حسين السيلاوي الحلي

2022-07-12 16:58:34 نزلة علي الاكبر. ١٤٤٤,هجريه
يبن اخوي. حياك حياك
يبن اخوي. عاشت يمناك

يالشايل ابيمناك. سيفك وتتبختر
كل نور جدك بيك. وبوصفك اتحير
عمك ابو فاضل. حياك يالأكبر
بالحومه حير اعداك ذكرهم ابحيدر

حيرهم طشرها اعداك
يبن اخوي. عاشت يمناك


يالزود جدك بيك . ذكرهم ابخيبر
اوبالحومه من اتصير شتتلي العسكر
والقاده خل تحتار. ووجوهم تصفر
ارد اسمع ايكولون. من يوصله يكدر

مهزومين. وينه اليدناك
يبن اخوي. عاشت يمناك

سيفك يأبن اخوي. لا تخلي يبرد
وسيفك يشبل حسين بكطع الركب ينحد
ورايدك من تعطش. كون العزم يشتد
اغضب اوخلي الجيش مايندل المشرد

وليشرد. يتلكاه وياك
يبن اخوي. عاشت يمناك

غيره وشجاعه اوزود. وترجل وخيال
ووعدني لمن راح ووفه علي ما قال
بالحومه هز الكاع من شاف ماكو رجال
وخله العده يكولون. يمكن حصل زلزال

مذهولين يذهل ملكاك
يبن اخوي عاشت يمناك


خله الزلم والخيل. من تمشي مذهوله
وبالممشه يتعثرون. ايخافون من طوله .
صاحو علي الكرار ردنه معقوله
وبسيفه قادة جيش. مشهوره مجتوله

ياقوتك محد لاواك
يبن اخوي عاشت يمناك

وحده وفرق جيش والجيش ظل مسطور
شاب اوعليه آلاف بس من وكع مغدور
يبن الاخو كفيت. ما قصرت مشكور
اوموقف وفاءك راح ماينسي ومذكور

يالطايح. مخصب بدماك
يبن اخوي. عاشت يمناك


حسين السيلاوي الحلي باز کردن / نظر دهید

2022-07-12 16:58:00 ليلة علي الاكبر. ١٤٤٤هجريه


لمن طاح أمن المهر. ماطاوع كلبي الصبر
بوداع الأكبر صبري تعذر
ماطاوع كلبي الصبر

ما ظل حيلي ولا ظلي صبر
من شفت ابني طاح أمن المهر
وناس انجمعت يم جسمه شكثر
وذاك ابرمحه ايضرب اعالصدر
اركضت اوبين برسومي الكُبر
من كل جسمه ماسالم كتر

كله دم وجروح اشوف ابني اموذرته السيوف
وبهذا المنظر. صبري تعذر
ماطاوع كلبي الصبر

حكي امن ابجي يا عظم المصاب
اليشبه جده وجان أحله الشباب
يختي شفته نايم عالتراب
ومنه اعداي امسلبين الثياب
اجروحه اهواي اشمتحل عذاب
صاير طوله ابدم جسمه خضاب

ليلى من اتشوفه اشلون ماتكدر تصبر يم عون
ولفكر تحير. صبري تعذر

برملة كاع الطف جسمه انفرش
ويختي اشفافه امفطرها العطش
اولا حصيره اتلمه ولا نعش
ومو سهله كللب الأم ينخدش
تدعي اسمعها مو شاب الرمش
ابني ابحفظك يا رب العرش

سالم رده أمن الخطر محتاجه نور البصر
يرجع اتنطر. صبري تعذر


اوليدي اشبكته اويمه مددت
وبس ودعته ابسرعه شيبت
من شفافه يجري الدم شفت
صعبه اعليه اوبوداعه حرت
زينب خويه اتلكيني أتعبت
صرت اتنفس كوه وكوه اصبرت

اني اوغيرني المصاب ابليلى شيسوي الغياب
تصبر ما تكدر. صبري تعذر


زينب يختي الموقف مو سهل
مهشم راسه ومتكطع وصل
لو جمعه اكدر أكدر عالحمل
وبالبر جسمه ماخلي يظل
ادري من ارجع من أمه انسأل
وين الأكبر لتكول انجتل

