💕😍روايات منوعه😍💕

2017-09-21 06:24:05 ‎احببت مطلقه
‎رانيه صلاح
‎ال١٥
‎الوو كريم ازيك...
‎هلا سلوى كيف تمام....
‎الحمدلله في المكتب انت....
‎اي ليه في حاجه حاصله.....
‎لا ابدا بس قريبه جمبك.....
‎يابت في شنو......
‎الله ياكريم يعني الزول اصلو مايعمله مره ويزورك....
‎لا ابدا بس اصلو اول مرة ياستي لكن المكتب وسيد المكتب برحب بيك....
................
‎ياهلا ويامراحب.....
‎السيد المدير عبدالكريم......
‎ههههههه تعالي اقعدي هنا جمبي في الكنبه ووريني سبب الزيارة دي شنو....
‎جدا بس قبل مااوريك مش لازم تطلب لي حاجه اشربه والشركة مفلسه......
‎هههههه طيب دقيقه .اتفضل....
‎سلام عليكم اسفه....
‎ااه هلا عزة اتفضلي .....
‎اسفة لو قاطعتكم بس حبيت اديك الملف بعد الترجمه وختييت ليك بعض الملاحيظ على نقاط محدده لفتت انتباهي ممكن تستفيد منها عن ازنك....
‎عزة....
‎ههههههه ايه كريم حبيبي هو كل الموظفين بتهرشهم كده وبخافو منك....
‎سلوى لا دي عزة.....
‎عن ازنكم.....
....................
‎عزة دخلت مكتبها وهي بتبكي من تريقة ضيفة كريم ولا من قعدتهم جمب بعض وهم ماسكين ايدين بعض على كنبه واحده لا وكمان بتقول كريم حبيبي شكلو ماتعب كتير ولقى واحده ......
‎قطع ليها تفكيرها دخول زول لمكتبها حتى بدون مايخبط بدت تمسح دموعها وقاطع نفس الصوت اللسه مدون في ازنيها كريم حبيبي....
‎ممكن اعرف بتبكي مالك.....
‎افندم.......
‎سؤالي واضح عزة بتبكي مالك.....
‎ابدا بس اتزكرته حاجه ضايقتني....
‎يعني ماانا السبب .....
‎لا ابدا هو حصل منك حاجه تبكيني.....
‎نفس الكلام القلتو لكريم اخوي...
‎اخوك......
‎ايوة اخوي افتكري مين الممكن تقعد جمبو وتمسك ايديو وتقول حبيبي غير واحدة من اتنين......
‎عزة قلبها اقبض من ملاحظة سلوى الاخيرة وهنا عاينت ليها وسلوى اول مرة تلاحظ جمال عيون عزة ولونها البني
‎هههههه ايوة ياعزة واحده من اتنين ياانا سلوى اختو باانتي عزة حبيبة قلبو ومرت بازن الله....
‎سلوى انا اقصد...
‎عزة بلاش تكابري انا كنت شاكه في مشاعرك اتجاه كريم اخوي بعد هو ماكان متأكد بس هسي اتأكدته انو كريم ربنا اداهو واحده جميلة مؤدبه وبتحبو وبتخاف عليو ومحترمه ورقيقه....
‎كل ده فيني...
‎الحصل قبل شويه ده بين لي بالظبط اي نوع من البنات انتي وبتمنى جد تقبلي بي كريم اخوي صدقيني مناسبين لي بعض.....
‎بس سلوى انتي ماعارفه حاجه.......
‎لا عارفه زواجك الاول وطلاقك....
‎انتي عرفتي من........
‎ايوة كريم ورانا امس انا وامي وحصل توتر بسيط......
‎امك رفضت صح......
‎مصيرها تقتنع.......
‎بس من حقها تختار لولدها زوجة جديدة لي اول مرة مش مرة ومطلقه كمان.........
‎الرسول واحده من زوجاتو سبق ليها واتزوجت.....
‎صلى الله عليه وسلم......
‎وامي زاته القدامك دي امها كانت متزوجه اتنين قبل جدي اللي هي كانت اول بختو وعاش معاها لحدي مامات الله يرحمو.....
‎هههههههه بس جدك مازي ولدها اسأليني انا من معزة الجنى.....
‎هههههه قولي يالطيف وكل بهون بس انتي اتمسكي بي كريم وماتتخلي عنو كريم بحبك ياعزة.....
‎سلوى تعالي احضنك....
‎ايوه ايوه شمي ريحتو فيني....
‎بكت عزة في حضن سلوى ولي اول مرة سلوى تحس انو ربنا عوضها بي اخت وطلبت منها انو الليله تطلع معاها هي وكريم وامجد خطيبها ويقعدو مع بعض قعدة عيلة بالجد وفعلا مشو مطعم عالنيل واتغدو وبعد الغدا طلبو عصير وتحليه وهنا سلوى قالت
‎انتو عارفين القعده دي ناقصاها امي بس....
‎انا السبب ياجماعه لو كنت مامعاكم كان.....
‎كان حيكون في فرد ناقص وهو انتي ياعزة شنو ياسي كريم ماتقول حاجه....
‎عزة كده حساسه من يومها وطيبه ورقيقه وانا متاكد انو امي حتحبها استحاله زول يتعرف بيها ومايحبها...
‎ربنا يحفظكم بس رجاء عزة اعتبريني انا امجد اخو ليك واسمعي كلامي ده الحياة بتديك الحظ مرة واحده ومن حقك تعيشي حياتك وتستمتعي بيها وطول ماانتي عايشه حياتك زي ماعايزة انتي ومبسوووطه صدقيني كل الحوليك حيرضو ويهدو ويبطلو لعب ضاغط....
‎ضاغط دي لي امي ياسلوى خلي بالك.....
‎امجد شنوووو.......
