مرحوم حاج محمد رهبری قاره پرچم . . قاره پرچم لر نشان دین | ❤️رجزها و رباعیات ترکی وفارسی🌷
مرحوم حاج محمد رهبری
قاره پرچم . . قاره پرچم لر نشان دین و ایمان ایلوری کربلانین نهضتین دنیایه اعلان ایلوری . . فخر ایدلّه قاره پرچم لر اسنده شیعه لر شور عشقیله توکر رخُساره گوز یاش دیده لر نهضت کرب و بلاده چاک اولوبدور سینه لر قاره بو پرچم لره جان شیعه قربان ایلوری . . هر دیاره قاره پرچم لر ویرولدوقجا آقا اهل دنیایه ایدر قانلی قیامون بر ملا آشکارا گون تک اولموش نهضت کرب و بلا یر گوی اهلین کربلا اوضاعی گریان ایلوری . . اولماسیدی قاره پرچم لر اَیا شاه زَمَن دین اسلامین کسردی ریشه سین اهل فِتَن سن او گون یتمیش ایکی بو دینه قربان ویرمیسن یا حسین مطلق قیامون کُفری ویران ایلوری . . پرچمون اسدوقجا دین دشمن لرین خوفه سالور قامتین جمله بوکور تاب دلین الدن آلور خوار اولور دنیا بویی آواره سرگردان قالور فکر ایوین ویران قویور هر یرده اسکان ایلوری . . قاره پرچم لر ویرور صاحبدله ذوق و صفا هانسی دلده اولماسا حبّ حسین اولماز دوا قاره پرچم صاحبی ایلر هامی درده دوا دردمنده حق الیله گور نه درمان ایلوری . . قاره پرچم گر ویرولسا هر کسین دیوارینه دهریده صدمه یتیشمز جانینه آثارینه گر عمل ایتسه حسینون قولونا کردارینه حشریده معلوم اولار نه لطف و احسان ایلوری . . قاره پرچم لر هامی پرچم لرین اولاسیدی صاحب پرچم حسیندی شیعه لر مولاسیدی شافع روز جزادی هم کرم دریاسیدی بیله منصب اول شَهَه خلّاق سبحان ایلوری . . قاره پرچم اولسا هر ایوده او ایو آباد اولار بند محنتدن ایو اهلی حشره تک آزاد اولار وعده سین خالق ویروب تا روز محشر یاد اولار ورد و ذکرین روز و شب لایق هر انسان ایلوری . . پرچم دیندور بو قاره پرچمّ آلعبا شیعه لر واردور یری ایتسونله هر یرده دعا کربلاده ظاهراً یاتموشدی بیر قانلی لوا حشره تک دین پرچمین تضمین شایان ایلوری . . ال گوتورمه قاره پرچمدن اماندور (رهبری) وُور گینه دیواریوه قوی زنده ایتسون دللری ایله بیر مجلس لره زهرا خانیم دور مشتری بیله قولی اهل معنا سوزده عنوان ایلوری