لو وحدي ارجع أكيد تسألني وجواب اتريد.
وكلبي تحسر. صبري تعذر


مهموم امشي وخوفي لا اطيح
راح أمن ايدي الطيب والصريح
اوهوه اليكدر هم كلبي يزيح
راح ومن كل اعظاءه يصيح
كو كدرت اجمع جسمه الجريح
وجبته وياي اودم رأسه يسيح

يا خويه حكي امن احير. جسمه انلم كوه ابحصير
بسيوف اموذر. صبري تعذر


أمه التدعي. ويرد تنتظر
يمها روحي وخبريها الأمر
اوما وصيج اوصيها بالصبر
الأكبر. عدها أغله امن العمر
وجرح افركاه لا ما ينجبر
اللهم ايعظمله الاجر
فكده الضنه لا ميهون. ايشيب الراس ويعمي اعيون
وعليه تتغير. صبري تعذر


حسين السيلاوي الحلي باز کردن / نظر دهید

2022-07-12 16:57:12 لسان حال سيدي ومولاي أبالفضل ع

أسمع حجي ونحيب من الخيم عجيب
مالي كللب يحمل بعد بجيها
عطشانه الاطفال واريد ارويها


أسمع أصوات من الخيم عمنه ابو فاضل وينه
يفزع يجيب ابجربته ماي اويجي يروينه
شفايفنه فطرهه الضمه اومالح دمع بجينه
اولو نزل عالشفه الدمع يحركنه ويأذينه

بخيامهه الاطفال تشرح أليه الحال
واني اعرفتها اشبيها ما بيها
عطشانه الاطفال واريد ارويها

اباب الخيم واكف جنت واسمع نحيب الرضع
وبيه استغاثت وبحزن يا بالفضل وانا أسمع
ياعمنه موتنه العطش للحرب يمته تطلع
انريدك تروح وبالعجل بالماي لينه ترجع

ياعمنه يالرواي يمته تجيب الماي
أيتامك اهواي العطش ماذيها
عطشانه الاطفال واريد ارويها

بيه اني صعدت غيرتي وطفحت الغيره ابدمي
وأكثر وحر من الظهر صعدت احرورة جسمي
نار أحس جن دمي أشتعل أي وحك شيبة أمي
امنسمعت أطفالي تون من العطش بخيمي

وانا ابو راس الحار الحومه أدخلهه انذار
حجايتي وحده وما أثنيها
عطشانه الاطفال واريد ارويها

امن حسين من خذت ال أذن واني دخلت للحومه
الوحدي حاصرت العده اوكل اللطرق ملزومه
صار ال يلاكي صارمي عاللمشرعه حد يومه
ولخلص من عندي فقط بس النزعهه اهدومه

ابلا ماي ارد شلون وأيتامي ينتظرون
بالعذب جودي املي وعاود ليها
عطشانه الاطفال واريد ارويها


عالمشرعه اجنود اشكثر عالماي وكفت حراس
وكامت تصيح امن الرعب عوفو النهر للعباس
كمت امن شيلن صارمي تترادم امواج الناس
وحته لنهر شفت رتبك من كمت طك راس براس

تنردم ناس اوخيل سيفي راواها الويل
وبعزمي قادر تره اعداي افنيها
عطشانه الاطفال واريد ارويها


جودي ترست امن النهر وتوجهت للخيام
صحت اني ماخافن ابد وشما تواجهني أزلام
وجهه ابوجهه ما وجهت ترميني ظلت بسهام
وطحت ابغدر يمهم تره وماتت أحلام الأيتام

امننكطعين الجفين ولسهم صاب العين
عاينو عالجربه اوتبده ال بيها
عطشانه الاطفال واريد ارويها



حسين السيلاوي الحلي باز کردن / نظر دهید

2022-07-12 16:56:16 نزله للقاسم. ١٤٤٤هجربه
جاي ارد اشارك بالحرب هاي
اوسيف الحسن شايله ابيمناي

لتكلي ارجع بعدك ازغير
ابقوة ضربتي القائد ايحير
الحومه أمن اطبها انطي تحذير
القاسم اني ابن الحسن جاي
اوسيف الحسن شايله ابيمناي

يا عمي بس اسمحلي اوشوف
أمطر عله اكلوب العده الخوف
ويم سيفي توكع روس وسيوف
وشحده وينه اليوصل احذاي
اوسيف الحسن شايله ابيمناي

ادري تحبني وخاطري أتريد
واني ارد اكلك عرس ما ريد
عرسي بغيابك بعد شيفيد
عمي اوبوي وانته مولاي
اوسيف الحسن شايله ابيمناي