‎اسف ياخوانا رغم اني بحب عمتي شديد وبحترمه بس الموقف ده انا مامعاها فيو وتاكدي عزة حقيف معاكم طول ماانتو متمسكين بي بعض ومتحدين لانو لو ضعفتو وضعف البينكم مل شي تاني حينتهي الروابط القويه صعب جدا انها تتفكفك فهمتيني...
‎فهمتك امجد سلوى بالجد امجد بشبهك ربنا يخليكم لي بعض..
‎امين ويخليك انتي لي كريم اللي من قبيل بس مكتفي بيك وبالنظرة ليعينيك....
‎اسف بس ماتتخيلو انا سنة واقف مستني اللحظة دي وبعد كده بقيت ماخايف من اي شي وواثق انو انا عزة ماحيفرقنا الا الموت.....
‎بعد الشر عليك ......
..........
‎عبارة اتقالت في نفس اللحظه لي نفرين كريم هناك واحمد هنا لامن طلع من السجن وقرر انو ينتقم من كريم وعزة ولو يخش السجن تاني وامو ردت
‎بعد الشر عليك....
‎الشر لسه حيشوفو الاتنين ديل وغلاوتك يمه ماحخليهم
‎يتبع باز کردن / نظر دهید

2017-09-21 06:23:29 احببت مطلقه
رانيه صلاح
ال١٤
كريم ده شنو البتقولو ده انت فكرته كويس.....
ايوة ياسلوى فكرته مليون مرة ودي الست الاخترتها وعايزها تبقه مرتي وام عيالي ياسلوى...
ماعارفه اقول ليك شنو انا واثقع فيك وفي اختيارك وانت علمتني من زمان انو لازم تكون حر في اختيارك وقدر الاختيار ده لكن امي....
دي المشكلة امي ماداير اعمل حاجه تزعله وفي نفس الوقت استحالة اعاين او افكر في غير عزة..
تبتسم سلوى وتحضن كريم من الخلف وتضحك وهي بتقول ليو
اسمها عزة هي....
ايوة وعازة بالجد على قلبي....
بس بيني وبينك البت سمحه لون وشعر وجوز عيون....
يابت .....
الله ولد انا عشان تغير......
لو علي زول يشوفها مافي غيري بحبها والله بحبها لامن تضحك كل وجع الدنيا يهون وصبح ماشفتها فيو ماشرقت شمسو وليل ماسمعته صوتها فيو ماحيطلع صبحو ...
كريم انت متيم....
ياريت تشوفيها وتعرفيها حتحبيها زي واكتر تضحك رغم الالم الجواها وتشفي رغم الوجع الشايلاهو .....
دمعت سلوى ومسكت يد اخوها وقالت ليو.
كريم حب زي ده خسارة يضيع بينكم وامي مصيرة تقتنع هي من حبها ليك بتتخيل انو حتى اختيار شريكة حياتك لازم يكون قدر حبها ليك وده بترجم في احسن واحده حسب ونسب......
طيب عزة حسب ونسب....
انت عارف كريم مجتمعنا شرقي بمفاهيمو رغم افريقية لونو وسمتو انت عارف اي نعم اتوقفت حكاية المنديل من عادات العرس بس لسه سؤالها لي اي عروس في صبحيتها موجود ولو بي اتصال تلفون مامشكله كنتي بتحبي بتلعبي المهم انو اول زول تبقي مرتو هو راجلك ولو مطلقه انتي الكعبه ناسين انو رجال اندال وانو الطلاق رحمة مرات لينا كبنات كريم ياحبيبي امي ماملامة لانو ده حيكون لسان حال اي زول يعرف بي عرسك ليه مالو كريم الناقص شنو يكون اول بختو مرة مطلقه ووووووووو مليون حديث من القيل والقال ....
سلوى كبرتي وماحاسي بيك.....
هههههه وانت حبيت ويابخت عزة بيك.....
خايف الزمن والعادات يحرموني منها.....
انت حتستسلم يعني من اول مواجهه.....
انا لو لي اخر قطرة من دمي بس هي......
لو بتستاهل دمك ده حتبقى من نصيبك ولو بتحبك بمقدار حبك ده .....
ماعارف سلوى بخاف افقدها دايما....
يعني انت لسه ما......
لي لسه والله بس احساسي بقول لي بتحبني ....
ده ماينفع احساسي لازم تتاكد...
واتاكد كيف وانا ماقدر ااكد ليها حبي ....
عرفني بيها والله لو طلعت بتحبك جد موضوع امي خلي علي.....
متاكدة سلوى.....
ايوة ياعيون سلوى هسي كدي خليني امشي ليها اراضيها..
...................
امي نمتي....
انوم وين ياسلوى مع موضوع كريم ده......
انت لو بي طريقتك دي كريم ماحيقتنع ابدا.....
طيب نعمل شنو يعني......
نقابل البت ونتعرف بيها ونتاكد بتحبو جد وتستاهل تكون اول بختو ولا لا......
كيف تستاهل.....
امي انتي مش قلتي لو ما كعبه ماكان خلاها راجله ...
اكيد يابنات امي ده كلامي عاد ده كلام العقل والمنطق....
طيب لامن نقابله ونثبت كلامنا ده لي كريم حيقتنع ونقنعو من غير مشاكل بس بي طريقتك دي حيعاند ووممكن هي تتنتصر علينا وتطلع كعبه وكده رمينا اخونا نكون ......
اي والله ياوليداتي الله يفتحه عليك ياسلوي يابتي واشوف سعدك انتي وامجد يارب....
امين حبيبتي يلا ممكن تنومي بعد ده....
الله يرضى عنكم انتي وكريم زي ماراضيه عنكم ويرزقكم بي ازواج الحلال ويبعد شر خلقو منكم.....
امين يارب يلا تصبحي على خير.....
................
الووووو امجد.....
ياعيون امجد وينك من جبيل بدق ليك......
