رَضيت بالله رباً💛

2020-08-07 11:08:14 ﷺ. باز کردن / نظر دهید

2020-07-08 15:38:48 بوست مهم جدًا، بل في غاية الأهمية :"))
عبادة قيام الليل !

١- لازم تبقى شايف عبادة ( قيام الليل ) بالذات بمثابة جهاز التنفس الصناعي بتاعك اللي من غيره كل حاجة معرضة للإنهيار و الرجوع لنقطة الصفر

٢- قيام الليل بنسبة ٩٠٪ هو أهم أدوات السعي لأي حاجة انت عايزها
كل المعجزات و الحاجات العظيمة اللي حصلت لك، و الدعاء اللي استُجيب، و الأزمات و الكروبات و الابتلاءات اللي خرجت منها مُعافى ..... هتلاقي إن قيام الليل كان أكبر و أهم سبب فيها

٣- فكرة الخلوة بالليل بنفسك و الناس نائمة من حولك و أنت قائم تصلي و تدعي و تبكي كفيلة إنها تصلح أي حاجة باظت عندك (نفسيًا و معنويًا و ماديًا)

٤- قال أحد السلف ( أتعَجبُ ممَّن له عند الله حاجة، كيف ينام وقت السحر!؟ )

٥- ركعات القيام اللي بتصليهم لله في كل ليلة هما حائط الصدّ بتوعك قدام الفتن اللي بتعصف بالناس كل لحظة
و دموع السجود في قيام الليل تُطفيء كل حُرقة في قلبك (حُرقة الهزيمة .. حُرقة الفقد .. حُرقة الظلم .. حُرقة انكسارك)

٦- مش ضروري تتقيد في قيام الليل بنظرتك له في رمضان .... يكفيك ربع ساعة أو تلت ساعة فقط من الليل تركع لله فيهم ٤ ركعات، أو ٣ ركعات، أو ركعتين، أو ركعة واحدة فقط تقرأ فيها قل هو الله أحد

احفظها جيداً :

- سهام الليل لا تُخطيء الهدف أبدًا حتى و إن لم تُصبه إصابة كاملة

- ولعل دعوة خرجت منك في جوف الليل سمعها الله و أصابت ما تمنيت، لو كُنت أنفقت ما في الأرض جميعًا لم تكن لتُصيب!

و الكلام الجاي ده ليس فقط لعبادة قيام الليل، بل للنوافل بوجه عام، فمثلا:
لا يصلي قيام الليل
لا يهتم بالسنن الرواتب
لا يصلي ركعات الضُحى
لا يردد أذكار الصباح و المساء في وقتهما
لا يصوم أيام تطوع
لا يحفظ و لو ٥ آيات فقط يوميًا

لو فتّشت في حال أي منتكس، أو شارد، أو عاوز يقرب و مش عارف، أو تائه ...
هتلاقي إن المسكين لم يُحِط على فرائضه بسياج حديدي من النوافل المذكورة أعلاه، فأصبحت معركته مع الشيطان مش مع النوافل ( اللي ينفع التفاوض عليها )
لا ... بقت معركته مع الشيطان علي الفرائض و اللي للأسف بتكون معركة سهلة عليه لأنك مش مأمّنها بأي سلاح من أسلحة النوافل

و لذلك رُوي عن أحد العارفين قال : ( من فرّط في النوافل ابتُلي بترك الفرائض )

واحفظها عنّي ( النوافل سدود في وجه الإنتكاس و سكرات الضياع .. فاجعل لك نوافل يومية لا تُفرّط بها مهما كان حال قلبك و مهما كثرت عليك الذنوب )

و نقول تاني

قيام الليل في سطور:

- قيام الليل يبدأ فعليا من بعد صلاة العشاء حتى آذان الفجر ... و أفضل أوقاته بعد الساعه ١ صباحًا ( الثلث الأخير من الليل )
اللي بيسهر و غاوي سهر، يأجل القيام في آخر نص ساعة قبل الفجر والوقت ده يُسمى (وقت السَحَر)
و توقيت صلاة القيام عمومًا فيه سِعة فلا تُضيّق على نفسك

- عدد ركعاته كما جاء عن النبي -صلي الله عليه وسلم-
١١ ركعة ( ٨ قيام + ٣ وتر )
و لكن العلماء أوجدوا سعة في عدد ركعات القيام ( يعني معاك من ركعتين لحد ٢٠ ركعة و أكتر... على حسب جهدك و همّتك )

