمشي بيه هاي جان عمري بوقتها سبع سنوات وراها من صار عمري ١٤اجه وجاب كومه عالم وابوي رافض لحد ما ابوي وافق ويوم العرس اني ابجي وامي تكتل بيه ابجي لأن اخذو لعاباتي مني وامي تكتل بيه تكلي صرتي مره واني اصيح بنص النسوان اذا متنطوني لعاباتي ماازوج كل ضني بيدي وبكيفي ازوج لولا المهم زفوني واني مااعرف شنو الزواج وشنو العرس حسبالي بس بدله وزروكات وصفكه جنت مكيفه ورافعه بلاجمي (شفايف) ليفوك خاف تنمسح الحمره اخذوني ودخلوني لحجره مابيها غير سكراب سرير حديد نفرين وعليه كلٌُه بيضه تحمينه من الناموس وإلبك لأن جان قبل ماكو مبردات أو اكو بس العنده والطاك يشتري المهم وبوفيه قديمه هذا كان غرفتي وجدجن تعرفن مزوج قبلي ٢ المهم دخل عليه واني ارجف واصيحله عموو تقرب عليه واخذني بالكوه بجيت وتوسلت بس عبث اخذني وصرت زوجته ووو بلشت عركات ويه الضراير صار عمري ٢٠وانس عندي ٤ويلاد خما مثلجن هسه ايصير عمرجن ٣٠وممفكرات بالزواج نجود ؛؛: وجنتي تحبيه لجدو فضيله : اي والله حبيته نجود :: احنه ونحجي سمعنه صوت قوي مثل الانفجار والكهرباء طفت جمدت بمكاني واني اسمع صوت اخواني يصارخون شغلت ضوء تليفوني واجو كلهم كعدو يم بيبي نحتمي بيها ... أن تغرق من الداخل ولا دموع توحي بذلك يتبع... 577 views12:48