كنت مع امي الليله حصلت جوطه شويه وماعارفه اتصرف كيف.......
ليه خير انشاالله في شنو حبيبتي كريم وخالتي كويسين.....
اي ....
طيب في شنو اجيك .....
لالا حبيبي حأحكي ليك اسمعني ..................
....................
حكت سلوى الحكايه كلها لي امجد وضحك وقال ليها
دي هينه انا حوريك تعملي شنو...
وريني عليك الله ياامجد اعصابي باظت.....
سلامة اعصابك ياستي الحيحصل كالاتي....
يتبع باز کردن / نظر دهید

2017-09-21 06:23:09 احببت مطلقه
رانيه صلاح
ال١٣
عزوز مشتاقين خبرك.....
بالاكتر كيف عزوزة الصغيرة مشتاقه ليها طولته منها...
انت فاضيه لكن لي عزوزة مع سي كريم....
ااااه سوسو قلبي واجعني عليو شدييييد...
انت الموجعه قلبك براك طبعا الليله معاز عامل فيها مفتح وداير يشوف لو انت مورياني حاجه....
اوعه تكوني قلتي ليو حاجه... زي شنو يعني .....
سعاد انا سيريس معاك.....
يابت انتي مجنونه استحاله اختك في موقف زي ده....
اسفه سعاد بس كريم يستاهل احسن مني .....
هو البقرر ولا القدر. والقسمه...
بتمنى لو عرفتو من بدري.....
خليها على ربنا مامعروف يحصل شنو مش ممكن يتزوج ويجيبك تانيه...
وهنا سعاد تضحك
هههههههههه بايخه يلا باي ماشه انوم بكرة عندي شغل....
.............
اها يامعاز سعاد قالت ليك شي.....
ماقالت عديل بس لمحت....
كيف يعني يا قالت يا لا....
والله قالت لي انا مشاعر عزة مامن حقي اتكلم فيها .....
بس كدة.....
لا جاييك في المهم .....
طيب ماتقول يامعاز انا اعصابي باظت...
قالت بس لو صحبك بالجد بتهمو يجي عديل ويختها في الامر الواقع ولو في قسمتو ربنا حيسهل ليهم امورهم...
كده رسالة سعاد وصلتني ياخي الليله اعزمها عشا بره.....
.............
طوول الشارع وهو بفكر في كلام سعاد وانو لازم يتحرك بعد كدة ويوري عزة بالجد انو جادي وعايزها بس فضل عقبة البيت ودي بس ربنا يسهله
............
كريم اخد حمامو وهو بلبس وطالع من غرفتو قرر انو الليله يفاتح امو واختو في موضوع عزة بزات وانو سلوى اتخطبت وعرسها قرب
سلام عليكم. .
سلام للغالي وحبيبي تعال جمبي ياكريم....
ايوة ايوة كلها سنة واحدة واخلص الجامعه واتم عرسي تفتشيني ياامي تاني بي قوقل ماتلقيني....
هههههههه عادي انا بلقاك وبجيبك ليها اها يافالحه..
الله يسعدكم وعقبال افرح بيك انت ياكريم . ..
عما قريب يامي انشاالله بس توافق هي...
انبسطي ياامي اهو ولدك وقع وماحدش سمى عليو...
ودي منو البتشاور دي او ممكن ترفضك انت تقيف وتختار.....
وقفته امي واخترتها هي شريكة حياتي وام لاولادي واخت لسلوى وبت تانيه ليك....
الله الله عالحب شوقتني اشوفها.....
عندي صورة ليها صورتها مع مجموعه من الموظفين اهو دي شوفيها امي....
ماشاء الله زينه وسمحه وده شعره ولا ملصقه بنات الزمن ديل بقو كزابااات....
هههههههه شعره ولونها والله....
وانتو عرفتو كيف يااحم احم...
مشيت بيتهم شفت ناس بيتهم واطمنت على النسب الحناسبو واهل اولادي بعدين ابوها لواء وعندها اخوات اتنين اصغر منها ومرتاحين وماحتاجين لي....
ياولدي انا لامن بسأل دايره اطمن بس عليك ولدي انا ماعندي غيرك ياكريم مامن حقي....
اكيد حقك يمه بس في حاجه لازم تعرفوها هي كانت متزوحه قبل كده...
شنو جايب لي ارمله ولا مطلقه ياكريم...
مطلقه يامي بس ماهي السبب من راجلها...
هي لو فيها فايده كان خلاها فيك شنو ياكريم تشيل فضلة رجال ليه ياولدي قصرته معاك في شنو تخمنني التراب ليه ياكريم ليه ياولدي...
امي كدي قولي بسم الله كدي انتي...
كريم خلي الكلام ده هسي امي دي تعبانه ماشايفه....
لو عايز رضاي بس ابعد منها واقفل لي موضوعها
يتبع باز کردن / نظر دهید

2017-09-20 11:48:41 احببت مطلقه
رانية صلاح
ال١٢
عبدالكريم لي بتين حتستمر كده....
(كان معاز وكريم براجعو في ملفات في المكتب وقت فاجئو معاز بالسؤال عن عزة..)
استمر في شنو يامعاز....
انت فاهم قصدي انت وعزة زمان قلنا موضوع طلاقها وهسي كل المطبات الكانت في سكتكم راحت والحمدلله تاني مستني شنو.....
لسه ماعارف مشاعرها شنو اتجاهي مرات بحس انو تجربته السابقه كرهتا في فكرة الزواج من كلها..
شي طبيعي المرت بيو ماهين بس علاقتها بيك ماهينه ياخي لو مالقتك بدق ليك وبتتصل وتسأل منك...
خايف افقده على الاقل كده كصديق بحس بيها جنبي بس خايف لو صارحتها بمشاعري افقدها حتى كصديق ....
انت حاول لمح ليها....
