السنة التحضيرية للكليات الطبية الدفعة السابعة 2021-2022

2021-12-11 22:34:50 مسا الخير دكاترة
#بيولوجيا_الخلية
#الفصل_الخامس

طولنا الغيبة عليكن هالمرة بس وعد هي اخر مرة منتاخر بالبيو
تيم البيولوجيا جهزلكن محاضرة من أحسن محاضرات البيولوجيا اللي ممكن تشوفوهن بأي مكان وهي الفصل الخامس

متل العادة محتويات محاضرتنا بتضمن #الشمولية مع #الفهم_الكامل والأهم من هيك هو توفير #الوقت بالإضافة لميزة فريقنا #تحديد_أفكار_الدورات

#الشمولية من خلال كتابة كامل معلومات الكتاب + إضافة كامل صور الكتاب #بدقة_عالية مع إعادة تصميم من قبل مصممين فريقنا لبعض الصور اللي محتاجة توضيح بشكل كامل.
طبعاً هاد الشي منتميز فيه عن باقي المصادر اللي ممكن تحذف صور أو تحطا بشكل سيء الدقة أو حتى ممكن تحذف معلومات من الكتاب وهاد الشي ممكن يضيع علامات عالطالب.
#الفهم من خلال إضافة #مربعات_الفهم اللي قادرة توضح أي فكرة صعبة بدون الحاجة لكورسات او أي شي تاني مع المحاضرة..
وهاد الشي بميزنا عن بعض المصادر التانية اللي ممكن تكون عم تكتب الكتاب فقط أو عم تضيف شروحات بطريقة غلط وغير شاملة.

#الوقت اللي بتاخدوه بدراسة محاضراتنا أقل بكتيير من الوقت اللي ممكن تاخدوه بدراسة أي مصدر تاني والسبب هو عدم تكرار أي معلومة من المعلومات الموجودة بالكتاب وبالتالي عدم إضاعة الوقت بالتكرار والصفحات الهائلة اللي ممكن تزيد على كل محاضرة بسبب التكرار، ورح تشوفوا الفرق الهائل بعدد الصفحات بين محاضراتنا وباقي المحاضرات.
وهي النقطة كتير مهمة لأنو بالسنوات الماضية لما كانت الطلاب تعتمد على بعض المحاضرات لمصادر تانية وكانت توصل أعداد الصفحات لهالمحاضرات لأكتر من ضعف عدد صفحات الكتاب وهاد الشي بضيع الطالب وبخليه مستحييل يلحق يخلص المادة وخاصةً بوقت المراجعة قبل الامتحان

ومتل العادة الميزة الأساسية اللي جبناها معنا من سنوات عملنا الطويلة هيي #تحديد_أفكار_الدورات وتلوينا باللون الأحمر لحتى تقدروا تركزوا على أهم الأفكار والفقرات وتوجهوا تركيزكم الكامل على الفقرات الهامة اللي ممكن تجي منا الأسئلة
وهاد الشي بميزنا عن أي مكان تاني دون استثناء وما في أي حدا تاني عم يحدد أفكار الدورات بالشكل اللي عم نعملوا نحنا

الخلاصة:
محاضرات الكيو بشكل عام هنن أحسن مصدر ممكن تشوفوه بأي مكان تاني والسبب هو الأسس والمعايير اللي عم نشتغل عليا وعم تكون أفضل من أي مصدر تاني.
المحاضرات هنن أفضل شي ممكن تشوفوه وعم ننزلن بشكل إلكتروني وورقي على عكس بعض المصادر اللي ممكن تمنع التنزيل الإلكتروني لحتى يضطر الطالب يشتري المحاضرة و بعدا يتفاجأ بإنو المحاضرة غير مناسبة الو ويرجع يضيع بين المصادر مرة تانية.