أبزودي احجي وكلمة ارجال
قادتهم اني اليوم الك ذال
وصاني ابوي واسمع اشكال
من ذاك يومه ارخصلك ادماي
اوسيف الحسن شايله ابيمناي

ظمها الوصيه اليوم عاشر
يوم التسمعه ايريد ناصر
راويي وصيتي اوكله حاضر
تحت امرك اوللموت شراي
اوسيف الحسن شايله ابيمناي

الحومه ادخلته وصاحت الناس
شايل مراجل عمه عباس
قادة الجيش ابجدمه تنداس
وزدت الرعب بكلوبها اعداي
اوسيف الحسن شايله ابيمناي

من شسع نعلي انكطع يا عم
ابراسي انظربت اوسال الدم
اوشفتك اجيت اوتركض ابهم

ابسيفك ظربته الضرب هاماي
اوسيف الحسن شايله ابيمناي


حسين السيلاوي الحلي باز کردن / نظر دهید

2022-07-12 16:55:45 ليلة القاسم. ١٤٤٤هجريه
فراكك جتال. يوليدي
ويشيب الحال يوليدي
اكظيت عمري انتظر. ليش كلبي ينكسر



الطولك اباوع ونشغل بعيونك الترفه
واحلم ابليلة حنتك وباليلة الزفه
منتظره صايرلي عمر عالفرحه متلهفه
ماحسبت غدر الزمن لو راد يتشفه

من ايدي اتروح. يالغالي
وكلبي مجروح. يالغالي
الجرح صعبه ينجبر. ليش كلبي ينكسر

انفاسي انته اومن رحت كوه الهوه اشتمه
اوجهك ضياءه منتشر. وحتاجه بالضلمه
هاي العيون ابغيبتك من حكها لو تعمه
وحساسي صار ابطيحتك كل اليجي ايلجمه

ابنج مذبوح. عالغبره
ومتروس اجروح. عالغبره
راح كل تعب العمر. ليش كلبي ينكسر



يوليدي تانيتك عمر كل واهسي ابعمرك
اوميصير بعيوني ضعف ما دامها اتنظرك
رحت وبقيت ابحيرتي بالخيمه انتظرك
آمنين اجيبنه الصبر وصبر على هجرك

احساسي ايكول. ماترجع
الظاهر مجتول. ماترجع
بعد شيفيد الصبر. ليش كلبي ينكسر

غربه اومعانات العمر والسهر يبرالي
وأتعبت ابرباك اوكلت بيك انسعد تالي
اوافيتني من اكبرت ما خابت امالي
راسي رفعته امن اوكفت وي عمك الغالي

ونصرت حسين. يا جاسم
من راد امعين. يا جاسم
وشحلاتك عالمهر. ليش كلبي ينكسر

صح رايده افرح جنت هاذي أمنية امك
بس من أجه دور الحرب كلت افرح ابعزمك
قاتل وخذ دور الحسن وتحنه من دمك
مو ساعة اعراس وفرح وبحاجتك عمك


تعب السنين. يا يمه
يرخص لحسين. يا يمه
الدين لازم ينصر. ليش كلبي ينكسر

عمك أله ايهون التعب ومكابري وسهري
ولو يقبل افديله العمر ما عز عليه عمري
العمك وكفتك يالولد فرحت ابوك ادري
وبيك اني اتنومس صرت ونسيت هم دهري


لا ما انساك. يحبيب
روح الله وياك. يحبيب
مني لا تطلب عذر. ليش كلبي ينكسر



حسين السيلاوي الحلي باز کردن / نظر دهید

2022-07-12 16:53:05 موشح طور نجفيه. ١٤٤٤هجريه

شلون أمه اتحب رضه شيطانها
شركت بالله وطمعت ابطغيانها

كلشي عدهم صار بالدنيه مباح
اوما ردت تستخدم اوياهم سلاح
غايه جانت عندك بطلب الصلاح
اتسايس الناس وتثير اذهانها

صار بالأمه ابزمانك انحراف
ومن طلبت الصلح مو قصة تخاف
استخدمت هاي التقيه أبأحتراف
بلكي النحرفت ترد لديانها..