طيب ماتساعدني انت ....
وانا بساعدك بشنو وبي يدي شنو....
حاول تسألها انت وسعاد....
هههههه انت عارف انا ماجبته سيرة لسعاد وده بناء على طلبك بس لو حابي ممكن اشوف واوريك....
(في اللحظة دي جات عزة داخله عليهم)
اممممم شغل ولا ونسه....
ههههه حاجه من كدة وكدة ....
(كريم كان بعاين ليها واكتفى بالابتسامه..)
كريم مالك في حاجه مضايقاك...
كويس انك جيتي ياعزة انا من جبيل بسألو ماعارف مالو ورافض يتكلم يلا انا ماشي عندي شغل راجيني بالكوم....
تمام خلي لي وانت طالع اطلب من السكرتاريا تطلب لينا اتنين قهوه مظبوطه....
تمام .....
..........
كريم سامعاك.....
هههههه عزة مفروض تكوني فاهماني زي ماعرفتي في شي مضايقني....
ياريت لو اعرف واشيل منك...
بالجد حتشيلي همي....
معقوله كريم انت بتسأل كده انت العملتو لي ماهين لو طلبته عمري حديك ليو...
دي المشكله عزة انك بتعتبري رد جميل انا مادايرك تردي لي جميل..
كريم براحه اول مرة بتعلي صوتك علي مالك زعلان مني....
اسف اسف مازعلان بس بالجد مضايق ومضايق شديد....
رايك شنو نطلع من الجو ده ونمشي البيت...
لا مامشي البيت داير امشي احضر لي فيلم ممكن تمشي معاي....
فيلم انا وانت برانا.....
عزة انا مامراهق عشان تخافي تكوني براك معاي ....
لا ماقصدي كده .كريم انت الليله مالك معقولة انا مابطمن على روحي الا اذا انت معاي....
ليه...
ليه شنو قصدك كريم.....
ليه مابتطمني الا معاي....
كريم خوفتني ..
اسف المهم حتقدر تمشي معاي ولا انسى الفكرة....
هههههه يعني يامعاي يا لا .....
ايوا بس كده.....
ههههههههه ياسيدي معاك لي اخر الطريق....
ياريت ياريت عزة.....
يلا عندي حاجه اتمها ونجي نطلع....
تمام راجيك....
..........
عزة بتين كانت دايرة تصل مكتبها وتقفل باب المكتب عليها قلبها كان داير يقيف ومما دخلت مسكت قلبها وبقت تتمتم لامن هدت .ياربي انا مابقدر اتخزل تاني ياربي قويني يارب انا ماممكن اكون انانيه سامحني كريم بس انت اول تجربة ليك لا الناس لا المجتمع حيرحمك ولا حيرحمني ااه ياقلبي وياوجعي على حظي ياربي صبرني وقويني
..........
طلعو السينما واتغدو مع بعض وقضو يمكن احلى يوم وفي لحظات كريم اتغيرت حالتو ٣٦٠درجه
ماقلت ليك انتي الوحيدة البتفهميني وتقدري تسعديني....
ايوة ياعم كلها وقت وتجي بت الحلال التاخدك مننا.....
تاخدني ومنك.....
جرى ايه ياباشا اوعه تكوني زي ماخد شاكوش وقررته بيع القضيه....
عزة يلا اوصلك البيت....
في شنو.....
ماهي سيركل تفهميني تعرفي المضايقني تبصطيني وتقدري تزعليني كمان.....
هههههه الله يجيب بت الحلال دي الوحيده الحتلغي زعلك وشوفتك ليها تفرح وتزح اي هم وضيق من قدامك...
بالله ياحضرة الدكتورة سايكولجي ياربي....
ههههههه لا بس مفتاحك وقع في يدي .....
يتبع.... باز کردن / نظر دهید

2017-09-20 11:48:25 احببت مطلقه
رانيه صلاح
ال١١
في لحظة اندهاش من اسرة سعد واستغراب ده الجابو شنو كريم مااستغرب بالعكس عرفو من ريحتو زي مابقولو لانو كامل بحث عنو الفترة الفاتت وعرف كل تفاصيل حياتو
احمد الجابك هنا شنو....
الله ياعمي دي طريقه تستقبل بيها راجل بتك وابو حفيدك الجاي ده...
ومدة يدو عشان يلمس بطن عزة وهنا دفرو كريم بعيد لامن اترتح وقررب يقع وبي يدو التانيه لزى عزة ورى ظهرو.
انت منو والبسمح ليك منو...
وجاي عشان يضربو وماكان من كريم الا مسك ايديو ولفاهم ورى ضهرو فهمتو الحركة دي يعني زي الشله حركتو وطلب من سعد يتصل بي ٩٩٩...
ده يغلبني عشان ادق للبوليس...
ياعم سعد اسمع كلامي ده واتصل بيهم لازم نثبت الحادثه دي بي محضر ....
فكوني فكوني انا ماجاي اعتدي انا بس جاي اديها المصاريف ....
.ولا في زول عبرو وكريم رماهو في الارض وقال ليو لو اتحركته حركة انت الجاني على روحك وانت زول قانون اي كلام عندك قولو بعدين في المحضر وفعلا دقايق والبوليس جا ولامن جو يرفعو اول شي طلب منهم كريم انهم يفتشو ويثبتو الحالة الدخل بيها البيت قبل مايطلع وفعلا طلعو من جيوبو كم نوع من المخدرات ووقتي طلب منهم اقرب مركز صحي يشيلو عينة من دمو واتحركو على كده وكريم وسعد بالعربيه وراهم...
........
