متجر عين الغزال

2021-08-10 11:36:37 باز کردن / نظر دهید

2021-08-10 11:35:40 #أمهاتي_أخواتي_المؤمنات...

ربما ذهبتِ الى المجالس الحسينية.. أو ستذهبين.. ربما لطمتِ أوستلطمين.. ربما بكيتِ أو ستبكين..
إحرصي أن ترفعي من شأن مصيبة سيدكِ ومولاكِ الحسين في مجالس المُعَزّين.. واعلمي إن المُعزّى هو رسول الله (ص واله) خاتم النبيينْ..فلا تتفاخري بما تلبسينْ..ولا تتزيني ولاتلبسين المصوغات الذهبية لمصاب الحسين.. ولا تتصدري المجلس واعرفي أين تجلسينْ..أشعِري الموجودين بعِظَمِ مصابكِ تأدُّباً وحشمةً لأُمِ الحسنِ والحسين.. خذي مكاناً بعيداً عن الأنظار لتستشعري وتستحضري الواقعة المؤلمة التي عاشتها زينب الحوراء إبنة سيدة نساء العالمين.. واسيها بمصابها بدمعٍ صادق اليقين.. إبكي بحرقةٍ وإيّاكِ تَبخَلين.. فبدموعكِ هذهِ من العذابِ ستنجينْ.. وهنيئاً لكِ المقام المحمود في عِلِّيينْ...

#مجالس_الحسين_مدارس_سماوية.https://t.me/Omelia95 باز کردن / نظر دهید

2021-08-09 12:25:04 نعي للسيده زينب عليها السلام معاتب}


°°°°°°°°°°~~~~~~~~~~°°°°°°°°°

احنـــه بعــازه كعــــدو النــه يخـوان

هــــاجــت العســـاكر وحركو الصيَوان

احشــمكم يــــخويـه واحنه نســـــوان

تـــرضـــون نمشـــي بــــــدون وليـــان


صحــت بصــوت خويه اكعــد النــــه

بعــــد عيــــونكم مامــــش محـــــنه

تـــــره بعــــازه ولـــي ونــريد اهلــنه

وعــــــن كربـٓــــله بعـــــــدو ضعنــــه


ياعــــــباس اكعــــد واسكـــي لطفــال.

ويحــــدي بضعـــكم تــــرضه جمــــــال

وســــوط. العــــــــدو يــــركع بالعيــــال

وحمــــل اختــــك يخويه من متت مال


مــــــال الحمــــــل وانتـــــــم نـــــومه

و راس حســـــين تـتــــــنـازف ادمومه

نــــايــــم اعــــله رمـل ومسلبه اهدومه

تعـــــنيت يـــبن امــــي وانــه مهمــــومه


اريـــــد اعتــــب عليــك وحيل مـــابيــه

تـــوجــع طكـــات الــدهر ويـــاي تالـــيه

عيـــوني اه يــــحسين خـــويـه معمـــيه

اريـــــد الـــــولـــي خــل يسئل اعلـــــيه



تــــمت بقــــ لم خادمه أهل البيت عليهم السلام

الشـــاعره ام كنـــان الهاشمي باز کردن / نظر دهید

2021-08-09 10:00:30 لطميه لأبا الفضل العباس عليه السلام



انعازي حسين طاح اليوم عباس
وضلت بلخيم بس النساوين
انعازي حسين
خل نلطم عله الراس وعله العين
انعازي حسين

/////////////////////////////////////

شوفو كربله وشوفو مصيبتهه
الجربه خاليه من الماي خلتهه
وشوفو رگبت العباس گصتهه
والرگبه ابرمح ميال شالتهه

خل ننصب عزه ونلطم عله الراس
انعازي حسين طاح اليوم عباس

//////////////////////////////////////////

نعازي حسين ضل بكربله وحيده
الله يگوي حيله الفاگد عضيده
مايك صاح ياعباس ماريده
بيده الرايه تحله وطاحت من أيده

ياراعي العلم والجود ولطاس
انعازي حسين طاح اليوم عباس
////////////////////////////////////////

ياراعي العلم ولسيف ولنخوه
أريد الطم واعازي حسين علخوه
نحل حزام ضهره ولابعد قوه
شوف حسين يوم الكافل شسوه

زيد من الدمع يلعندك إحساس
انعازي حسين طاح اليوم عباس
//////////////////////////////////////////