- صفة صلاة القيام مثنى مثنى ( ركعتين ركعتين )
ركعتين و تسلم .. ركعتين و تسلم ... و هكذا

- صلاة الوتر ٣ ركعات ...
تُصلَّى بعد القيام ( أيًا كان عدد ركعات القيام اللي صلِّتهم )

لازم تختم بالوتر ( في الحديث: اجعل آخر صلاتك من الليل وترًا )

ممكن تصلي الوتر ركعة واحدة فقط بدلًا من ثلاث ركعات في حالتين:
١- إن خشيت دخول آذان الفجر ( داهمك الوقت يعني )
٢- إن كان بك عارض من مرض أو إرهاق أو خمول

جائز أن تكتفي بصلاة الوتر فقط بدل القيام، و تُكتب عند الله من القائمين إن شاء الله ...و لكن الأفضل أن تُصلي ركعات القيام ثم الوتر

- السُنة أن تقرأ في ركعات الوتر
الركعة الأولى ( سبح اسم ربك الأعلى )
الركعة الثانية ( قل يا أيها الكافرون )
و الركعة الثالثة ( قل هو الله أحد )

و لو هتصلي الوتر ركعة واحدة ..تقرأ بردو ( قل هو الله أحد )
و يُستحب أيضًا التنويع في القراءة لأن من السُنة تغيير السُنة

- فيه فرق بين القيام و التهجد
القيام أن تصلي من الليل دون أن تنام، أما إن نمت و قُمت من الليل تُصلي فهذا يُسمى تهجدًا ... وكلاهما خير

- بعد الختام من الوتر:
تردد ( سبحان الملك القدوس .. سبحان الملك القدرس .. سبحان الملك القدوس رب الملائكة و الروح )

- اللي صلى الوتر مرة ميصليهوش تاني ... (لا وتران في ليلة) و يُستحبّ إنه ميصليش حاجه بعد ركعة الوتر

أسأل الله العلي العظيم أن يهدي قلبي و إياكم و يكتبنا عنده من عباده القائمين

#قيام_الليل باز کردن / نظر دهید

2020-07-02 20:05:33 يا الله
ما هو الشيء الذي طلبه أصحاب الكهف حين أووا للكهف وهم في شدة البلاء والملاحقة .. ؟
إنهم سألوا اللّه “ الرُشد ” دون أن يسألوه النصر، ولا الظفر، ولا التمكين !!!
“ ربنا آتنا من لدُنكَ رحمة ًوهيئ لنا من أمرِنا رشدا ” -
“ رشدا ”..
وماذا طلب الجن من ربهم لما سمعوا القرآن أول مرة.. ؟
طلبوا “ الرشد ” قالوا
( إنّا سمِعنا قرآنا ًعجبا يهدى إلى الرُشد فآمنا به )
وفي قوله تعالى :
“وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ” -
“ الرشد ”فما هو الرشد ؟
الرشد :
١- إصابة وجه الحقيقة،
٢- هو السداد،
٣- هو السير في الاتجاه الصحيح.
فإذا أرشدك اللّه فقد أوتيت َخيرا ًعظيما.ً.. و بوركت خطواتك.
ولذلك يوصينا اللّه سبحانه وتعالى أن دائماً نردد :
“ وقل عسى أن يهديني ربي لأقرب من هذا رشدا ”..
الدرس والعبرة من هذه الآية :
١- بالرشد تختصر المراحل ، و تختزل الكثير من المعاناة ، وتتعاظم النتائج،
حين يكون اللّه لك “ ولياً ًمرشدا ً ”.
٢- حين بلغ موسى الرجل الصالح لم يطلب منه إلاّ أمرا ًواحدا ً وهو :
“ هل أتبعك على أن تُعلِـّمَن ِمِما علمت رشدا " باز کردن / نظر دهید

2020-06-30 11:55:20 ‏"أعظم شعور يُمكن أن ينتابك ، هو أن تشعر أن اللّه يُحبك ويتابعك ،هذا الشعور لَّا يُمكن أن يوصف بمُجرَّد كلمات ، فقط تشعر أنك مستكن ، هناك ضوء بداخلك لا تعرف مصدره، ضوء أزال كل تلك العتمة من على جُدران قلبك ، أنت لا تخشى شيء و لا تحمِل هم أي شيء، أنت مطمئن، مطمئن لأنك تشعر فقط، أن الله يُحبك". باز کردن / نظر دهید

