2022-06-13 02:35:28
سلام عليكم
بنكتبلكم شوي عالبارا حتكون جريده بس تحملوها
طبعا كيف ماصار معانا فالجزئي درجات كارثيه وفي درجات عالية !! ليييش
لأن الحسبة فالكيس اللي عليها 10 درجات وتجيك مبهمه كيف اللي جتكم فا هذا ظلم الصراحه ماينسكتش عليه .. حرام تقرا وتتعب وتقعد قااري وتحل الامتحان كله وتغلط غلط بسيط فالكيس تلقى روحك جايب نص الدرجه 10
مفش حد عارف بالعبط اللي يدير فيه القسم هذا وعشان ماده اصلا لاغيينها في المناهج اللي برا توا .. معش في الامراض هذينا حتى عندنا نحنا اللي نعتبرو من دول العالم الثالث
اللي تقهر ان حتى الشباب الرياضيين اللي عدو يلعبو في افريقيا بعد جتهم عدوى ملاريا اللي يقرو فيها لنا ما عرفوش يعالجوهم وشالوهم لفرنسا
المهم اللي فات مات والحل اللي مفروض اديروه فالجاي كالآتي :
اول شي مفروض يتعبو ارواحهم شوي بعد اذنهم واحترامهم و يحطولكم اكثر من كيس عالأقل اتقسم الدرجه عليهن يعني مثلا 4 كيسات كل كيس عليه 2.5 بدال ما يحط عليهم 10 حتى كان غلطت في كيس راحت منك اتلم مالباقي ..
او يغيرو تقسيمة الدرجات لأن الماده مش صعبه المشكله كلها في امتحاناتهم وتقسيمتهم الغبيه الظالمه ..
ثاني شي طالبو بالدكتور يوسف الكبتي ان يحط الامتحان ويمسك هوا القسم
ان شاءالله اديرو اعتصام قدام القسم وتسيبو قرايتكم .. لان د.يوسف الكبتي قد المسؤولية هذي وراجل عارف شغله كويس بكل
وامتحاناته مقبوله ومنصفه واسألو الدفعات السابقه او جامعة اجدابيا عندهم البارا ماده مايفكروش فيها ودايرلهم شيتات وجو
اما موضوع ان يديرولكم الشيتات خلاص الله غالب دويتلكم عليه بداية سنه محد سمعني بالك يسمعوني ال 48 كان عطانا الله عمر وكملنا
حبيت نكتب الجريده هذي عشان راه لو سكتو عليهم واستمرو فالعبط اللي يديرو فيه هذا حتقعدلكم البارا كابوس ، رد بالكم تفكرو ان فالدور ثاني حتقروها وتطلعو منها ..
يقعدن ال3 مواد لخرات دور ثاني تطلع منهن ولا تنزل فالبارا لأن حتى بقرايتك مرات اتنكد عليك ولا قدر الله تربت فيها بسبب تقسيمتهم الغبية واسئلتهم العبيطه ..
واسئلو الناس الربيت معاكم اللي قاررينها كويس لكن حظهم المبخوت جو في وقت
نواره والجازوي وخليني ساكت عشان يتابعو فيا دكاتره نحترم فيهم
وسامحوني نا مغلول منهم من سنه لي فاتت تعبت واجد منهم سادنا توخير الناس اللي كيف هذوما يوخرو فينا و ضروري يحولو من مكان مش مكانهم مش قد مسؤوليته !!
ومش تقولو طلع منها قعد يدوي .. كنت نحكي فالكلام هذا من سنه لي فاتت ونا كنت فيها وربي ينجحكم منها بأقل اضرار ان شاءالله ومن غير هرجه
307 viewsℱℰℛᗅՏ, 23:35
Æ
