💕😍روايات منوعه😍💕

2018-05-19 03:50:09 The account of the user that created this channel has been inactive for the last 5 months. If the account of the creator remains inactive in the next 9 days, it will self-destruct and the channel will lose its creator. باز کردن / نظر دهید

2018-05-10 02:23:25 The account of the user that created this channel has been inactive for the last 5 months. If the account of the creator remains inactive in the next 18 days, it will self-destruct and the channel will lose its creator. باز کردن / نظر دهید

2018-05-08 13:30:11 The account of the user that created this channel has been inactive for the last 5 months. If the account of the creator remains inactive in the next 20 days, it will self-destruct and the channel will lose its creator. باز کردن / نظر دهید

2018-04-29 23:13:18 The account of the user that created this channel has been inactive for the last 5 months. If the account of the creator remains inactive in the next 28 days, it will self-destruct and the channel will lose its creator. باز کردن / نظر دهید

2018-04-28 13:30:20 The account of the user that created this channel has been inactive for the last 5 months. If the account of the creator remains inactive in the next 30 days, it will self-destruct and the channel will lose its creator. باز کردن / نظر دهید

2017-09-22 17:03:24 رايكم في روايه باز کردن / نظر دهید

2017-09-21 06:26:30 احببت مطلقه
ال١٩ والاخيرة
رانيه صلاح
عزة عزة شيل معاي ياكريم ...
........
انا وين ابوي كريم...
ايوة عزة اهو انا جمبك حبيبتي وكريم وين ...
كريم طلعو التلفون بس والله امي بتطمن عليك عزة...
انتو كويسين يعني ....
الحمدلله عزة ربنا لطف....
طيب انا متزكرة الدم وصوت الزخيرة وشفتو انا شفته احمد انا شفنو ابوي والله شفتو كريم...
اي عزة هو كان هناك وهو سبب الحصل بس الحمدلله ربنا حفظ وناس المباحث اتصرفو ....
مباحث مافاهمه شي ياكريم...
اافهمكم انا انت وامك لانو كريم فاهم الحاصل كلو. احمد طلع قبل فترة ولاقى ناس دفعتو وشلتو الوسخه وهناك بعد ماهبب البشربو ده فلت بالكلام انو ناوي ينتقم وماحيخليك انتي ولا انا...
شنو.....