في اللحظة دي عزة وقعت على طولة ومافي غير امها واخواتها طوالي جابو عربية امهم وطلعو على المستشفى ودخلوها عملية مستعجلة لانو حصل انفصال في المشيمة والطفل طلعو بس على الحضانة طوالي لانو ولد سبعة شهور ماتامي يعني ولازم يتم ايامو في الحضانة ده غير انو نبضو ضعيف ..طلعوها غرفة العناية لمدة ٢٤ساعه لامن تستقر حالته والكل بره كان قلقان كريم وسعد وبناتو ومعاز حتى سعاد خلت بتها مع امها وجات جري لعزة
.............
سعد كان قاعد وببكي جا معاز قعد جمبو وبقه يواسي فيو
ياعم سعد استغفر ربنا ....
استغفر الله زنبها شنو عزة تعيش ظروف زي دي لساها صغيرة وماشافت شي ...
كريم جا قعد على رجليو قصادو ومسك يدو ياعم سعد ربنا كريم وهو ارحم الراحمين...
ماعارف ياولدي اقول ليك شنو ولو ماكنت في ماكنت عارف حيحصل شنو...
كلو مسطر ياعمي انت هسي امشي البيت ارتاح شويه ومعاز خليك هنا لو احتاجو حاجه انا حأمشي القسم وجاي..
انا برضو حأمشي معاك ماحقدر امشي البيت ....
خلاص اوكي معاز لو حصل اي شي اي شي ارجع لي...
امشو انتو ربنا يوفقكم وانا حكون متابع معاكم...
............
احمد بنسبة البنقو والمخدرات اخد تأديبه سنة والجلد بالصوت ٤٠ وهنا طوالي كريم حرك البلاغ بتاع عزة الاول من الضرر الاول المرفق بي اورنيك ٨زايدا التعدي في البيت مما سبب ولادة عزة قبل الموعد بشهرين وحالة الطفلة غير المستقرة زايدا السجن وبطالب فيو في حق الطلاق من المزكور اعلاه احمد التوم وطلقت المحكمه عزة وده كان احلى خبر تسمعو عزة بعد مافقدت ولدها المااستحمل يومين واتوفى رغم الظروف وابوهو منو بس عزة اتأثرت شديد ودعت ربنا يرحمو ويكون ليها شفيع يوم القيامة واخدة فترة نقاهه كامله ونزلت الشغل بي حيوية ونشاط وامتنان اكتر لي وقفة كريم معاها طوول الفترة الفاتت مانقطع منها والبيت كلو اتعلق بيهو وكلو بقه يقول كريم حتى اخوات عزة الصغار اتعلقو بيو وبقه في شغل خاص بينو وبين سعد استثماري بس دايرو كريم بنسبة من الارباح
......يتبع باز کردن / نظر دهید

2017-09-20 11:48:05 احببت مطلقه
رانيه صلاح
العاشره
احمد طول الفترة دي ماسأل من عزة ولا حتى يطمن على طفلو الفي بطنها.... وده ريح عزة شديد وبزات هي بدت الشغل مع عبدالكريم كان مريح بتجي بس وقت يطلبوها مع حضور اي وفد وسبحان الله فترة الاسبوع ده عزة جات فرق لعبدالكريم حتى قال ليها..
يابت بسحروووك..
ههههه تسلم سيد عبدالكريم...
نعم سيد منو عايني بطلي...
ههههه بس هنا والموظفين...
انتي مالك ونحنا مالنا ومالهم طول مالزول نيوتو صافيه وسمحه مايشتغل بي زول عزة عيشي لي روحك بس.....
الحمدلله عبدالكريم .انت طبعا عرفته الحاصل معاي...
بصراحه ايوة وعادي ممكن يحصل مع اي واحده بس مين الاسترنوج الحتقيف وتحمي روحها وحقها..
ماتتخيل كنت خايفه كيف في البدايه كريم عمرو مافي زول مظى يدو علي...
حلوة..
انو مدة يدو علي....
لا كريم كده الوحيدة البتناديني كده امي....
هههههه اسفة اخدته راحتي شديد بس اسمك طوييل ياخي وانا براي الفيني مكفيني..
ربنا يحلك بالسلامه واتزكري كلام الرسول مابيكرمن الا كريم ونا بيئزيهم الا لئيم..
صلى الله عليه وسلم ربنا يعيني..
ماتخافي ولا حيقدر يلمسك طول ماانا عايش...
بالجد شكرا يا ع..
يامنو....
هههههههه ياكريم ...
..................
احمد نص قروشو خلصه في مشروع مع ده وكلام ده ونصيحه داك الا لحقتو كالعاده امو ولمت باقي القروش واشترت ليو هايس سكند هاند وقالت تنزل بيها الشارع وتبطل الكلام الفارغ...
يامي انزل بيها انا....
ايوة انت ولازم ترسل للمرة دي قروش...
مابرسل ليها شي...
يابجم انت ناسي انو هي في عصمتك ولو بعدين في المحكمه قالو الكلام ده ممكن يتقلب عليك...
طيب اودي كم...
ميتين جنيه بس ده البتقدر عليو سايق هايس وعلى قدر حالك.....
تمام بكرة او بعدين بمشي ليها ...
............
عزة تمت شغلها وجات طالعه لقت لستك العربيه حقته نازله
ياالله ده وقتك اعمل شنو ياربي الا اشوف امجاد...
(وكالعاده كريم متابعه بشباك مكتبو الزجاج مظلل اراك ولا تراني وحسه بيها واقفه طوالي اتصل بيها.)
الووو كريم....
مالك في حاجه...
انت وين...
ابدا بس جاتني مكالمه ووقفته في شباك المكتب شفتك وحسيت بيك في شي...
كاوتش العربيه عمله فيني....
هههههه لاتمام ده من حظي يعني....
ازاي كمان دي....
اصلا طالع انا وشرف ياستي اوصلك...
هههه بس ماحغير ليك سكتك...
عزة بطلي...
هههه طيب استناك ولا لسه شويه اطلع ليك .....
لالاخليك محلك هسي نازل.
