ایستییر هر گِجه گُوندوز, اُورَیم آی پاراسی توتماسین غم اوزُونی | گلچین غزلیات سُرخابی

ایستییر هر گِجه گُوندوز, اُورَیم آی پاراسی
توتماسین غم اوزُونی, من اُوزوم آلام قاداسی

دالقالامیش بیزیم او سِوگی سِلِ داغ آپارار
سویمرم سورمه سُوزه, آی گوزی جیران بالاسی

یامان اصلینده فلکدی دوزولوپ داغ یاراسی
گورمَسین سِوگی که بیر لحظه سارالدی ساراسی

حسرتَم بیرده باخیش, سِوگی یاغیشلاردا باخا
آخان اولدوز تاپارام هی گِجه گُوندوز عاراسی

بیر تِل اصیلنده اسیرم که پریشاندی اوزی
هر پریشان حالا درماندی پریشان داواسی

سحری گوزلمه سرخابی که آخشام قارادی
سِشمَرَم بیرده گوزَلیخدا گوزُون, آغ قاراسی


#سرخابی



@ostadsorkhabi