ايوة ياعزة وسبحان الله كريم كان قبل الطلاق متابعو وبدي واحد من شلتو قروش عشان يوري تحركات احمد كلها وفعلا تاني يوم اتصل على كريم ووراهو السمعو مقابل قروش طبعا وكربم اداهو وبزيادة ووعدو بي اكتر من كده طول ماهو كان صادق وورانا اي شي وجا واطلعني على الموضوع كلو وده السبب الخلاني اشيل العربيه منك واخلي كريم هو المسئول من توصيلك لانو والله بقيت مابثق في زول الا هو ومن جهه تانيه عندي دفعتي في البوليس ووفهمتو الحاصل كلو وكتر الراجل ماقصر عين اتنين من ناس المباحث يتابعو البيت لامن نلقى حل معاهو وركزنا بزات يوم العقد وفعلا كما توقعنا الغبي جا وشايل مسدس وكمان مامصدق كان عايز ينتهز وقت العقد ويعمل عملتو وغلطتو انو طلع المسدس في يدو وعمرو جاهز وهنا واحد من اولاد المباحث خته بالو وهم ماشين عليو براحه حسه بيهم وشكلو عرف نفسو خلاص انكشف وقرر انو يضرب ماعارف انا ولا كريم كان ناوي وقت سمعنا ضرب الزخيرة عليو....
عزة ختت يدها علي يد امها وهي بترجف وبتقول بفم يرجف وصوت مبحوح
وهسي وين هو انا خايفه....
هو في المستشفى ضرب النار كان مركز على اطرافو وفقد الحركه للابد بالعملو ده...
هنا وداد بتمسح في دموعها وماسكه يد بتها قالت يستاهل...
رد ليها سعد استغفري ربك وداد مهما كان ونقول ربنا يتولاهو بي رحمتو ....
فعلا خالتي قولي الحمدلله على سلامة عم سعد وهسي كده ممكن تطمني انو ماحيحصل حاجه من الزول ده ...
ايوة ياكريم الحمدلله وجزاك الله الف خير...
تسلم عمي مع انو اخر لي العقد لي يوم تاني بس بالجد هم واتشال....
هنا جا امجد وسلوى وام كريم يسلمو على عزة..
اهلا خالتو كيف سلوى وامجد..
هلا بتي الف حمدالله عالسلامه امس كنتي منهاره والدكتور اداك منوم وطلب الراحه التامه ده الودانا بيتنا والله لو ماكده ماكنت فارقتك...
تسلمي يارب وحمدالله على سلامة كريم انا اسفه ده كلو من سببي...
ماتقولي كده انتي ربنا نجاكي وهسي مافات شي انا حعقد ليكم انتي وكريم وامجد وسلوى سوا
بازن الله لو وافق سيادة اللواء طبعا ووداد يوم ٢٧ رجب ....
نحنا اخوات ام كريم وعزة بتك زي ماكريم ولدنا وربنا يسعدهم ويحفظهم....
...........
يوم العقد وكريم اصر انو عزة تلبس زفاف وكانت الحفلة في البيت اجرو خيمة كبيرة وطبعا ناس القيل والقال القاعدين ورى اشتغلن ...
شوف بالله سماحة البت لا وكمان راجلين...
الله بريدها عايني نحنا واحد مالاقنو....
بس هسي الود ده من جدو يعمل عرس قدر ده ولي عزبه...
يختي دي بتكون عامله ليو شي...
عشان ابوها لواء يختي...
النبي شوفوها قاهره كيف....
........... تتوالي احاديث الناس عن بعضها واكلها للحوم الاخرين ليه مانعيش لي نفسنا لي نأزي بعض لي مانفرح لي بعض لي همنا الاول والاخير الشماته والقيل والقال ومع انو وجود احتمال انو تحصل نفس الظروف ليهم ..الدنيا ياخواني ظل شجرة وحنمشي منها عيش لي نفسك وافرح لفرحك وفرح غيرك وواسي غيرك في هم مش احتمال تحتاج كلماتو في الغد
هي كلمة البدايه وبوجودكم ومتابعتكم اسعي للتميز والازدهار
رانية صلاح باز کردن / نظر دهید