عافو الأديان والحك والسنن
اومن شفتها كثرة أوجه الفتن
اعرضت لجل الدين صلحك يالحسن
لجن هل مله صعب هديانها

اعليك ما كولن خفت لا مستحيل
بالحرب طبقا الأصل حامي الدخيل
وليتشكك تلكه بالبصره الدليل
اكبار قادتهم سحك جثمانها

اعيونك اعله الظلم ماتفغه وتنام
ولجل دينك صافحت أيدي الائام
اوذيج وادام بيها ميأثر كلام
لان ذكر الباري مو بالسانها

يمولاي اشكد ردت الهم الخير
لجن همه الحقد بدماهم يسير
امن الله ماينشىره وينباع الضمير
وماكو غيره عايشه ابوجدانها

ابجتلك اتكتافو ويسموك اجوك
بغضأ ابفاطمه وبحيدر ابوك
لجن صلحك ناتجه ثورة اخوك
ثوره عظمه أوضحه بعنوانها

ثوره بيها الدم عله السيف انتصر
اونعمة الله ال مايداريها ايعثر
حسين نعمه ولوكف ضده خسر
العادته آبيا كتر وين امجانها


حسين السيلاوي الحلي باز کردن / نظر دهید

2022-07-12 16:53:01 ١٤٤٤ هجريه


راجع أمن اغيابي والمصَاب امصابي

بصولات حيدر راجع وغيره ابو فاضل
وأهل السمه لهل الأرض تنقل خبر عاجل
الهادم قبور. أل النبي لا يحجي ويجادل .
وبدي احاسبهم سوه الفاعلهه والقابل

جاي اصفي احسابي. والمصَاب امصابي

خمسه مناير من ذهب ابني امن ارد باجر
راح ابني حضره للحسن ومظيف للزاير
جعفر الصادق حظرته ابكد حظرة الباقر
اوزين العباد ابحظرته مرسوملي العاشر
وشصاير ابأحبابي والمصَاب امصابي



خامس كبر كبر الوفه والغيره والنخوه
لحسين جدي قدمت اربع ولد فدوه
ماكو مثِل غيرتهم اوخوتهم الحلوه
ابني كبرها من ذهب تستاهل القدوه
ويمها اترب اثيابي. والمصَاب امصابي


عالثار جاي ابواهسي وبيمنتي الرايه
والخدم جيش اتصير إليه وتفزع ويايه
وشلون الي اتبين إلزلم بالوعد وفايه
المايرد عن حجايته من يحجي الحجايه
للواعدوني اجوابي. والمصَاب امصابي


أبتدي بأول ثار ألي الشيبني من كَبره
كسر الضلع ماينسي وما تنسي السطره
والشاعل بأيده الحطب والبادي بالفكره
من عدهم ابسيفي انتقم يافاطمه الزهره
تخمد النار ابابي. والمصَاب امصابي


طبرة علي وجبد الحسن وأكبر معاناتي
جتل الحسين ابكربله اوتسليب عماتي
بلا اكافل ايرد الضعن أجرن يدمعاتي
عمتي زينب والمتن من ظمن ثاراتي
بالغيبه كثره اسبابي. والمصَاب امصابي
راجع أمن اغيابي والمصَاب امصابي



حسين السيلاوي الحلي باز کردن / نظر دهید

2022-07-12 16:51:09 ١٤٤٤ هجريه

حي الله شيخ الأنصار
حي الله شيخ الأنصار


من وصل سوح المعركه شيخ الحرايب
صاحو اشجابه للحرب رجال شايب
وي شعر راسه انشوفه شد شيب الحواجب
وضهضب اعليهم ونكسر جيش الكتايب

طبلهم يطلبهم ثار
حي الله شيخ الأنصار


شايب وأثبت للزمن موقفه اويحسين
اوبالحرب شارك وبعمر واحد وتسعين
بس شمرته شاب ابعمر واحد وعشرين
بضربته واحد مايكع ع الأقل اثنين

والعسكر من سيفه احتار
حي الله شيخ الأنصار

ابغيره اوفاءه اومرجله اوجاي اعله فكره
محبوبه الحسين وآله يرخصله عمره
معروف صاحب مبدء وباالفرص خبره
اوماراد موقف كربله ايعبره ويخسره

والموقف باقي تذكار
حي الله شيخ الأنصار


اكبر فقيهه اوعابد اواضح ابمساره
ما أكدر اوصف هيبته ورايه اوقراره
يامحله طوله اوغيرته وشيبة وقاره
والكال شايب خل يجي ايواجهه فقاره

