_~*#قانون الكاف والنون*_ *# ~_~By:Rowa Awad~ _* _*part(1)*_ ~مقدمه ~ قانون الكاف والنون ليس عنوانا لقصه! ولاحتي عنوانا لروايه! ولاحتي انهو مجرد اسما! بل هنا انا اتحدث عن قانون الحياه"اتحدث عن قانون الكاف والنون *(ګن فيګن )* دعونا نوكل امرنا له هو وحده قادر علي تحقيق زاتنا واحلامنا في الاونه جميعنا ضللنا عن طريقه عنه الكريم العطوف الرحيم القاادر علي كل شي قانون ال الكاف والخا۽ *(كلو لخير )* لانه كلو لخير مستحيل ربنا يعمل حاجه الا لشنو الا لخير وراها *(واذا احب الله عبدا ابتلاه♡)* فاذا ابتلاك ربنا معناها بحبك كلها اختبارات من ربنا طلعت الحوش وسوط الجوطه لاخر الحله انا كرهت البيت دا وكرهت ناسو والفيو لي نحنا الجابرنا علي كدا شنو حياه زفت وناس ازفت يعني ماممكن انا الجابرني علي كدا شنو شنو ولاشي فجاه قطع تفكيري صوت امي وهي بتبكي وشايله توبها عاينت لنسوان اعمامي من فوق لتحت ودخلت لامي قلت ليها لي نتحمل كل دا وريني زنبك شنو انو انت اهلك متوفين وانو كنتي بت وحيده زنبك شنو تجي تقعدي معاهم ابوي ومات من زمان شديد انا سكته كتير مطاعنات في النازل والطالع كفايه يااخ انا قررت قرار وحيتنفز سامعاني ياامي عاينت لي وواصلت بكي اتأفأفت وطلعت اتوضيت وصليت وبقيت ادعي كتير شديد عشان ربنا يفرج همي وهم امي ويوفقني علي الخطوه العاوزه اخطيها دي وماعندي شغله بزول غير امي والماعجبو يطق راسو باقرب حيطه ماهو انا ماحاقعد مكتفه كدا ومااعمل شي وانا خلاص كبيرا زمان كنت بقول صغيرا اكبري وتتصرفي كبرت وجا وقت التصرف قمت من مصلايتي جات بت عمي قالت لي جيبي لي رصيد قلت ليها ماعندك رجول انتي قالت لي انا اقول كلام يتنفز قلت ليها لي امي انتي وانا ماعارفه جرت ورت امها وجات نافخه رشيها وكيف ماتمشي لي بتي اصلك فقر ونحس من اتولدتي ماتميتي سنه قتلتي. ابوك قلت ليها اسمعي بلاش كلام فارغ معاك انا اكبر ممن بتك امش ليها كمان خدامته جات عمتي قالت لي فوق مامتحملينكم كمان جايه تتكلمي قلت ليها اصبرو كلها ايام طلعت برا لعمي وجدي قلت ليهم اسمعوني انا عاوزه اسوق امي ونمش الخرطوم وشكرا لانو اتحملتونا كل دا بس جا الوقت واصلا ماليكم حق تمنعو لانو امي كانت مرت ولدكم وماعندكم صله بيها ولابي والاتحملناو منكم كفايه جدا عمي قال لي في ستين ابتسمت وقلت ليهم دا المطلوب دخلت الغرفه وبست راس امي ووريتها واقنعتها جهزت شنطها ودهبه النصو قلعوهو منها الا انا وقفت وشلتة والباقي ماقدرت اللحقو لانو صرفوهو وانا موقنه تماما انو كلو لخير ماكان معانا قروش الا الدهب ددا وامي كان عندها الدهب كتير نسبا لابوي عندو حواشات واراضي وكان بدق الفايده دهب وبدية للامي وكان جزو منو بتدفنو في البيت ودي الحاجه النفعتنا مشت حفرت طلعتو وجات دستو وشلت قويشه وطلعت بيها اقرب محل فكيتها وجابت كميه قروش رجعت براحه ودسيناها ويابكرا متين تجي صحينا من 6صباحا لبست عبايتي وامي لبست توبها حتي ملابسنا كانو بسرقوها مننا استغفرت ربي ومسكنا شنطنا وطلعنا وصلنا باب الشارع مرت عمي قالت ماشين جد يلا وفرتو مصاريف يخ كنت شايله همكم عمتي ضحكت وقالت بري كتلو ولدنا وقعدو نحس طول عمرهم واصوات الضحكات العاليه عاينت لامي كانت منزله راسها رفعتو ومسكت يدها وطلعت عمي قال لينا بصوت عالي لو متو من الجوع ماتجو لانو ماعندنا ليكم شي ولاتضربو لينا واصلنا مشي لغايه ماوصلنا المينا خليت امي في الكفتيريا وقطعت تزكرتين وجيت ختيتهم في شنطه الضهر الكنت شايلاها وجبت اكل وجيت اكلت ماما واكلت شايفه في عيونها الهم والخوف من قدام حيحصل شنو بس برجع واقول كلو لخير شويه والناس بدت تركب ختيتنا الشنط للكمساري وطلعنا في كراسينا اتحركنا وانا بعاين للحله الكبرت وربيت فيها عاينت لامي السرحانه اتكلت في كتفها وغمضت عيوني امكن عشان اهرب من الانا فيو وامي فيو انا رؤي عوض عمري 19سنه امتحنت تالت وماخلوني اقرا جامعه واساسا الجامعه طلعت من نفسي ماما صغيرا بس التعب كبرها وحيده امي وابوي ابوي متوفي من عمري سنه بس كل الحله بتقول كان بحب ماما حب ماعادي وانا لمن جيت علي الدنيا ماخلو لي شي وكان فرحان بي شديد بس ماقادره اتزكرو ماما قالت لي بعد اتوفي اهلها اتوفو كمان في حادث واساسا كانت البت الوحيده اهل ابوي بكرهوها شديد وعاملوها اكعب معامله بس كانت صابره لي عشان مماعندها مكان بس هانت ومرقنا بس ربنا ضهرنا وربنا سندنا وماخايفه انو نحنا برانا لانو ربنا ورانا صحيت ووقفنا للاستراحه اشتريت لامي مويه واكل بعديها ركبنا واتحركنا وصلنا الخرطوم ونزلنا وماسكه الشنطه حقتي حقت ماما بقينا نمش نسبا لانو لاعندي تلفون ولاماما ولاحتي صحبات ولامعارف لاكن الخرطوم بعرف مناطق معينه شويه وقفت بت قلت ليها لو سمحتي لو دايره اركب مواصلات... 16 views15:18