2017-09-21 06:25:21 احببت مطلقه
رانيه صلاح
ال١٨
هلا كريم.....
ياعيون كريم ويااحلى صباح لكريم.....
هههههه انشاالله دايما مبسووط وفرحان....
بي وجودك معاي بس.....
ياريت كريم لو علي من ضلك ماازح......
وده الحيحصل حبيبتي.....
ياريت.....
يابت خلي اسلوب اليأس...
الدنيا مادتني فرصه افرح.....
وهسي ادتك وماده ليك يدها....
في جديد كريم خالتو وافقت...
شبه وافقت وعايزة تلاقيك....
انا لكن ليه اقصد بتين.....
الليله حنتغدى كلنا سوى في منتجع السمك.....
بس انا ماجاهزة اقصد ماكلمته ناس البيت....
ياستي ناس البيت عارفين وانا وريتهم وثم ثانيا انتي ابوك مش قال ليك تسمعي كلامي واي مكان اقول ليك تمشيو تمشي...
هههههه لا هو قال انو محتاج للعربيه واي مكان ماشه اسوقك معاي....
اممممم مابتفرق حبيبتي كلها واحد.....
غايتو انت صحي اداري ناجح مابتتغلب.....
الا بيك انتي بفشل.....
الله يخليك لي كريم....
.............
وفعلا جات الساعه اربعه وكريم ساق عزة ومشو على المنتجع وبهناك سلوى مشت مع امها واتغدو وسبحان الله انبهرت ام كريم بي عزة واستغربت كيف الراجل ده يفرط في واحده زي دي جمال وادب واخلاق وطلبت منها العفو وحددو موعد يجو البيت يتقدمو من سعد وكان الميعاد الاتفقو عليو الخميس الجاي يعني بعد يومين رغم انو عزة وامها قالو يدوهم وقت زيادة بس سعد وكريم كانو مستعجلين بصورة غريبه
............
طلعت عزة بحلة جميلة كانها عروس لي اول مرة لبست فيتان اوف وايت ورفعت شعرها لي فوق مع الخصله بالجنبه وزادت رونق بالميكياج البسيط المايل علي بني مع لونها عكي ملامحه كانها لوحه بي قلم رصاص....... كان في مجموعه بسيطه من الناس موجودين من القرايب والاصحاب المقربين للاسرتين وقررو يعقدو ودخلو عشان يشيلو موافقة العروس اللي كانت قاعده معاها نسيبتها واتخلعت ام كريم لامن شافت معاز داخل مع امجد يسالو العروس من موافقته
امجد انت هنا.....
ايوة خالتي واعفي لي من اي شي بدر مني....
اسكت ولدي خلاص البقه بقه المهم انو انت اقصد مع سلوى....
لا خالتي انا سلوى ماحنكون الا لي بعض وسلوى ياها سلوى الربيتيها وكبرتيها....
قصدك شنو امجد....
اعفي لي خالتي كان لازم نعمل كده عشان توافقي بي عزة وترضي عن كريم.....
يعني انت وسلوى ماحصل شي بيناتكم....
لا ابدا خالتي وانا معقولة اغلط في سلوى وفي حقها واخون ثقتك انت وكريم فيني....
الله شلته هم كبير من صدري بس كتر خيركم لو مانتو كان حرمته ولدي من سعادتو....
.........
في اللحظه دي اتسمعت جوطة برة وضرب نار مع انو العقد لسه والكل طلع بره يشوف الحاصل وعزة مما طلعت وشافت الدم وقعت من طولة مغمى عليها
يتبع باز کردن / نظر دهید

