کربلایی محمدرضا صادقی شیدا ماه عزا گینه ماه عزا و ماتم اولدی گینه دنیا بویی درد و غم اولدی گینه قاره چکیلدی عرش و فرشه گینه بو آیدا آیری عالم اولدی . حسینون باشلانار ماه عزاسی توکر رخساره گوزیاشی آناسی سالار باشه قرا حیدر نجفده دئیر ایوای حسینیم وای آتاسی . . سالار باشه قرا پیغمبر آغلار یانار قلبی بتولِ اطهر آغلار گلر دشت بلایه انبیالر وورار باشه ملکلر یکسر آغلار . . سویون باغلار یولون تا اهل کوفه فراتی تاپشرار ظالم صفوفه صدای العطش اوج ایلر عرشه یانار قیزلار سولار مثل شکوفه . . اولار اکبر بو آیدا اِرباً اِربا دئیر ایوای بالام مخمیده لیلا سالار قاسم آناسی باشه قاره دوتار ماتم او چولده آل طاها . . گینه قیزلار یانار سوز عطشدن خیامه اود یاغار بو کشمکشدن دوشر سقا قولی سو اوسته یارب اولار شرمنده طفلِ غنچه وشدن . . یانار زینب داخی اولماز پناهی دونر گوندوز اولار شام سیاهی حسینی ذبح ائدر بیر عده جانی اولار غارت او غملی خیمه گاهی . . الون ساخلا دایان چوخ یازما ” شیدا ” حسینون هر سوزون ائتمه هویدا گلنده محشره قائم بالاسی ائدر دشمنلریله آیری سودا @ragazha 1.3K views11:35