2022-06-15 15:29:55
قصيده لسان حال الام ونهدي ثوابها لعلي الاكبر والقاسم ابن الحسن ع
______________انه ام الولد يامن تنشدوني
فگد امدللي طفاهن اعيوني
______________انه الفاجده اوليدي ونضر عيني
ومنه خاب ضني يالتنشديني
لـو عليتها الـونات اعـذريني
من تعب اليالي خابت اضنوني
ام ســ ــجاد العسكري
______________خابت كل ظنوني وايست منه
وظل بس الهدم كل ساع اشمنه
حسافه يالولد من دمه امحنه
ابجي عليهه دم ياناس خلوني
ام حسين عباد التميمي
______________شبه جده الولد واتنور وجناته
جفوفه ابدمه ليش اتصير حناته
تلطم بالثرى واتنوح عماته
ابعزه ابني اتصيح امه اليوم عينوني
الحاجه ام حسين العسكري ناصريه
______________الولد دنیاي کلها وکل تعب عمري
نحل حیلي ابرباه ومنحني ظهري
بطنـي شالـته واغـذاه من صدري
ردته التالي عمري وبیه یهابـوني
العلویه ام ضیغم المحنا
______________ربيت الولد ردته الكبر سني
ماادري الزمن تاليها يغدرني
اخذ مني الحنين وشوفته حرمني
صحت ويه الولد ياناس ادفنوني
ام منذرالحجار
______________ردت انه الولد للضيج والعازه
امنگب لو متت ويشيل الجنازه
ما ادري ابزماني وياي يتوازه
خذو نور البعيني وبيه فجعوني
ام ســ ــجاد العسكري
______________تمت بحمد الله وتوفيقه باقلام شاعرات الملتقى الحسيني لناعيات الطف تحت اشراف الشاعره الحاجه ام حسين العسكري ناصريه يحرم الحذف والتلاعب ونسألكم الدعاء والفاتحه لامواتنا
646 viewsحسبي الله ونعم الوکيل , 12:29