إِنَّ عِدَّةَ الشُّهُورِ عِندَ اللَّهِ اثْنَا عَشَرَ شَهْرًا ف | «رفيقتي إلى الجنة» للنساء💚

إِنَّ عِدَّةَ الشُّهُورِ عِندَ اللَّهِ اثْنَا عَشَرَ شَهْرًا فِي كِتَابِ اللَّهِ يَوْمَ خَلَقَ السَّمَاوَاتِ وَالْأَرْضَ مِنْهَا أَرْبَعَةٌ حُرُمٌ

يعني ربنا اصطفي من بين كل الشهور دي ( ٤ شهور حُرُم وهي ٣ شهور متتالية ( ذو القعدة .. ذو الحجة .. مُحرَم ) وشهر منفصل عنهم وهو شهر رجب

طب نعمل فيهم ايه ؟! ( فَلَا تَظْلِمُوا فِيهِنَّ أَنفُسَكُمْ )
يعني ايه ؟!
يعني تعظيما لحُرمة الشهور دي .. اوعي تظلم نفسك بارتكاب اي معصية تغضب فيها ربك .. اوعى تظلم نفسك بالتعدي علي حدود الله الي حذرنا منها .. اوعى تظلم نفسك بظلمك لغيرك .. اوعى تظلم نفسك وتقصر في فرائض ربك

يعني ايه ؟!
يعني تتوب من كل ذنب يحول بينك وبين رضا ربك عنك .. يعني تلتزم بأوامر ربنا كلها مش تاخد جزء وتسيب جزء وتمشي ورا هواك ( كده كده هنغلط ونقع بس نقف من تاني ونرجع ونتوب ونستغفر ونجاهد ونستعين بالله لغاية ما نقابله ) .. يعني ترجع الحقوق لأصحابها وترد المظالم لأهلها وتجبر الخواطر ال كسرتها وتستسمح الناس ال أسأت لها

يعني افتح مصحفك وإياك تهجره ..

أكثر من النوافل لعلها تجبر التقصير في الفرائض و اي عمل صالح ولو بسيط ممكن يكون سبب في نجاتك ..

عوِّد لسانك علي الذكر وزود رصيد حسناتك .. ساعد الناس وحب الخير لغيرك وبلغ عن نبيك ولو آية .. وانصح لله وانكر المنكر وخليك غيور علي دينك .. واي خير تقدر تعمله ما تتأخرش

#انتبه_أنت_في_الأشهر_الحُرُم

لصاحبه