بۆنی ئازادی! جادەیەک خۆی لە سەرتەوە پێچاوە قژەکانت بە بای خەیاڵێکەوە جادەیەک بە سەرتەوە دائەپۆشن پەنجەیەک خەریکە ئەترازێ لە پەنجەم گەردنت بۆنی ئازادی ئەدات نیگات نادیارێک ئەپشکنن من ونی نادیار و وێڵی جادەیەک ئەبم جادەیەک پشتمان پێ ئەکاتە یەک جادەیەک خۆی لە هەردووکمانەوە پێچاوە تۆ قژت بە بای خەیاڵێکەوە دای ئەپۆشێ من باڵا بە باڵای دەگرم و خۆ لە لاولاوی نیگایەکەوە دەپێچـم بەرەو نادیار پەنجەیەک ئەترازێ و خەیاڵێک ئەسرەوێ پرچێک شۆڕ ئەبێتەوە و جادەیەک ڕووت ئەبێتەوە ڕووبەڕووم جادەیەک کە خۆی لە سەرتەوە پێچاوە و تەمێک بە سەرنیگاتەوە ئەنیشێ و نادیارێک کە ئیتر ناگەشێتەوە ون دەبێ گەردنێک گەردنێک کە بۆنی ئازادی لێ دەهات!. 139 views11:16