2020-06-29 10:02:11 كان من جميل مناجاة علي بن أبي طالب ‏-رضي الله عنه- لربه إذ يقول : "اللهم إن ذنوبي لا تضرك، وإن رحمتك إياي لا تنقصك، فاغفر لي ما لا يضرك، واعطني ما لا ينقصك." باز کردن / نظر دهید

2020-06-27 16:30:33 لو سألت أي واحد بيكلم زميلته في الكلية.. أنت بتكلمها ليه ؟
هيقولك مجرد علاقة بريئة!
الجامعة هي أكبر مكان للاختلاط اللي هو بوابة كل المصايب بقى فيه حاجة بين الولاد والبنات اسمها الصحوبية ،وبعدين تنتهى بكل المشاكل اللي أنتوا عارفينها
الاختلاط حرام وكل ما يخصه حرام ... زى زنا النظر .. زنا السمع .. زنا اللسان و.... اسأل نفسك بعد الوقفة دي معاها أنت قربت من ربنا ولا بعدت عنه ؟
قربت من غضبه ولامن رضاه ؟ الأرض اللي أنت وقفت ومشيت عليها معاها دى هتشهد ليك ولا عليك يوم القيامه ؟ اللي كتب الوقفة دي ملك الحسنات.. ولا ملك السيئات ؟

بعد الوقفة دي قلبك بقى مايل لإيه ؟ لدرس دين .. ولا لأغنية ؟ افتكر كل نظرة خطفتها .. هتتحاسب عليها لأنها اتكتبت عليك "{يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ (19)}" ولسه مفاجآت القيامة على القنطرة لما كل واحد من أهلها ياخد حقه منك..

الاختلاط هو الثغرة اللي الشيطان دخل منها للمجتمع بتاعنا البنت اللي بتكلم الولاد وتصاحبهم في الجامعة و في النادي.. اوعي تفتكري إن فيه أي واحد منهم هيتزوجك ويسعدك ما عند الله لا ينال إلا بطاعة الله
البنت هتخرج من العلاقة دي خسرانة كل حاجة في الدنيا وهتدمر حياتها ونفسيتها ... و لو ما تابتش هتتعذب في القبر وفي جهنم وفي يوم القيامة يحشر المرء مع من أحب "{الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ (67)}" لازم نفوق يا جماعة الاختلاط بيعمل مشاكل بتوصل لتغيير الدين ...

العلاقات اللي كانت في الأول بريئة اتحولت لكوارث !! تمزقات وتصدعات أسرية لما بتحصل حالات خيانة بسبب الاختلاط المحرم وجرائم قتل ...و كوارث ليس لها نهاية الاختلاط دا إحدى خطط الغرب لتدمير مجتمعنا العربي المسلم.

في قصة سيدنا يوسف كان عارف المصيبة جت منين عشان كده قال لربنا : "{وإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُن مِّنَ الْجَاهِلِينَ (33)}" الخوف من الله و العفاف و عدم الانجراف وراء تيار الاختلاط هو الحل لكل المشاكل دي ربنا سبحانه وتعالى حرم الصحوبية مرتين في القرءان {محْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ ۚ}..... النساء {"مُحْصِنِينَ غَيْرَ مُسَافِحِينَ وَلَا مُتَّخِذِي أَخْدَانٍ}ۗ ..... المائدة ربنا لما كلم أطهر قلوب على وجه الأرض قلوب أمهات المؤمنين وقلوب الصحابة قال سبحانه : "{وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِن وَرَاءِ حِجَابٍ ۚ ذَٰلِكُمْ أَطْهَرُ لِقُلُوبِكُمْ وَقُلُوبِهِنَّ}"

كوني غالية كما قال تعالى على مريم بنت عمران : "{والَّتِي أَحْصَنَتْ فَرْجَهَا فَنَفَخْنَا فِيهَا مِن رُّوحِنَا وَجَعَلْنَاهَا وَابْنَهَا آيَةً لِّلْعَالَمِينَ (91)}" وكأنها في حصن ... مفيش حد يقدر يقرب من الحصن فكرت في العرض على الله هتقوله إيه ؟؟ افتكر عذاب جهنم ... افتكر القبر من فقد الله فماذا وجد ؟!