حاصرها كل الأكتار
حي الله شيخ الأنصار

ابمعتقد وبحكمه اجه اوحب واراده
وشاف الخلود اوراحته ابثوب الشهاده
درب الحسين اليسلكه درب السعاده
وحسين ذكره عد حبيب أصبح عباده

نتعلم منه الاصرار
حي الله شيخ الأنصار



حبِِ الحسين أمن الزغر وبحبه وفه
وزود إلزلم موقف تره الوادم اتعرفه
ابدم منحره وافه العشك مشرفه الوكفه
وطبع الشهم عالذله ابد عينه متغفه

خل نفهم معنى الأحرار
حي الله شيخ الأنصار



حسين السيلاوي الحلي باز کردن / نظر دهید

2022-07-12 16:50:30 ميمر للحر الرياحي ١٤٤٤ هجريه

خيرت نفسي اشتختار وعفت الأنه والسلطه

الحر أنه اوحر باختياري شأختار
الجنه ينفسي اكبالج وأنتي ابنار
لا ندم باجر ينفعج لا اعذار
اختاري الأصح من تردين. بالأصح مسحي الغلطه

باجر ينفسي كل ندم لا ميفيد
والجنه تدعي البشر انصار اتريد
حسين اعله حك بس واجهه ظلم ايزيد

والظلم طبع الكفار وعله الحكم متسلطه


بهيجي قضيه الصبر أكثر مريود.
ويا نفسي. بالله. العقل المن موجود
واني ادري باب التوبه لا ما مسدود

استغفر الله اعله الصار. وحسين اطيعن شرطه

ادري الظلم من عادته. لا ميدوم
وشفته اني ذاك الجانب اشكد مظلوم
وحته من شرب الماي ظل شو محروم

خليني اثبت معروف وأخذ حذر خاف أخطه


لمن سمعت إحسين رايد ناصر
لبيك كتله اوعالتريده حاظر
السلطه عفتها ولأنه للكافر
نادم أجيت اوتواب وكلبي بمحبتك ربطه


سيفي اشهره اوياك ضد الكفار
وكلشي ارخصلك يا سليل الأطهار
اتنجيني شفتك انته من صيت العار

وستشهد لأجل الدين وعهدي ابدماي أخطه

أقبَلْ توبتي وفرحتي ما توصف
والموتي صرت ابين اديه اتلهف
لگلب اليوم اعله العده كاع الطف
سبعين ألف وشيصفون. لمن أشيل النقطه


حسين السيلاوي الحلي باز کردن / نظر دهید

2022-07-12 16:48:07 موشح نزله نجفيه ١٤٤٤ هجريه

اشغير اهل الكوفه ما ادري عجيب
استقبلوني ابهلا أو ملكاهم مهيب


استقبلوني ابهلا وملكه وأهتمام
وشفت من عدهم هذاك الاحترام
المصلح ايكلولي أنته والامام
ومفترض طاعتك والحجيك نجيب

الكوفه من طبيتها انطوني الأرواح
وألي كالو نطلب اوياك الصلاح
وبوجه كل فاسد انشيل السلاح
الكوفه بيتك فوت سالم يالحبيب

الكوفه زين اعرفها وعرف ناسها
أهل حيله والغدر نوماسها
اوفكر شيطانيه تمشي ابراسها
يخونوني وشكي بيهم مايخيب

شكثر وادم بايعتني من اجيت
وقبل لا كمل الصلاه وحدي بقيت
نفس الوجوه المشت خلفي لكيت
تماشي ابن زياد والموقف صعيب

العدد ذاكه ابناظري ايظل مايزول
يبن عمي الوادم اتحير العقول
نفسه شفته البي رحب رد يكول
مانريد الكوفه بيها يطب غريب

يبو اليمه اوداعتك ما مرني خوف
اجيوشهم والكثره ذيج ابلايه شوف
شلت سيفي وطاحت اكبالي السيوف
ابالزمة السيف وبالمبارز رهيب

الكيت بالكوفه مره تسوه الرجال
طوعه موقفه اوعلي ايفوق الخيال
صوتها ايشد عزمي ابسوح القتال
رغم كلبي أمن العطش جمره لهيب

بحيله اجوني وحفره حفرولي وطحت
اوبس طحت يا ابن عمي اتيسرت .
اعليك سلمت اوبعدها استشهدت
وجسمي من كثر الطعن بالدم خضيب
استقبلوني ابهلا اوملكاهم مهيب


حسين السيلاوي الحلي باز کردن / نظر دهید