.......
وفعلا خمسة دقايق ماتماها ونزل ليها تحت وطلعو بي عربيتو وقال ليها
انا جعان عزة رايك شنو ننزل ناكل في حتة...
وانا زاتي جعانه بس مابستحمل اكل بره بقيت واصلا ماما طبيخه ولا مية محل رايك شنو تقبل عزومتي وتتفضل وتتشرف بطبيخ دريه همام بقدرها وجلالتها..
وانا اطول بس مايكون في حرج....
كريم اهلي طيبيبن لو مابس انا الجبته ليهم الزول للماشبهم ودخلتهم محاكم..
عزة ده قضاء وقدر....
بس انا السبب كريم بدل اريح اهلي وانا اكبر زول في البيت بقيت سبب بابا عمرو مادخل محاكم ....
عزة انتي بتو والمكمه دخولها ماعيب بالعكس انتي اتظلمتي ولو ابوك سكت عن الحق يبقه شيطان اخرس ويبقه ظلمك ومايستاهل يكون ابوك...
ربنا يديهم العافيه ....
امين يارب انتي عارفه عزة انا اتحرمته من ابوي وانا عمري ١٥سنة وسلوى اختي كانت عمرها اربعه سنين سبحان الله جات بعد فترة مني ربتنا امي اي نعم ابوي خلى قروش بس لو ماامي بقت قويه ووقفت في حقو ماكنا بقينا ناس ولقينا حاجه تسندنا في الزمن ده...
ربنا يخليها ليك كريم ممكن اسألك...
ليه ماارتبطه ياكريم لي هسي صح....
ههههه انت بتحيرني بي قراية افكاري...
(كريم عاين ليها مسافه كان نفسو يقول كتير يقول ليها انا بفهمك وبحس بي فرحك وزعلك وبحس بي اي شي يشغل فكرك عني بس لسه ده ماوقتو لامن يضمن انو خلص من الزول الاسمو احمد )
ياباشا نحن هنا مين دي....
دي انا ماعندي تاء نأنيث في حياتي غير امي وسلوى و....
ومنو....
وانتي هسي معاي.....
ههههههه شكرا شكرا بس ماجاوبتني...
والله ياعزة مافضيت داير اضمن لي سلوى اختي خياة مستقرة واسلمة لي زول بيستاهله اول شي وبعد كده اشوف نفسي.....
بختها هسي لو عندي اخو ماكنت وقعت في واحد زي ده....
(للمرة للتانيه خلال اليوم قلبو يوجعو لوجعه كان نفسو يحضنها ويطمنها وانو هو اخوها وابوها وولده وحبيبها وتاني زول حيهبش شعره منك مافي بس لسانو خزلو واكتفى بس بي انو يطمنها وانو هو ومعاز وسعاد وابوها كلهم معاها....
ربنا مايخرمني منكم يلا خش بالشارع الجاي ده العمارة الفوشي اللي على يمينك....
بيتكم حلوو...
تسلم من زوقك بابا تعب فيو ماقصر معانا خالص...
.....
وصو البيت واستقبل سعد ودريه واخوان عزة كريم وقعدو في الصفرة وبدو ياكلو وجرس الباب ضرب مشت الشغاله تفتح وسعد قال
مين النسيبتو بتحبو ...
وقبل مايتم كلام ظهر سي احمد وهو بقول..
انا اكيد ياعمي مش كده ياعمتي ...
يتبع باز کردن / نظر دهید

2017-09-19 03:34:43 ي وياالله حيقول علي اتبشتنته كده ليه ياربي بكون خلى السيجار مع انها حلوة معاهو وجاية. )
عزة ازيك....
اهلا عبدالكريم ...
كيفك ....
زي ماشايف شايله بطيخه بقيت.....
هههههه لسه متزكرة..
( خجلت عزة وحست انها فضحت روحها بس بادرة)
لكن حتكون احلى بطيخه ....
ابتسمت عزة بخجل واصل عبدالكريم لي فترة بعاين ليها وفجأة قال ليها
معاز ارح نديهم راحتهم وقبل مانمشي ياعزة عرضي لسه في محلو وانا المحتاج لمترجم فرنسي وانجليزي بحاله جيدة....
للأسف ماحنفع معاك انا ....
افندم.....
هههههه لاني مترجمه بحالة محرجه....
هههههه والله انتي ماتغيرتي لسه عزة الحلوة المرحه..
عزة عرفت انو عندو فكرة عن الحصل معاها بس فكرة انها تشتغل وتطلع من اللي هي فيو عجبته شديد واخدت منو ميعاد بداية الاسبوع القادم تبظا تستلم وظيفتها.
يتبع باز کردن / نظر دهید

2017-09-19 03:34:43 احببت مطلقة
رانيه صلاح
التاسعه
الووو...
كيف عزوز تمام.....
الحمدلله الحمدلله معاز على كل شي....
عزة مادايرك تضعفي كده وده امتحان من ربنا....
بس امتحان صعب والله صعب انا عمري مااذيت زول وربنا عارف كده كويس ....
والزول البازي ربنا مابمتحنو بالعكس بخليو في طغيانهم يعمهون انت احب من الرسول سيدنا محمد صلى الله عليه وسلم لي ربنا....
عليه افضل السلام... طبعا لا يامعاز.....
طيب اذا سيد العالمين وحبيب الله ربنا امتحنو بي اشياء مافي بني ادم يستحمله ومازادو غير تمسك بي ربنا وبي اتمام دعوتو....
بس داك الرسول...
صلى الله عليه وسلم وقدوتنا وحبيبنا وعشان كده ربنا جعلو من البشر لو كان ملك كان ممكن يكون حجه ليك ولي ولي غيرنا بس بشر وكمان لاحظي ٱمي ويتيم وفقير بس ختي نفسك محلو امك وابوك ربنا يديهم طولة العمر عندك اخواتك والحمدلله عندك البكفيك وبكفي ولدك قولي الحمدلله.....