2017-09-21 06:24:51 احببت مطلقه
رانيه صلاح
ال١٧
سلوى انت بتقولي شنو لاحول ولا قوة الا بالله ده عشمي فيك دي تربيتي ليك ده تعبي فيك...
امي الله يرضى عنك ماتقولي كده عليك الله امي اقتليني بس ماتقولي كده....
ياريتك متي ياربت جابو لي خبرك ولا خبر زي ده....
......لي لحظه اتصدمت من كلام امها وفي نفسها معقول للدرجه دي علاج المشاكل بالطريقه دي لا حول الله ده جهل وعدم معرفه في مجتمع كامل مبني لارضاء الغير ونفاق في الصورة الظاهره حتى لو على حساب هدم رغبات واحاسيس ..زي المشى على قزاز محطم مع رسم اعوجاج في تقويسة الفم بس عشان البعبد يقول مبسوطه سريع رجعت للواقع وركزت في البتعمل فيو ولازم تتقنو ووتتمو صح وسبحان الله رد امها اداها دفعه قويه للاقدام في البتعمل فيو وانها لازم تتم العملتو وتنجح كمان فيو....
............
قومي راقدة ليها شنو.....
خليني امي مش قلتي انشاالله اموت انا حريحك من نفسي ياامي.....
انت مجنونه وعايزة تموتي لي كافرة .....
اعمل شنو امجد كان مستعد يتزوجني بس ماعارفه الغير كلامو شنو....
بتين حصل الكلام ده....
قبل فترة....
بتين يعني ردي لي قبل مااديك كف تاني زي الجبيل.....
.......اتزكرت سلوى الكف الاخدتو والضرب والخنق بس قالت كلو يهون عشانك ياكريم...
قبل اربعه شهور امي....
الحمدلله مافي حمل يعني وهسي دقي لي للزفت ده. ....
حتقولي ليو شنو امي خلي كريم يجي....
دقي لي ليو انا الله كتب لي الشقى كريم لو عرف بقتلك ياسجم الرماد وعار البنات....
.............
الو امجد ولدي ازيك.....
اهلا خالتو .....
كده ياامجد تعمل في خالتك كده وتطعنه في ضهرها....
خالتو انتي عرفتي....
اي ليه امجد انا كنت بعتبرك زي كريم ولدي وريدتك من ريدو....
ياخالتي لو بتعتبريني زي كريم بالجد ماحتخليني اتزوج منها...
بس انت السبب وانت ال.....
عارف انا الغلطه وكنت مستعد اصلح لو مالقيتها ماشه واحد تافهه لا وكمان تلفونات....
ده منو ياسلوى ده....
ده زميلي امي والله مافي شي بينو وبينو....
امجد ولدي الله يرضى عنك ختها زي اختك الله يسترك والله سلوى ماحصل لقيتها بتتكلم مع راجل غيرك وحياة كريم ولدي الماعندي غيرو....
ياخالتو انتي دايراني اصدقك وفرضا صدقتك اعرس واحده غلطه معاها كيف بترضيها لي كريم ولدك وقبل ماتردي فكري كويس.....
لو بحبها برضاها ليو حخت عندي بت انا برضو والسترة واجبه....
خالتي عليك الله اتقي الله انتي لي مرة مطلقه واتظلمت في الدنيا وبالحلال ابيتي ورفضتي وقومتي الدنيا وقعدتيها سبحان الله يمكن ربنا كان خاتي الكلام ده عشان بمتحن مصداقيتك معاها....
امجد انا بس مافي علاقه...
كلامي واضح المابترضى لي ولدك مابرضاهو لي روحي ولو على اخواتي الحمدلله كلهن عرسن......
مش ممكن تطلق وينطبق عليها الحاصل مع كريم.....
هههههه يعني اقتنعتي بانو الدنيا دوارة يلا في اللحظه دي لو ام العايزهم طلعت انانيه زيك ربنا حيصلط واحد زي لي بناته وتبقه دوارة بالجد ....
امجد ولدي.....
ياخاله عن ازنك انا مشغول وامشي استغفري ربك مش يمكن البت دي صالحه وربنا اخد حقها منك يلا سلام....
.........
سلوى وامها حضنو بعض وقعدو يبكو لامن كريم جا داخل وحسى في شي ماطبيعي بس مافي زول داير يوري الحاصل شنو لانو امو نبهت سلوى ماتحكي شي ومشى كل زول على سريرو بي همو .ام كريم الليل كلو مانامت لامن طلع الصباح وصلت الصبح حاضر وجهزت الشاي وصحو كلهم وفي اثناء مابشربو الشاي سالت ام كريم
كريم ياولدي لسه مصر تتزوج البت ديكي....
امي انا حاجه غصبن عنك مابعملها بس غيرها ماحتزوج ولاي هي حتتزوج....
وهي عارفه انا يعني رافضه....
بي صراحه امي اي...
وردت بي شنو....
الغريبه قالت من حقك وحزرتني اعمل شي اغضبك بيو....
لاحول الله كلام امجد صحي...
مالك امي وامجد مالو سلوى في شنو احكو انتو من امس ماطبيعين....
اصلو ياكريم امجد امس..
اسكتي سلوى كريم امجد وراني غلطي معاك وانا دايره اقعد مع عزة
يتبع باز کردن / نظر دهید

