بخصوص ' التفكير الزائد ' ، انا شايف ان ماف افضل من الحلول ال3 | محمد | سايكولوجي

بخصوص " التفكير الزائد " ، انا شايف ان ماف افضل من الحلول ال3 ديل :

- الكلام :

لمن شخص يغلط في حقك وعندك القدرة إنك ترد عليه، رد على طول " حتى لو حاتشطح بالكلام ، وحتى لو كلامك ممكن يسخن النقاش " ، صدقني مهما كان الاثر اللي ممكن يخلفو كلامك مش حايكون أتقل من الاثر اللي ممكن يخلفو
سكوتك ..

واذا شايف انك لو إتكلمت على طول حاتطبظ الموضوع " فما تتكلم على طول أخذ راحة شوية ، وبعديها ارجع اتكلم مع الزول ده سواء فيس تو فيس ، او مكالمة ، او حتى عن طريق الرسائل "

واذا مافيش فرصة انك تتكلم مع الزول ده تاني لأن إتوفى أو صعب تلاقيه تاني " فالافضل تجيب ورقة وقلم او تجيب كرسي وتتخيلو موجود قدامك وقاعد في الكرسي ، وتبدا تقول كل الكلام اللي نفسك تقولو من غير أي نقصان "


- الفعل :

لو سبب التفكير الزائد عندك " علاقة محتاجة قرار ، مشروع محتاج تنفيذ ، فكرة محتاجة إختيار " فالافضل انك تمشي تفعل الحاجة دي على طول من غير أي تأخير ..

لأن طول ما إنت قاعد في مكانك التفكير مش حايروح ، وطول ما إنت ما أخذت قرار بخصوص الموضوع " فالموضوع حايفضل يلف ويدور في راسك من غير ما يتوقف "



- التجاهل :

والتجاهل ده في حالة واحدة بس " في حالة انك شايف ان الموقف الفلاني مش محتاج إنك تتكلم فيه ، أو تأخذ فعل " وده بيعني ان التجاهل بيجي بعد الحلول المذكورة فوق وليس قبلهم ..

لأن إذا انت قررت تتجاهل بسبب الخوف ، فمش حاتقدر تنسى وحاتظل بتفكر وبتفكر لحدي ما رأسك يطق من التفكير في الموضوع ..

واذا قررت تتجاهل لأنك متردد فبرضو حاتظل بتفكر وبتفكر لحدي ما الموضوع يطق برأسك .


#محمد_سايكولوجي
#التفكير_الزائد