المحاضرات اللي نزلناهن لحد اليوم:
الفصل الأول كاملاً
الفصل الثاني قسم الأول
الفصل الثاني قسم ثاني
الفصل الثالث قسم أول
الفصل الرابع كاملاً
الفصل الخامس كاملا

قريبا تكملة الفصل الثالث
قريبا الفصل السادس

محاضرتنا رح تكون متوافرة على قنواتنا عالتلغرام بإمكانكم تحميلا مباشرةً والبدء بالاطلاع عليا (الرابط بالتعليقات)

أما ورقياً.. بتقدرو تحصلوا على محاضراتنا بكافة المحافظات بالمكاتب المعتمدة للفريق:
محافظة اللاذقية: مكتبة سقراط
محافظة دمشق: مكتبة أوكسجين
محافظة حلب: مركز تصوير كلية الطب
محافظة حمص: مكتبة طريف
محافظة طرطوس: مكتبة الجامعة (الفرع الأول)
محافظة حماة: مركز تصوير دار العلم/ مكتبة دار العلم والتربية.

#بالتوفيق_جميعاً
#QRS_Team
#PULSE_OF_MEDICINE باز کردن / نظر دهید

2021-12-10 23:18:16 باز کردن / نظر دهید

2021-12-10 23:18:09 #البرنامج_الاسبوعي
ضروري كلللل الطلاب اللي كانو متابعين مع البرنامج يشوفو البوست
مسا الخير دكاترة وصلنا اليوم لبرنامج الاسبوع
برنامج هالاسبوع مختلف عن كل شي لانو نقلنا هالاسبوع لبرنامج بعيد المدى بدل الخطة الاسبوعية
متل ما حكينا الإسبوع الماضي انو الامتحان حيبدا ب ٢٢/١ وهاد الشي اللي أكدو برنامج الوزارة (معودكن اني خبركن اللي حيصير دايما قبل بوقت )
طيب ليش عملنا خطة بعيدة المدى؟
لحتى ننظم أمورنا قبل بوقت ونعدل بخطة الدراسة بطريقة بتتكيف مع وضعنا مع البقاء ضمن مجال البرنامج
مثلا أنا بالبرنامجين مخلص البيو بس ممكن قسم منكن حابب يترك كم فصل بيو ليراجع فبهالحالة بكون عندو نظرة مسبقة ليعرف شو يدرس بوقت البيو
مثلا أنا ما مخصص أيام للانغلش وانما خطة يومية وبالتالي ممكن قسم منكن ممكن يكون مسبق شوي فيعوض هالتسبيق بالانغلش او التاريخ
كم نقطة هاامة جدا:
البرنامج في مراعاة كبيرة لوضع كل فصل من كل مادة بحيث كل فصل ياخد حقه بالوقت لا زيادة ولا نقصان
منخلص ب٧/١ وبضل معنا ١٤ يوم لمراجعة البيو
بامكان اي طالب مقصر يعدل وضعه بحيث يلتحق بركب الطلاب الملتزمين بالبرنامج
في تفاصيل هامة جدا جدا جدا جدا جدا بتخص كل مادة بكل اسبوع بالبرنامجين بالتسجيل الصوتي اللي سجلته تحت
https://t.me/QRS_Team_Pre7/468

الخطة اليومية للتاريخ والانغلش بتنزل بكرا
بكل اسبوع عوض عن بوست البرنامج الاسبوعي حنزل بوست تفقد وضع بحيث كل الطلاب المتابعين مع البرنامج بيطرحوا اسئلتهن لجاوب عالجميع

بالنهاية بدي اعتذر كتييير من كل الزملاء اللي ما قدرت هالفترة رد عليهن عالخاص لانو ضغط دراسة البشري هالفترة رهيب بحكم امتحانات العملي
ملاحظة: بكرا في بوست خاص للمقصرين

بتمنالكن كللل التوفيق باز کردن / نظر دهید

2021-12-10 19:23:16 جلسات يوم #السبت #بيولوجيا
فئة 1 ساعة 8
تكملة الفصل 3

فئة 2 ساعة 10 ونصف
الفصل 4
ملاحظة المكان مدرج الحرفيين السبع بحرات بوسط الساحة بناء اتحاد الحرفيين
انتبهوا منيح المكان مو بنادي الطلبة
المكان مدرج الحرفيين المدرج كبير يسع عددكن وتكونوا مرتاحين فيه
الطلاب الجدد يلي بدها تسجل #دورة_جديدة تخبر رقم واتساب يشرحولكن كيف تمشوا معنا 0996162271 باز کردن / نظر دهید