وده قولي والله الحمدلله....
لا حبيبه عايزة تطلع من جواك عايزك تكوني مليانه حيويه ونشاط وتختي في بالك حاجه واحده انتي مابراك كلنا معاك ...
عارفه والله يامعاز ربنا مايحرمني منكم..
عزة ممكن اطلب منك شي..
ايوة اتفضل..
عايزك توعديني انك يوميا تقري سورة البقرة ممكن...
انشاالله معاز والله بقراها..
كده انا حكون مطمن عليك يلا باي.....
تسلم وسلم لي على سعاد..
..........
معاز لي ماوريتها ....
غلبني والله ياسعاد حسيت بيها مكسورة ومهزوزة اجي كمان اقول ليها مديري في الشغل جات سيرتك وحبه يقدم مساعده ويتصل. ...
صح على قولك عزة حساسه وهسي مع الحمل بقت حساسيته زايده شديد ربنا يعينه...
امين بي مناسبة البنبونيه حبيبتي كيف..
اسكت ساي بتك بقت مشاغبه اليوم كلو ترفس والعجب لامن اقعد مسافه...
هههههه ربنا يخليكم لي وتلدي بالسلامه يارب..
ويخليك انت وهي لي يارب....
........
اتغدت عزة مع اخواتها وامها وابوها بس عشان ترضيهم من يوم المحكمه وهي في عالم تاني اتزكرت كلام معاز وقامت تقرى سورة البقرة وهي ماشه على غرفتها ناداها ابوها
ماشه وين عزوز...
ماتخاف بابا والله كويسه كمان ياحبيبي ماشه اقرى قرآن كريم
ربنا يحفظك ويغطي عليك....
دخلت عزة اتوضت وصلت ركعتين وبدت تتلو ....
..........
وبره وداد عملت الشاي ومشت تشرب هي وراجله
سعد انا بالجد خايفه على عزة.. من شنو دريه...
انو ده يكسب القضيه. ..
هههههه ماتخافي ماعندو فرصه....
كيف ياسعد وهو ممكن يوفر ليها سكن كويس....
طيب فرضا وفر وفرضا القاضي اتغاضى عن حكاية الضرب والازى هل حيقدر يطلع من المفاجئه المجهزة ليو.....
مفاجئه شنو ياسعد...
.........
طبعا سعد عمل زي مابعملو ناس كتار زيو استغلال المنصب لمصالح شخصيه ودة غلط حتى لو كان الهدف نبيل بس نعمل شنو نحن في بلد حتى اخذ الحق بقه بالواسطه ... سعد ورى دريه تفاصيل العملو كلو وطبعا احمد ماقرى جامعه دخل كلية القوات مسلحه واتخرج ضابط وديل معظهم بضيعو لو نزلو معاش وماضمنو ليهم وسيله اكل عيش وده الحصل مع احمد لامن نزل اسمو في الكشف وبينو وبين نفسو عارف كويس جدا انو سعد ورى الكلام بس مابيدو حيلة وبقه يفتش في طرق تانيه يلعب بيها بس لهاهو سك حقوقو وكلها ماتامي ١٣سنة واستلمة وبرزعها كلها في اصدقاء السوء المابظهرو الا وقت تكون في مصلحه وفي الوقت ده عزة ماشاء الله مواصلة في قرايته للقرآن وبي جانب مساند اخر عبدالكريم عرف من معاز كل تفاصيل احمد وطلب منو مايجيب سيرة لعزة وانو هو حيحاول يساعده بس حأحتاجك يامعاز...
وانا تحت امرك سيد عبدالكريم ...
استمر الحال ده ستة شهور وكان ده السابع لحمل عزة وشهر ولادة سعاد وماشاء الله جابت عزة الصغيرة وطبعا عزة ماقدرت تمشي المستشفى لانو الوحم كان تاعبه بس جاته البيت اول ماخرجوها ومما شافت البت جاها احساس الامومه يمكن لي اول مرة تحس نفسها بالجد محتاجه لي احساس الامومة مع انو طول الفترة الفاتت تفكيرها ماطلع من منطقه كيف حتربي طفلها واحمد حيخلي ليها ولا لا
.......
عزة ماتبيتي معانا الليله عليك الله ..
اصلا كنت ناويه كده اخيرا بقيتي ماما ياسعاد...
عقبالك انتي حبيبتي ربنا يحلك بالسلامه احساس مابيوصف الا تجربيهو..
ربنا يسهل ماعارفه بس خايفه من الولادة..
والله هي حارة بتقولي بتين يطلع مني هههههه انتي عارفه وانا بتوجع عرفته قيمة العافيه ياخي بقيت بحسد الدكتورات الماشات على حيلن وبياكلو وبيشربو والمااتزوجو شغاله اقول ليهم اوعكن تعرسن هههههه بس سبحان الله مما شفته بتي وطلعوها اتمنيت اي زول ربنا ينعم ليو بالامومه والله احساس مابيوصف بالجد الحمدلله على نعمو علينا....
(في اللحظة دي جا معاز ومعاهو عبدالكريم سبحان الله بسبب موضوع عزة بقو اصحاب شديد وبقه عبدالكريم متابع عزة عن طريق معاز واتعلق بيها شديد رغم انو ماشافها غير مرة واحده بس .... دخل معاز اول عشان يوري سعاد ولقى عزة واستأزنهم بالضيف المعاهو ..وعزة قلبه عمل شححح زي مابقولو حبوباتنا نفس احساس اول لقاء ريحتو طاغيه على المكان وبقت تفكر ياربي متزكرن باز کردن / نظر دهید

2017-09-19 03:34:16 احببت مطلقه
رانية صلاح
الثامنه
احمد اول شي عمله لملم ملابسو ومشى بيت امو ومما وصل حكى لي امو الحصل كلو وانو ماكان في وعيو لامن عمل كده وهسي ندمان وماعارف اعمل شنو ياامي...