القرار الحاسم الجرئ اللي لازم تاخده أنك تنقطع عن طريق الاختلاط تماما وعن أي علاقة محرمة حتى لو كان دا صعب أو قاسي عليك ... هتتعب في الأول وبعد كده هترتاح ... ارعى المسؤلين منك ولا تتهاون في الحرام أبداً اشغل وقتك بالقرءان .. بالدروس .... واملأ حياتك بصحبة الصالحين ... وابعد عن أماكن الاختلاط والمعصية.
-اتق الله في قلبك!..
_محمد بن إبراهيم. باز کردن / نظر دهید

2020-06-25 18:16:01 يستغفرلك٧٠ألف ملِك ".
هو الله الذي لا إله إلا هو عالم الغيب والشهادة،هو الرحمَن الرحيم هو الله الذي لا إله إلا هو الملكِ القدوس السلام المؤمن المهيمن العزيز الجبار المتكبر،سُبحان الله عمّ يشركون،هو الله الخالق البارئ المصور له الأسماء الحُسنى،يسبح له مافي السماوات والأرض،وهو العزيز الحكيم.
-ولك أجر القارئينِ" ". باز کردن / نظر دهید

2020-06-23 17:36:02 - إنّك تصَلّي 12 ركعة سُنّة في اليومِ علشان ((... بُنيَ لَه بَيْت في الجَنَّةِ )) ، دي حاجة

وإنّك تصَلّيها علشان (ومازَال عَبدي يتقرّب إليّ بالنوافلِ حتّى أُحبّه...)) ، دي حاجة تانية خالِص !.

- إنّك تصَلّي الخَمس صلوات علشان (خَمس صلَوات افترضهن اللهّ )) ، دي حاجة

وإنّك تصَلّيها علشان ( وما تقرّب عبدي بِشَيئ أحَبّ إليّ مِما افترضته علَيه )) ، دي حاجة تانية خالص !.

- إنّك تصَلّي الصلاة أوّل ما الأذان يُؤذّن علشان ((... براءة مِن النّار وبراءة مِن النفاقِ )) ، دي حاجة

وإنّك تصلّيها في وَقتِها علشان (أحَبّ الأعمال إلى اللهّ الصَلاة على وقتِها )) ، دي حاجة تانية خالص !.

- إنّك تصومي علشان (بَاعَد اللهّ وجهه عَن النّار سبعين خريفا ، دي حاجة

وإنّك تصومي علشان ((... فإنّه لي ...)) ، دي حاجة تانية خالص !.

- إنّك تتوضي علشان ((... لا تُقبَل صلاة بغَيرِ طهُور ...)) ، دي حاجة

وإنّك تتوضي علشان ((... ويُحب المُتطهرين )) ، دي حاجة تانية خالص !.

- إنّك تُقيمي الليل علشان ((... دَأب الصَالِحين ...)) دي حاجة

وإنّك تُقيمي الليل علشان ((... قربة إلى اللّٰه تعالىٰ )) دي حاجة تانية خالص !.

- إنّك تتصدَّقي علشان (داوُوا مرضاكم بالصدقةِ )) دي حاجة

وإنّك تتصدّقي علشان (( أخذَها الرحمٰن بيَمِينِه )) ، دي حاجة تانية خالص !.

- إنّك تُحبي حَد في اللّٰه علشان ( أظلّهم في ظلِّ عَرشي ) ، دي حاجة

وإنّك تُحبّيهم علشان (( وَجبت مَحبَّتي للمُتحابّين فيّ )) ، دي حاجة تانية خالص !.

- إنّك تحاوِل يبقىٰ عندك حُسن خُلق علشان (( أقربكم مني مجلسا ...)) ، دي حاجة

وإنّك تعمِل كده علشان (( أحبّ عباد اللهّ إلىٰ اللّٰه أحسنَهم خُلقاُ )) ، حاجة تانية خاالص !.

دي مسألة " حُب ".

- فَـ اللٰهُمّ حُبّك وحُبّ مَن يُحبّك وحُبّ كُل عمَل يُقرّبني إلىٰ حُبك . باز کردن / نظر دهید

2020-06-22 08:31:57 أي بُنيَّتي.. بعد العشرينَ من عُمركِ تأهبي؛ هذا الوقت تحديدًا، وتلك المرحلة خصيصًا.. كوني على استعدادٍ وانتبهي جيدا..