2021-12-10 14:34:57 باز کردن / نظر دهید

2021-12-10 14:34:54 #الدفعة_المؤسسة_تخرجت
#بوست_الختام
#كلمة_شكر
#QRS_Team

مسا الخير دكاترتنا

هالمرة ما في بالبوست لا محاضرات ولا مبوبات ولا سوبرات ولا ملاحق صور.. هالبوست هو بوست الختام لفريق دفعتنا دفعة التحضيري الأولى.. اللي كانت الدفعة المؤسسة لفريق QRS TEAM واللي انطلقنا منا لكل الدفعات اللاحقة والحمد لله قدرنا بفضل جهود طلاب الفريق لهالدفعة من انو نكون بالمرتبة الأولى عند كل طالب عم يدرس

حبينا نتذكر كل شخص كان معنا بفريق دفعتنا ونباركلو بالتخرج.. ونتشكرو على وجودو معنا بالفريق سواءً كان لفصل دراسي واحد أو لأكتر من فصل

#مبروك_لإدارة_الفريق

متل ما كل مؤسسة بحاجة إدارة ناجحة.. مؤسستنا ما كانت موجودة بهالشكل لولا الإدارة اللي تعبت عليا واشرفت على كل تفصيل من تفاصيلا.

مشاكل كتيرة واجهت هالادارة وكنا دائما نحلا بكل شي منقدر عليه..

طبعاً إدارتنا ما كانت إدراة لدفعة وحدة.. كانت لكل الدفعات اللي بعدنا.. ولهالسبب قدرنا نكون فريق واحد بكل السنوات ونكون بنفس المستوى ومن أحسن الفرق الموجودة بكل الدفعات

لهيك حابب وجه كلمة شكر لأعضاء إدارة الفريق.. قسم منن شارك بالإدارة لفترة ... وقسم منن لساتو بالإدارة لليوم

د. عبادة أحمد خضرو
د. سليمان محسن محمد
د. سليم عبد السلام برادعي
د. آلاء هيثم بلال
د. علي نبيل صالح

#مبروك_لأعضاء_الفريق

الشكر مضاعف لكل حدا كان معنا بعيلة الكيو.. لأنو لولاكن ما كان في كيو وما كنا وصلنا لهون

في منكن ساهم معنا بشي بسيط.. ومنكن بشي كتير كبير.. بس بغض النظر عن كمية المشاركة.. كلكن كنتو سند وقوة للفريق ولهيك حابين نقلكن #شكراً_من_القلب

رح نذكر أسماء أعضاء الفريق اللي شاركوا معنا من بداية التأسيس بالسنة التانية ولليوم ونقلن ألف مبروك تخرجكن وانشالله بتدخلوا الاختصاص اللي بدكن ياه

د. سليمان محمد
د. عبادة خضرو
د. آلاء بلال
د. سليم برادعي
د. علي صالح
د. علي أحمد
د. رزان مغامس
د. لمى حسن
د. علي بري
د. رهام علي
د. نوار تويتي
د. صبا أيوب
د. نسرين ابراهيم
د. عبادة صقر
د. صادق زوان
د. حمزة ابراهيم
د. ريما نقار
د. دعاء ناصيف
د. كرم فويتي
د. وفى غريب
د. بيان ياسين
د. قمر سلوم
د. زياد يوزباشي

#مع_مساهمة_من_الزملاء_التاليين:

د. زين يعقوب.
د. شانت أبيليان.
د. كارين دويب.
د. خضر الخولي.
د. علي محمد.
د. لجين أحمد.
د. حمدي مغامس.
د. آلاء محمود.
د. آلاء حمدان.


لكل حدا منكن شكراً لأنكم كنتوا معنا و انشالله بتصيروا دكاترة بالاختصاصات اللي بتتمنوا لأنكن بتستاهلوا كل خير

#ألف_مبروك_وشكرا_من_القلب
#QRS_Team
#PULSE_OF_MEDICINE باز کردن / نظر دهید

2021-12-09 16:40:37 بعد طول انتظار اليوم العودة مع الفصل الثاني
هلا رح نكفي 2-12-13 بسبب ارتباط هي الفصول بالمحتوى تبعها
لتحميل المحاضرة بصيغة pdf باز کردن / نظر دهید