زيدن بلطم ولدمع والونه
واليوم اللطم ماينشبع منه
ويّه الصاح زينب راح كافلنه
خويه انكسر ظهري وبيش اشدنه

تعالو عازو المضلوم ياناس
انعازي حسين طاح اليوم عباس

________________________

بقلم شاعرة أهل البيت ع المله
أم ريام دخيل الركابي ..
تجدون التكمله في ديوان
النهضه الحُسينيه الجزء الثالث باز کردن / نظر دهید

2021-08-09 09:57:18 لطميه عزاىيه ليوم العاشر
________
كومي يازينب وشدي احزامج
واستعدي لليسر كدامج
________
كومي يازينب اتلكي المهر
جايج مسرع شجايب من خبر
يكول ابو السجاد كلبه منفطر
وعالارض مطروح والله حسينج
________
كومي يازينب خذوهه الرايه
وجف ابو فاضل عالمسنايه
وجوده عالكاع وتبده مايه
ياحزينه كومي لمي ايتامج
_________
كومي يازينب وضمي رقيه
جايهه الملعون للترجيه
يجره من اذانهه البنيه
ويجري دمهه تكول عمه دخيلج
________
بساع طلعيهه اليتامه من الخيم
جايين بنارهم ليج الزلم
كلوبهم من حجر مابيهم رحم
فوك كتل السبط وميسرينج
_________
كومي يازينب بهاي الليله
مابكه حارس لهاي العيله
انت حارس لليجي تكليله
يوم الموادع تره موصينج
__________
وادعاهه ابن امهه اوصاهه
عاليتامه لو مشه بحماهه
بس عليل الي بكه وياهه
لو مشيتي شدي أيده بايدج
__________
تمت بقلم خادمة اهل البيت
ام علي الزيرجاويه باز کردن / نظر دهید

2021-08-09 09:56:52 لطميه للحسين
________
الزهره أتكول الطمي وياي لحسين
عينوني يشيعه بدمعة العين
__________
الطمي وياي للمطروح عالغبره
مذبوح ويون والسهم طر صدره
ومكلوب السرج رد للخيم مهره
ومن شافته الحره لطمت العين
__________
الزهره اتكول عينن زينب بدمعه
اتشوف اليبجي ابمجلسهه وتسمعه
النار البحشر تطفيهه هالدمعه
ابد ميضيع اجرج يلتلطمين
___________
نلطم عالصدور ونطبر الهامه
نحسب كل سنه لمصابه وايامه
وكل شيعي بحبكم شاد احزامه
الخدمه النه شرف وبيهه عالين
_____________
عالين بخدمتك سيدي ومولاي
نذكرك بالشرب يلماشربت الماي
نريدك بالكبر تحضرنه يامولاي
بجاه الكطعو منه الجفين
___________

____________
وبجاه الزجيه وزينب الحره
ماريد انحرم من طبت الحضره
وبجاه العقيله من المرض نبره
تشفي اجروحنه يم كبة حسين
_____________
تمت بقلم خادمة اهل البيت
المله ام علي الزيرجاويه باز کردن / نظر دهید

2021-08-09 06:09:40 أونن على اخواني النسوني
نسوني ماأظن اخوتي يضيعوني
عموني بفراگهم يمه عموني
ــــــــــــــــــــــــ
نارك تشب بالگلب يحسين نارك
بنتك تون وتنشد أخبارك
خليه تظل بعدك ديارك
ــــــــــــــــــــــ
وين إلاگيك يابو المحنه وين الاكيك
أداويك جرحك كلف وشلون أداويك
عيني اتعمه ولاكون أصد ليك
ـــــــــــــــــــــ
وينك اصيحن علي متكوم وينك
ونينك ونيت من اكثر ونينك
انهض يبو السجاد وينك
ـــــــــــــــــــــ
الفرگ يصعب ييمه عليك الفراگ
وشتاگ آني الشوفتك يوليدي أشتاگ
وجرح الولد للگلب حراگ
ــــــــــــــــــــ
*تـــــــمت والـــــفضـ ل الله تعالى
بقلم الشاعرة ام احمد الغزالي
صاحبة ديوان صرخات الطفوف
لايجوز شاعأ وغير مبرء الذمه كل من يحذف أسم الشاعرة وينسب القصيده اله علمأ أن القصيده قد سجلت بدفتر الزهراء عليها السلام باز کردن / نظر دهید