_اجعلي الله في قلبك دائمًا، واعلمي أن كل أمرك بيده، لا تبتعدي عنه ولا تحيدي عن طاعته؛ فالعز كل العز في قُربه، والذل والهوان في مخالفته؛ فإن رضي رضيتِ، وإن غضب لا راحة لكِ أبدًا، صَلِّي جيدًا، واذكريه على الدوام، واقرئي قرآنه، وليرَ منكِ أمَة إذا نادته ودَعَته أحَبَّ صوتها..

_ لا تتسرعي الحُب ولا تقعي في فخهِ بسهولة؛ مشاعرك لم تتزن بعد، وتلك القوة الجبارة لديكِ ستحتاجين إليها بعد أول مولودٍ لكِ، وفي محاولتك للتأقلم مع شريك حياتك..

_إياكِ والنظر إلى مَن هُنَّ في علاقات الغرامِ واقعات؛ هُنَّ لسنَ أجمل منكِ، أو فيهن شيء مُميز عنكِ، الفرق بينكن: عفة القلب، والتربية والأصل، وحماية الله لكِ؛ أنتِ طاهرة رغم بشريتك.. تذكري ذلك دائمًا..

_ستُخطئين حتمًا لا محالة.. أنتِ بشر، والعصمة ليست لنا، ولكن ليكُن عن غير عمد أو قصد، وإن زللتِ قومي؛ هنالك رب يقبل التوب ويغفر الذنب ولا يرد تائبًا..

_أصدقاؤكِ يُعبِّرون عنكِ؛ فاختاري بدقة من تُذكَري بهنَّ دائما..

_لا تتزوجي مَن لا يُحبه عقلك أولاً.. كل الذين أحبوا بقلوبهن فقط خسروا؛ اختاري شخصًا يشبهك، تستطيعين تقبله بعيوبه قبل مميزاته، والباقي يأتي به الله، إنَّ اللَّه لطيفٌ خبير..

_المرأة ليست سلعة أو رهانًا، تُشترى وتباع؛ من لا يشتري داخلكِ قبل خارجكِ حرِّمي عليه تُرابكِ الذي تخطين عليه، مَن يشترِ الظاهر سيُهمل الباطن؛ ونحن بالبواطن نحيا، وبالظواهر كثيرًا ما نموت..

_تحرري من رضا الناس؛ فمهما فعلتِ لن يرضوا، كوني فقط نفسك، محاسنك لنفسك ومساوئكِ لنفسك، أنتِ وحدك ستُحاسبين عنهم، فلا تشغلي بالك بقيل وقال؛ امضي واثقةً ولا تلتفتي للناس فرضاهم غاية لا تُدرك..

_ الأنوثة ليست مفاتنًا، الأنوثة حياء وأدب؛ أي فتاة خلت منهما زلَّت وضلَّت، وكانت عاقبة أمرها خسرانًا..

_أحبي نفسك بما هي عليه، ليس فينا الكمال وليس التمام لنا، ارضي عن نفسكِ ولا تغترِّي، وامدحيها ولا تتكبري، واعلمي أن حُب النفس فطرة، وليس أغلى على الإنسان من نفسه؛ فعيشي غالية تُذكري بالخير إن مُتِّ..

_الحياة ليست وردية؛ ستتخبطين بالفشل تارة، والخذلان تارة، والفراق والهجر تارة، وستأتيكِ الضربة من حيثُ أمِنتِ؛ فليكن في علمك أن تكوني قوية وعلى استعداد لكل ذلك؛ لا تنتظريه، ولكن لا تغفلي عنه..

_ الرجل الذي لا يطلبكِ من الله، ويطرق باب بيتك، فعلِّميه كيف الملكات على العبيد تُحرَّم..

_الرجل أضعف مما تتخيلين من الداخل، وأكثر ظلما وغطرسة من الخارج، ادعي الله أن يرزقك رجلًا عادلًا يقوّي بكِ ضعفه؛
ولا يضعف إلا عندكِ، أما المرأة فهي أقوى من الرجل إن أهدته الحب وأدمنه..

_ ليس كل ذكر رجلًا، وليست كل امرأة يليق بها الذكور؛ فاختاري جيدًا..

_ كُل ما كتب لكِ سيصيبك؛ فلا تحزني على الفائت، ولا تفرحي بالقادم، عيشي راضية فقط في كل وقت؛ لئلا يشمت بكِ أحد..

_لا تنخدغي بالكلام المعسول حتى تَرَي فعله، ولا تتمني قصةً
بطلها ليس واقعيًّا، ولا تتخيلي ما لم يكن لكِ بقريبٍ ملموس.

