2021-08-12 23:04:16
قصيده (سماءالاحزان)
مولاتي زينب وهي تره
مصاب كربلاء ع هيئة صور
في سماء الطف الضلماء....
.❥ـــــــــــــ❂❥ـــــــــــــ❥❂ـــــــــــــ❥.
ياسماء احزاني بوجهج صور خواني
شفتها شفتها
من شفت بحضانج كمر
جن رمح عالي وبي نحر
وسوط وعلامات اليسر
شفتها شفتها
.❥ـــــــــــــ❂❥ـــــــــــــ❥❂ـــــــــــــ❥.
ياسماء الطف شفت بيج النوايب
وبس قهر وهموم واهات ومصايب
منهو كال الهاشميه بنص خرايب
تندب بعباس بس عباس غايب
عباس مرمي اعله النهر
والغاليه شبعت قهر
يسبوها وبحر الضهر
وتكول ماحضراني
وتكول ماحضراني
ياسماء احزاني
.❥ـــــــــــــ❂❥ـــــــــــــ❥❂ـــــــــــــ❥.
ياسمه شكم صوره شفت بيوم عاشر
صوره بيها اعله الرمح شفت المناحر
وصوره صدر حسين وتسحكه الحوافر
اهناك ام تلوع لو طفله تناطر
طفله وتنوح امن الالم
وبذيالها نار الخيم
وبكلب ابوها شكم سهم
تبجي وتون بحضاني
تبجي وتون بحضاني
ياسماء احزاني
.❥ـــــــــــــ❂❥ـــــــــــــ❥❂ـــــــــــــ❥.
شفت مهر حسين يصهل بالضليمه
وبس يتيمه تبجي بحضان اليتيمه
انضر علي السجاد بعيونه الهضيمه
حرنه وين نروح واحنه بلايه خيمه
كل خيمه حركوها العده
وحسين جثة اممدده
بعيوني شفت الماسده
موت وذبح ولياني
موت وذبح ولياني
ياسماء احزاني
.❥ـــــــــــــ❂❥ـــــــــــــ❥❂ـــــــــــــ❥.
شكد بعد تردين اوصفلج عذابي
كلشي كلته مايجي ذره بمصابي
ياسماء اعضم جرح سمعي جوابي
بجت عين حسين من شافو حجابي
مسلوب ويدير النضر
من جرني من يمه الشمر
يخاف اعله ستري والخدر
وانتهض من شافاني
وانتهض من شافاني
ياسماء احزاني
.❥ـــــــــــــ❂❥ـــــــــــــ❥❂ـــــــــــــ❥.
ليل عاشر بالسمه غاب الكمر
الكمر عباس نام اعله النهر
بالطفوف شموع طفاها القدر
لن طفل عطشان مكطوع النحر
مذبوح ورموشه ترف
ومكطوع يانحر الترف
دمه على كماطه نزف
وبقصته بجاني
وبقصته بجاني
ياسماء احزاني
.❥ـــــــــــــ❂❥ـــــــــــــ❥❂ـــــــــــــ❥.
الشاعره نورس الحلفيhttps://t.me/Omelia95
184 viewsالشاعرة رسل الياسري،، صاحبة ديوان نهر العلگمي, edited 20:04