2021-11-24 22:14:05
#التسويق_الإعلامي_الموجه
يبدو انو بدل ما نهتم بكيف يجيب الطالب علامة عالية.. صار واجبنا بالكيو هو الاهتمام بكيف نعلم طلاب التحضيرية ما حدا يضحك عليهن.. للأسف وصلنا لمرحلة مؤسفة من التسويق المخجل من بعض الأشخاص والفرق..
أوقات منشوف عبعض الغروبات بوستات عن مصدر دراسة
بدرس من الفريق كذا او كذا ؟
مين افضل مصدر بالمادة كذا ؟
وهون #الطلاب بتعلق وبتصوت إذا في استفتاء.. كل طالب بعلق بالمصدر اللي شايفو من وجهة نظروا مصدر مناسب للدراسة وهو مرتاح معو..
بس الشي المعيب وقت طالب يعلق انا عم ادرس من فريق الكيو او شروحات فريق الكيو انو ينحذف هيك تعليق.. تعليق لطلاب متلكن بري 7 ما خصن بأي فريق ولا مهتم بمجال المحاضرات كلو.. بس لمجرد انو علق بكلمة #QRS بينحذف تعليقوا..
طبعاً هون الطالب اللي عم يعلق رح ينزعج من حذف تعليقوا.. بس ما هون المشكلة الوحيدة.. المشكلة الأساسية هيي انو الطلاب اللي عم تتابع البوست رح تشوف كل التعليقات موجهة بشكل غريب لفريق واحد وهو الفريق صاحب الغروب اللي انتشر فيه البوست.. وبهالحالة رح يتم تضليل هالطلاب وتفكر انو ما في أي فريق أو مصدر مناسب غيرن..
واللي بزيد الطين بلة هوي وقت تشوف التهويل والتخويف من الدراسة لمصدر تاني او جملة اوعا تدرس من غير مصدري او محاضراتي هون وهاد اللي حكينا عنو ببوست سابق واسمو #التسويق_بالخوف
بحياتنا ما حظرنا حدا وبحياتنا ما حذفنا تعليق لمصادر تانية وهاد الشي لأنو نحنا دكاترة ما تجار.. وانتو رح تصيرو زملاءنا فكيف ممكن احذف تعليق لزميلي بالمستقبل القريب؟؟!
سياستنا بالفريق هيي انو اللي بحب يشتري كيو محاضرات اهلا ومية سهلا.. وبلي ما بيحب الموضوع خياره.. وسعينا لحتى نكون متواجدين بكل المحافظات وبأسعار كتير مناسبة للطلاب...
واللي ما قادر يشتري نزلنا ال pdf عقنواتنا بشكل كامل بدون ما نوقف تنزيل بعد محاضرة أو محاضرتين..
واللي بدو يدرس كتاب في شرح فديوهات كامل على قنواتنا عالتلغرام واليوتيوب.. ومنقول اذا عم تدرس كتاب كتير منيح بس فتاح الpdf شوف شو ضايفين ملاحظات ممكن تفيدك لفهم المقررات.. هاد كلو لنساعدكن بصفتنا فريق #طبي وبدون أي تجارة مؤسفة..
الرد تبعنا دائما بكون عن طريق شغلنا اللي بيحكي عننا...
محاضراتنا كاملة وكافية وقادر تقارنها مع اي مصدر لتشوف بعينك واذا ما عندك وقت تقارن فهنن شي ممتاز وعلى كفالة الفريق بدون ما تنساقو لحكي التخويف
نصيحتنا الكن هيي انو لا تنساقوا للتسويق والحجب الموجه.. انتو نخبة المجتمع وكلكن قادرين تميزوا بين اللي عم يشتغل لمصلحتكن..
سبب البوست هوي الطلاب يلي عم تحكينا وتقول تعليقاتنا عم تنحذف من الغروبات بس نمدح فيكن.. رسالتنا موجهة لهالطلاب اللي عم تنحذف تعليقاتن بدون أي ذنب..
أول شي شكرا على ثقتكن وانشالله رح نكون قد هالثقة وأي شي رح تحتاجوه لتوصلوا لحلمكن رح تلاقونا عم نقدموا بكل طاقتنا
وتاني شي حابين نعتذر منكن بالنيابة عن (زملائنا ومنافسينا بالفريق التاني).. وحابين نقلكن لا تواخذوهن.. لو واثقين بشغلن ما كانو خافو لهل درجة.. بس هنن بيعرفوا منيح شو يعني QRS TEAM لهيك عم يحاولوا يحجبوا اسمو بأي طريقة ممكنة..
وبالنهاية حابين نقول كلمة أخيرة.. درسوا من وين ما بترتاحوا لأنو الشي الأساسي اللي بحدد علامتكن هو دراستكن أولا وأخيراً.. في كتير طلاب اعتمدت على الكتاب بدون اي شروحات أو محاضرات ومع هيك كانت علاماتن كتير عالية.. والسبب بهالشي هو اجتهادن.. متل ما بقولوا.. لكل مجتهد نصيب وانتو اكيد رح تلاقوا نصيبكن الحلو اللي ناطركن بعيداً عن تجار التحضيرية
251 views19:14
ا
