نجود:: والله لواعرف احرك روحي مااقبل بس اصبرلي سيف::صابر صابر نجود ؛:: الله ياخذك ياسيف كون اشوف يوم بيك سيف::الله ميقبل دعاء وحده قاتله امها نجود:: اديني كامن يرجفن ودموعي نزلن رجع حجه سيف:::انتي حسبالج ابوج يتعاقب لا حبيبي يم الله انتي الي تتعاقبين لأن سكتي عن حق واليسكت عن الحق شيطان اخرس نجود::وكع التليفون من ايدي وكعدت بالكاع وكورت نفسي حسيت اني شكد حقيره ومجرمه كمت اخذت التليفون قفلته ونمت فتحت عيوني بتعب جانت اسماء واكفه تكعد بيه كمزت شبيج ولج اسماء::ولج ابوي يريد يزوجني لابن عمي قبل مااطلع امي السنه نجود ،::هو الاربعين ماطلع بعده وابوج يريد يزوجنه رفعت الغطا عني وكمت رحت للحمام غسلت وجهي وفرشت وطلعت اخذت ملابس بدلت واخذت كتبي وملازمي شغلت السيارة نزلت فتحت الباب وطلعت نزلت من السيارة اريد ارجع اسد الباب صار بوجهي ابو عيون طالع من البيت الي كبال بيتنه الي بصف بيت سيف تحسرت بقهر ورجعت سديت الباب وهو طلع سيارته هم صعدت بسيارتي وانطلقت وهو وراي حجيت بداخلي خلي اغير الطريق مااروح للجامعه اشوفه يلحكني غيرت طريقي ورحت لكوفي نزلت باوعت ماكو التفت يمين ماكو رفعت راسي لكيته واكف ومجتف ايدينه ويباوعلي دخلت للكوفي طلبت جاي اريد اشوف وين حيروح دخل للكوفي وتقرب مني وكعد ع الطاوله مالتي كبالي مئات راسي وخليت ايدي ع خدي واباوع عليه عيوني بعيونه واريد اشوف شرايد مني ماسألت كلشي اجه النادل جاب جاي وكاله شتطلب ماحجه اخذ الجاي مالتي واني اشرتله يجيب جاي ثاني اخذه زكام يشرب منه واني اباوعله اريد اشوف شلون راح يحجي ويخلصني ومنو هذا وشرايد مني ؛:::اني معيد بقسم علم النفس عمري ٣٥ مزوج وزوجتي ماتت قبل سنتين وشهر خلفتلي طفل وهي راحت جان مالي عليه الدنيا قبل سنه ابني ماتحمل فراك امه وراح وراها وعافوني وحدي ماعندي غير امي وهمومي شفتج كبالي سبحان الله العظيم الشبه البيناتكم فضيع كمت مااكدر اتركج اخاف عليج من كلشي اخذت بيت قريب عليكم حتى بس اشوفج كبالي جنت اتخبل من سيف بس بسببج صار اعز صديق الي دخلني بشغله كمت شيكلي اكله تأمر حتى ميأذيج نجود:: ضربت الطاوله الكدامي بغضب وحجيت كااافي كلكم سيف كلكم نفس الشي سيف سيف سيف هو دمرني دمر عائلتي امي راحت بسببه ابوي راح يزوج اسماء غصب واني وراها والكن يزوجني هههههههه لسيف اي لسيف وانت اني اعرف هاتاي العيون نفسها الي دخل علينه وضل يصيح علينه وخطف بابا هو انته نفسك كمت طلعت وهو يمشي وراي صبح وراي اوكفي نجود بس احاجيج التفت عليه حجيت الله يخليك اتركني لااني زوجتك ولااني لعبه عدكم كاافي اعتقوني حجه نجود ترا سيف أهله صعبين ومينعاش ويلهم ديري بالج توافقين نجود::اووافق اولا موانت الي تحكمني واني عناد بيك راح وافق مشيت سريع صعدت بسياره وصلت للجامعه جانت ب٩ونص دخلت رحت للقسم دخلت باوعت كلها تحجي وتباوعلي بستحقار كمت وكفت وحجيت بصوت عالي نجود::العنده شي خليحجي هنأ كاافي تحجون بضهري كلكم عدكم اخوات وأمهات وبنات حرام عليكم انتو تجذبون الجذبه واصدكونها حجه واحد طالب:: الي واثق من نفسه ميهمه حجي الناس حجه الثاني ::: احنه نعرفج انتي شنو محاجه تبررين حجه الثالث ::::من راقب الناس مات هما واني ابد ماعلي بناس نجود::رحت للمقعد كعدت وخليت راسي ع كتبي دخل الدكتور وكام يدرسنه خلصنه محاضرات وصارت الساعه ب٢ اني ابد ماطلعت من قسمي ولا حاجيت انس وامل وهن هم مبتعدات اخذت اغراضي ورحت اريد اصعد بسياره فتحت الباب خليت أغراضي وسديت الكتاب وفتحت الباب مال السايق خليت ايدي ع اليده مااحس اله انجريت من ايدي ومااعرف شنو خلو ع وجهي شهكت وبعدها مااعرف شصار.... ياأيها العمر السريع خذلتني ووضعت احمالا فوق احمالي خذني إلى عمر الصغار لأنني لم انته من ضحكه الأطفال يتبع ... 684 views12:49