_أُمكِ سر أمانك في الحياة؛ استجيبي لها دائمًا، لقد عاشت أيامًا ودت لو أنها لم تنجبكِ فيها خوفًا عليكِ، فالزمي أمرها واعملي بقولها، وبرِّيها تبرك حتى الجمادات.

_ لبسك المُحتشم صورة مصغرة من قلبك، دعي الناس تنظر إلى عفته فيخجلوا، والرجل الذي يغض الطرف عن عفتكِ وحشمتكِ لا يؤتمن..

_ كوني بخير دومًا واطمئني، ولا تنامي إلا مجبورة الخاطر قريرة العين؛ فالأمس ولَّى، واليوم انقضى، وغدًا بالله فيه من أجلكِ شيء جميل..

حفظَكِ الله بُنيَّتي، ورعاكِ وستركِ وجعلكِ من سُعداء العالمين.

#أحمد_عبداللطيف. باز کردن / نظر دهید

2020-06-21 06:30:30 المواظبة علي سورة البقرة

ويا سلام لو هتختمها يوميًا ..

طب واي السبب يعني واشمعنا البقرة ؟

بسيطة اوي

مبدئياً كدا هتشوف العجب في حياتك والله ومش كلام وعن تجربة،

١ - لو دايمًا قلقان من أي حاجة تحصل أو هتحصل فـِ المستقبل ودا بيكون غصب عننا كلنا بيكون عندنا الشعور دا ..
بيتبدل شعور القلق ده باطمئنان فوق الخيال والله

٢- لو قلبك متعلق بأي حاجة دنيوية غصب عننا برضو بمواظبتك عليها قلبك هيبقى متعلق بالله وحده لا غير.

٣- بتدفع عنك الشيطان و وساوس الشيطان وبتكون مُحصّن من أي أذى سواء سحر او حسد او مرض حتي .

٤- ربنا هينور بصيرتك ويخليك تشوف كل حاجة بإحساسك ف أي موضوع شاغل تفكيرك وإزاي تتعامل معاه بطريقة صحيحة .

٥- لو مخنوق وفتحت المصحف عشان تقرأ فيها فجأة هتلاقي جبل هموم وانزاح من ع صدرك والله ومش كلام وخلاص دا بجد.

٦- هتلاقي استجابة لدعائك بشكل سريع جدا جدا ويقينك بربنا هيزيد.

٧- بتخلي الرزق يكون اوسع بشكل رهيب جدا .. لدرجة إنك ممكن تكون في حاجة نفسك فيها من غير مَ تدعي بيها حتي وفجأة تلاقيها بين ايديك من حيث لا تدري كدا .

٨- هتخلي عندك شوق اصلا في إنك تزود عباداتك وطاعتك لربنا بأي شكل من الاشكال سواء بقي صدقة- ذِكر - جبران خواطر وغيرهم ..

من الآخر كدا هتتحول من عبد *مسلم* لعبد *محسن* بإذن الله ..

*طيب يعني اشمعنا سورة البقرة بالذات وايه السر فيها ؟

- سورة البقرة فيها ٦ ايات بينتهوا بـ " انه على كُل شئٍ قَدير " ..
ممكن بعد كل آية من دول تدعي ربك فيهم بالشيء اللي نفسك فيه وانت بتِشهِد ربنا عز وجل علي قُدرته اللي ذكرها في كتابه وان شاء الله الدعاء مستجاب.

سورة البقرة فيها كمية آيات تجلي لله عز وجل كتيرة اوي وأعظمهم آية الكرسي طبعاً اللي هي أعظم آية في القرآن.

- سورة البقرة فيها الآية ١٨٦
"وَإِذَا سَألكَ عِبادي عَنِي فإنِّي قرِيبٌ أُجِيبُ دعوَةَ الدَّاعِ إذَا دَعَانِ فَليستجِيبُوا لي وَليُؤمِنُوا بي لَعَلَّهُم يرشُدُونَ"
عايز اي انت حلاوة اكتر من كدا !

- مسابتش ركن من أركان الإسلام غير وكان مذكور فيه شوية تفاصيل عنهُ .. سواء كان عن التوحيد بالله ولا عن الصلوات طبعا والحفاظ عليها ، الله يهدينا إليه ⁦ ⁩ باز کردن / نظر دهید