تخيل كدا يبقى عندك قناة يوتيوب أو تليجرام، وعليها عشرات الآلاف من المتابعين، ومرة واحد في يوم واتنين وتلاتة تلاقي الناس بتخرج من القناة أو بتلغي اشتراكها، نزيف وسيل من المتابعين بيخرجوا وأنت مش فاهم السبب ايه.. أول حاجة هتفكر فيها: هتراجع محتوى القناة أحسن يكون فيه حاجة غلط نشرتها بدون قصد أو كتبت منشور في تجاوز أو ما شابه..
ولله المثل الأعلى، يوم القيامة حالنا هيكون كدا، قال تعالى (يَوْمَ يَفِرُّ الْمَرْءُ مِنْ أَخِيهِ (34) وَأُمِّهِ وَأَبِيهِ (35) وَصَاحِبَتِهِ وَبَنِيهِ (36) لِكُلِّ امْرِئٍ مِّنْهُمْ يَوْمَئِذٍ شَأْنٌ يُغْنِيهِ (37))
بس هناك، مش هيكون عندك فرصة لا تراجع محتواك ولا تراجع كلماتك وتحاسب نفسك على سمعك وبصرك ويدك وقدمك..
يوم القيامة حساب فقط والدنيا عمل فقط، فلما تعرف أن قدامك حياة واحدة بس وفرصة واحدة بس لو ضاعت منك ضاع كل شيء حرفياً، نيتك ايه؟ هتعمل ايه؟ هتقرر ايه بخصوص ذنوبك ومعاصيك؟ وحقوق العباد المادية والمعنوية هتردها ولا لأ قبل يوم كل الناس هتفر وتهرب منك!
ناوي على ايه؟ قرارك ايه؟
نافع | Nafe3
صوتيات نافع
