البارت الثامن فيما مضى وقتاً جميلاً وأنقضى واليوم اقضي ليلتي أحصي الفضا ذاك الذي اسقيته مـــِْن ماء عيني مدتا ما عاد يشعر بالرضا فوضت امري للذي خلق المشاعر كلها عبدا .. ضعيفاً .. تائهاً .. متكاسلا .. متمارضى مابيه حيل ارفع جفن ذبلان جسمي مـــِْن الحزن والدمع… الدمع مـــِْن گد ما نزل ماخله لْـۆن برمشي محتار بحلامي البقن شو مارضن يتحققن مثل اليشوف ابنه البچر .. كبران بس مايمشي ماعندي كلشي .. بيا بخت تردوني أرضى بكلشي ____ طلعت لكيت يحجي ويه بيبي علي:: لازم توافق اني عالمودها فضيله ؛؛: ميصير تغصبها ياابني حرام علي::اني اعرف مصلحة بناتي واكو ولد هم اسمه سيف متقدم لنجود اريد اكمل اسماء وازوجها لهذا الولد خوش ناس وابن شيوخ وعرب.... نجود:::خليت ايدي ع حلكي اكتم شهكتي اخاف يسمعني .. فضيله::كل عقلك انت نجود وينها وين الجيزه بعدها مدرسه ماكملت علي::يامدرسه ياامي نجود بالكليه وضلن الها ٣سنوات وهو كال اخليها تكمل فضيله::يمه بعدها طفله حرام يمه بأجر وراك حساب وكتاب شدكول لربك بهل ايتام الولد شمرتهم ع خوالهم البنات تريد تزوجهن يمه شكاعد يصير بس كلي ليش هيج تغيرت علي:: اخاف اخاف يمه اخاااااف اخااف يطلعن مثل امهن يمه تعرفين شنو من اصفن واشوفها بذاك المنظر اتخبل يمه تعبت مااريد اشوف شي يذكرني بيها حتى جهالها كرهتهم من اشوفهم اشوف امهم بعيونهم اني هم انسان والي طاقه ولهنا وخلصت طاقتي نجود:: كام بابا يبجي من كل كلبه اني دموعي تجري راح يزوجني لسيف سيف الي بسببه ماتت امي فزيت ع أحد خله ايده ع كتفي باوعت جانت نور نور:: اوكفي بوجها اذا مرايدته اني اساعدج نجود::هزيت راسي بلا وابتعدت عنها رحت المطبخ طلعت بطل مي وشربته كله من حركة كلبي خليت راسي ع الطاوله وبجيت بحركه لحد ماسمعت خطوات قريبه عليه رفعت راسي كلشي ماكو ضليت اتلفت ماكو اي شي تعوذت من الشيطان ورجعت خليت راسي ع الطاوله ماااعرف شلون نمت جان سيف واكف يباوعلي ويضحك تقرب عليه دفعته وخرر ابتعد عني ادفع بيه واني الهث لحد مادفعني وكعت من فوك جبل عالي وعطت مامااااا كعدت تلفت ماكو شي كمت غسلت باوعت الساعه جانت نفسها يعني يجوز نمت عشر دقايق بس عبالك نايمه سنه اجت نور كالت نور::اريد اسوي عشا نجود::كعدت ع الكرسي وحجيت ليش ازوجتي بابا وهو مزوج نور؛: ضروفي نجود::ضروفج تخليج تتزوجين شخص مزوج وعندا كومه اولاد واكبر واحد بعمرج!! نور:: اي ضروفي اني ممكيفه ترا ولا فرحانه بهذا الزواج صار ٦سنوات حتى روحي كرهتها بسبب ابوج نجود::ماكو شي يجبرج هيج تجازفين وتزوجين شخص مزوج نور::ليش ابوج موجبر اسماء ليش متكولين اهلي جبروني ابوج نطاهم كم فلس وباعوني هيج ارتاحيتي نجود::مااصدك نور:: ميهمني صدكتي اولا نجود::وانتي ليش تحجين بنفعال نور::لاني تعبت تعبت تعرفين شنو تعبت صار ٦سنوات مشايفه امي صار ٦سنوات خانكني ابوووج صار ٦سنوات ماخذا واحد بكد ابوي ماخذا شخص بعيد عن افكاري بعيد عن احلامي تعرفين اني شنو بيه تعرفين بشنو كاعد امر نجود :دموعها يجرن وتحجي نزعت الشال وكالت نور::باعي هذا راسي مابيه ولاشعرايه تعرفين من اضرب كيمياوي اضل اسبوع نايمه وجهالي يبجون من الجوع تعرفين مبقالي شي واموت وجهالي مااعرف شنو مصيرهم وين راح يرحون وهم حتى خوالهم ميعرفونهم اني اني لحيت ع ابوج حتى يجيبني اني والجهال ونتعرف عليكم لأن اني اعرف راح اموت وجهالي مالهم غيركم نجود::كعدت بالكاع كبالي ولزمتني من ايدي ودموعها تنزل وترجع تمسحهن كعدت ولزمت ايدي وتباوع بعيوني نور::: جهالي مالهم ذنب والله حتى اني مالي ذنب عليج بداعت امج اديرين بالج عليهم نجود::هي تحجي واني ابجي وياها كتلها وعد مااعوفهم وانشاء الله تتعافين نور::ربي يوفقج نجود::كامت راحت تسوي العشا واني دخلت ع بيبي وبابا كعدت يمهم علي::شكو كاعدا كومي سوي عشا ويه نور صاحت نور لا عيوني ابو عبدالله مااريدها اني كتلها روحي علي::شلونج بدراسه نجود::عجيب قبل شوي يكول مااحبهم كرهتهم وهسه يسألني عن الدوام جاوبت زينه بابا زينه علي::من يصيرلي مجال اجي اسأل عليج .نجود:: كمزت ها بابا ليش. باوعلي مستغرب علي::شنو ليش نجود:: اقصد ها تعال هلا بيك بس خما اني طفله تجي تسأل عليه علي::ليش الي يتفقد بنته عيب!! نجود::لا بابا موعيب بس صديقاتي يكومن يضحكن عليه علي::عود لتكولين هذا بابا أو اجه يسأل عني من اشوفيني غلسي نجود::بلعت ريكي وحجيت براحتك يأبه كمت رحت للغرفه وحجيت هسه لوماخذه الرقم مال ابو عيون امداني جان حجيت وياه وجان ساعدني كمت اروح منا وارجع منا لحد ماصاحت اسماء بيه اسماء::كوون وجع شأجاج يااختي مو حتى راسي كام يوجعني فوك ماهو مصدر 385 views12:49
