ابتسم ..كال لا تفكرين ميصير شي المهم شيلي للخوف من داخلج ..
كال رهف عندي شغل هسة تنتظرين فد نص ساعه وارجع الج اناي بعل الاثناء روحي لذاك المطعم اهدء من منا اني بين ما ادز ع ولد صاحبي بدالي اجي وراج
كتله خالد مو اخاف اتاخر ..
كال باعي هي نص ساعه بين ما تطلعين وتمشين اني جاي وراج واحتمال قبلج تلكيني واصل ..
تمام ..
كتله تمام ..
شفت بعد وكت واكدر اروح .. رحت ..مشيت ووصلت وكعدت. دخلت كعدت .. هذا المكان كلش حلو وهادى ..كل شي بي من خشب .. الاثاث السقوف ..الانارة بي خافته .. مو قوية بس حلو هيج الي يدخل بي كون يجيب غطة بي وينام اغلب الاماكن مزدحمه وبيها ناس تاكل وناس تشتغل وناس ..تدرس تتواعد
هاي اول مرة اطلع ٠جنت ويا مروان رحت ع اسناني هنا سالفه الدكاترة كلش مزعجة مو مثلنه بسرعه نروح لا هنا اله حجز ووقت وموعد. .
دخلنه للعيادة اكو ٢ بنيه وولد ..بنص العيادة وبين الناس واحد يبوس للثاني عادي ولا كانما بمكان عام. بوكتها دخلت بنص هدومي .. وضليت اباوع عليهم مروان كال رهف شببج .. كتله دتشوف كال غلسي .. وصل خالد وكعد بصفي مو كبالي مثل كل مرة كال اتفرغت اسمعج الج وحدج نزلتي شي لو انزل كتله لا ما اريد شي كال والله اذا كلتي لا اذبج هناك جوة السيارات امشي ويايه كومي
وين خالد
كال امشي ..
خالد عفية البيت والجهال
كال رهف رجلج والجهال بعد ٣ ساعات يلا يجون امشي ..
اجرج والله تمشين لو لا هاي اللحظات الي ترجعك بعمر ال ١٦ سنع الي لو بيدي اي اركض وراه مثل الاطفال .
مشيت وراه .. وطلع وطلعت اجر تكسي وصعدنا .. من صعد كعد يمي .. اني انحشكت بالجامه .. مرات العقل يتغيب او لا هو يريد هذا الشي يصير ..