2017-09-21 06:24:29 احببت مطلقه
رانيه صلاح
ال١٦
دخلت عزة البيت وهي مبسووطه وسلمت على الكل وهي بتبوس ده وتحضن التاني الكل حسه بي فرحتها اللي ليها زمن راحت منها ..
........
سعد كان قاعد في برندة صغيرة مفتوحه في جانب من البيت على الحديقه الخارجيه ودي اكتر حته بحب يقعد فيها كان قاعد وبقرى في جريدتو وقت جات مرتو شايله ليو الشاي بتاع المغرب
تسلمي ياست الكل وربنا يخليك لي...
ويخليك لي ياسعد......
حاسس بي فرحه في عيونك...
دايما حاسس بي وعارف البي قبل مااتكلم...
ام بناتي ورفيقة دربي دي عشرة كم سنة لو مافهتك انا منو الحيعرفك ويفهمك ....
......تضحك وداد بخجل كانها بت العشرين مش ال٥٠سنة....
ياسلام عليك والله كانك وداد الشفتها قبل ٢٥سنة في جامعة القاهرة فرع الخرطوم.....
لسه متزكر ياسعد كنت بي دبورة واحدة كانت فيك هيبه ياسلااام....
كانت وهسي ياوداد....
هسي هيبه فيك زادت مع الوقار وفخر بي اني مرتك وام عيالك ماتتخيل فرحتي بيك وبي بناتي كيف ربنا يحفظكم لي مابقدر اعيش بدون زول منكم.....
ولا نحن نقدر نعيش من غيرك انت نوارة البيت وقلبي وعقلي ورفيقة دربي وعمري ماقلتي لي المفرحك شنو اللليله انا لسه مانسيت....
ههههههه والله عزة الليله ماشاء الله عليها مع اني ماعارفاها ماله بس بالجد فرحتها فرحتني الله يفتح ليها بي ود الحلال....
حيفتح ليها انشاالله وقريب جدا بأزن الله.....
سعد انت عارف شي وداسي مني.......
ياستي لاداسي ولا حاجه بس لسه الموضوع مابقه رسمي وانا صراحه ماداير استعجل زي المرة الفاتت كفايه المرت بيو....
هو جاها عريس منو باسعد.....
بتعرفيو وبتريديو زي ولدك.....
انشاالله عبدالكريم يارب هو....
ياهو ياستي ود حلال الود وراني من اول يوم حسه نفسو عايزة وطلب مني يكون الامر في البدايه بينو وبيني لامن يتاكد منها وانا احترمتو رغبتو زايدا ماداير اغصب عزة على اي شي.....
انشاالله ياعزة يابتي يبقى من نصيبك.....
لا انشاالله قبيل اتصل بي ووراني انو هو وعزة اتفقو بس فضل امو شويه خايفه من حكاية متزوجه ومطلقه دي.....
لا هي حتلقى احسن من عزة وين ولا بتي فيها عيب الف زول بيتمناها.....
وداد حبيبتي براحه هي مابتعرف عزة وزي ريدتك دي هي بتريد ولدها ومن حقها تتمنى ليو بت مش مطلقه.....
سعد انت بتقول كده وانت عارف الظروف المرت بيها عزة والظلم اللقتو.......
انا بتكلم هنا بي نظرة امو لكريم انتي هسي اسألك وبي صراحه لو جا راجل لي واحد من بناتك متزوج وعايزة مرة تانيه حترضي.....
طبعا لا .....
تمام نفس القصه بس عشمي الوحيد انها لامن تعرف عزة حتريدها ........
ياقلبي عليك ياعزة يابتي اتظلمت كتير بتي......
ده المجتمع العايشين فيو ياوداد رجعي ومتعقد.....
وهسي العمل شنو.....
كلو بي يد الله لو مقسوم ليها كريم حتلقاهو ولو لا ربنا حيعوضها الاحسن.....
الله ينتقم منك يااحمد....
والله يحفظنا منو.....
ليه في شنو.......
لالا مافي شي بس كل مااتزكر الحصل وكده....
.......هنا سعد سرح بعيد نع نفسو وجوهو خوف كبتو جواهو عشان مايتنقل لي وداد بس كل حواسو وعيونو على عزة بتو.....
..............
في بيت ناس كريم الام رافضه حتى فتح السيرة رغم محاولات سلوى وكريم وامجد زاتو ادخل وفي النهايه امجد قال لي سلوى
سلوى مافي حل تاني غير داك....
بس انا خايفه.......
ياستي ماتخافي وانشاالله انا معاك ومهما حصل بس انا خايف من ردة كريم...
انا مش من كريم انا خايفه على امي يحصل ليها شي ياامجد....
طيب شايفه حل تاني.....
لا .....
طيب......
توكلنا عليك يارب خلاص الليله حكلمها....
وانا ماحتصل لامن تتصل هي....
اوكي بس والله خايفه....
ماتخافي انا معاك
............
جات ام سلوى داخله لقت سلوى بتبكي....
سلوى بتي مالك .....
امي سامحيني اعفي لي.....
في شنو عافيه ليك بس مالك....
التافه الحيوان الحقير.....
منو ....
امجد امي غشاني ونام معاي ....
يتبع باز کردن / نظر دهید