2022-06-22 20:14:44
لطمیه لوداع ام البنین ع
ــــــــــــــــــــــــــــــــــــــــــــــ
شد رحاله الحسین...اتحظرو یالبنین
انه احلفه الگمر
بـدرتي والسـهر
یفـدي اخـوه الحـنیـن
┉❈❥ًً ( ) ❥❈┉
شفته شد الرحال..وحزن غطه العیال..وهلت اعیوني مدامعها جریه
من نوه عالرحیل...ابو الیمه الجلیل...اتصورتها اگبالي مهضومه الزچیه
چن تگلي وتنوح...والمدامع سفوح...وین ابو فاضل یدافع دون اخیه
من نختني انحنیت...وابهضیمه بچیت
صحت یا بو الفخر
ابــدرتـي والســهـر
یفـدي اخـوه الحـنیـن
العلویه ام ضیغم المحنا
┉❈❥ًً ( ) ❥❈┉
من نختني ابدموع ... ايدها اعله الضلوع ... يمه وانه اوصيك بالدمعه الذروفه
يبني نفسك تهون ... دون هاي الضعون ... انصر حسينك اذا وحده تشوفه
لا تخلي وحيد ... بين ذيج العبيد ... واني ادري ابني يضحيهن اجفوفه
يالله حان الوداع ... ياسليل السباع
هناك ذل النهر
ابدرتي والسهر
تفـدي اخـوه الحـنیـن
ام ســ ــجاد العسكري
┉❈❥ًً ( ) ❥❈┉
تبجي شفت البتول ..جنها ليّه تكول
خايفه اعله احسين انه واجهر عويلي
ادري يمّ الولد .. احسين لامايرد
حايره تبجي وتون مردت دليلي
تصورتها تحوم ..كوه تمشي وتكوم
صحت يمه يالولد يابعد حيلي
رفعو راسي اريد.. ضحو دون الشهيد
نذرو ليه العمر
ابدرتي والسهر
يفدي اخوه الحسين
ام عباس السكيني
┉❈❥ًً ( ) ❥❈┉
چـــنه نـاوي یروح...بگلبي هيج جروح...ایرید یخرج یاخذ اویاه الهواشم
غبشه شد الظعون....ابچی گمت ابشجون....من شفتها محزمه کلها الضیاغم
ودعیت الحسین....وانه اجـر الونین....خاف عنی لو رحل مایرد سالم
ودعـیـته بنیاح....والگلـب بـي جـراح
گلبی یلهب جمر
ابدرتی والسـهر
. یفدی اخوه الحـنیـن
المیرزا ام لیلی الخاقانی
┉❈❥ًً ( ) ❥❈┉
يمه هذا امتحان ،،، مااريدن هوان
شما خدمتو حسين خدمتكم قليله
هذا ايه ومصير ،،، واسمه عدكم جبير
وامه الزهره الزجيـــــه والجـــليله
افدو لاجله العيون،،،، والعزم مايهون
وحمله يايمه اريد الكــــــل يشيله
یان ظر عیناي،،،، ورجوتي بدنیاي
بالسلامه السفر،
ابدرتي والسهر
يفدي اخوه الحنين
ام عــــــــــ ــــلي البابلي
┉❈❥ًً ( ) ❥❈┉
تـــمـ بعون الله تعالى ـــت
بقلم شاعرات اهل البیت ع في رابطة دموع العقیله ع
لانجيز حذف الاسماء
نسالكم الدعاء
872 viewsحسبي الله ونعم الوکيل , 17:14