انت عوير ياولد اتغدى بيها قبل ماتتعشى بيك ....
كيف يعني يامي....
امشي هسي البوليس واشتكيها انها ناشز ومابتسمع كلامك وده الخلاك تضربه ....
بس البثبت كلامي ده شنو ياامي...
اثباتك اهو ده بيتك ومفروض يكون بيت مرتك معاك بس هي قاعده في بيته هي والشرع مابديها الحق ده ولامن طالبته بي حقك الشرعي رفضت واستفزتك في رجولتك ومن حقك تضربه ده كلام الدين والرسول ولا كلام زول....
والله انتي فلقه ابوي مامات من هين......
ههههههاااي هو ابوك لو بفهم كان مات .....
خلاص ياحجه انا اقوم امشي والله اطبق فيهم نظريه عمرهم ماعرفوها..
ده كلامي من اول البت دي عايزة العين الحمرة......
.........
وصل احمد قسم الشرطة وفتح البلاغ وحولوهو للاحوال الشخصيه لنعاينة القاضي لملابسات البلاغ وطبعا ده في حكم انو زوجتو ناشز زي ماادعى ولو ثبت الكلام ده حيرجعوها بيت الطاعه
وبالجهه التانيه سياتو سعد حرك بلاغو من بدري واجرائات بلاغ عزة اسرع من احمد لانو عزة باعتبار اورنيك ٨واعتداء بالضرب وواحده حامل كمان وفعلا طوالي اتحركو تلات انفار لبيت احمد واستلموهو وجابو وشالو اقوالو وطبعا قال انو هو زاتو فاتح بلاغ ونكر نهائي اسباب الضرب الزكرته عزة وقال بس لانو رفضت تمشي معاهو واسائت ليو وطبعا بحكم انو تابع للقوات المسلحه استلمتو وحدتو تحت البلاغ ده تحت انو اي وقت طلبتو المحكمه توفرو جهات وحدتو تحت مسئوليتهم وهنا عمنا سعد عرف العملو احمد والبلاغ الجائر الظالم على بتو وطوالي قرر انو مادام انت البديت ياحمد بالاسلوب الوسخ ده انا الحاوريك ....
وفعلا اتصل لي دفعتو
سلام عليكم سياتك ..
ياهلا بي سيد سعد وينك ياسياتك...
والله مشاغل الدنيا ومشاكله...
ياساتر انشاالله خير في شي سياتك تحت الخدمه ...
وده عشمي فيك بحكم مركزك ونفوزك في القيادة عايز منك خدمه...
وحكى ليو التفاصيل بالكامله
ياخي دي حاجه هينه بس انت الغلطان سعد في زول بزوج الزمن ده بالطريقه دي ..
والله كان معاي وكان مهزب وافتكرته اسرتو وخيانو السابقه ماحتأثر على اخلاقو وغير انو بتي اتعلقت بيو فترة جبتها خدمه وقلت مااكسر بي خاطرة..
قسمه ونصيب بس ابشر بالحيل اصلا في كشف نهاية الشهر الجاي طالع وحرم اسمو تلقى اول واحد....
تسلم سياتك
...............
وفي اول جلسة ليهم احمد طلب لبيت الطاعه ولو مااورنيك ٨كان حق عزة راح بس الحمدلله وهنا قرر القاضي رفض طلب بيت الطاعه واداهم فرصه لحدي الولادة ماتتم وبعد كده يشوف اخر رأي ليهم الاتنين شنو
.........
هلا معاز اتفضل....
شكرا سيد عبدالكريم اتفضل ده التقرير الطلبتو...
اوووه شكرا معاز...
طيب عن ازنك ..
لا بس دقيقه داير اسألك من صديقة زوجتك الكان ....
ااه عزة بطيخ...
ياسلام زوجتك ورتك ولا شنو ....
ابدا والله هي زاته كانت خايفه تحصل لي مشكله بي سببه ...
لا تمام بتعرفه من بدري...
انا الدفعه القدامهم بس هي زي اختي وزوله بت ناس لو مابس قسمتها...
ماله انا حسيت بيها ماسعيده...
سعيدة بس دي ربنا وقع في واحد الحمدلله بس ماشبه خالص...
طيب ماتطلق منو...
رافض هو وهسي الموضوع وصل المحكمه وبقه بي يد القاضي .
لا حول الله ماعندها اخوان...
ابدا والله ابوهم بس عم سعد ضهرهم وسندهم في الدنيا دي...
معاز انا اسف بس ممكن رقم تلفون داير اطمن عليها بس...
طبعا سيد عبدالكريم انا ماعند شك في نواياك بس الا اشوف رايه هي انت عارف الحتات دي حساسه كيف....
لالا ابدا من حقها شوفها ووريني...
طيب عن ازنك..
...
مرق معاز من عبدالكريم وخلاهو سارح في عزة البت الجميله دي تتعرزب كده وتتجرجر في المحاكم والكلام الفارغ ده واتمنى انو يصل ليها ويساعده بقدر الامكان
يتبع... باز کردن / نظر دهید

2017-09-19 03:33:43 احببت مطلقه
رانيه صلاح
السابعه
عزة بالجد حست بالاحراج لي درجه وحست انو ممكن معاز يخش في مشكله بي سببه وهنا اصرت انها تتابع البطيخ عبد الكريم لامن تلقى ليها فرصه وتتكلم معاهو وكان بتكلم مع وفد من شركة صينيه مشاركه في الاحتفال معاهم الي ان اعتزر منهم واتحرك عشان يرد لتلفون ووقف بعيد يتناول سيجارة كان خضورو طاغي علي المكان بصورة مزعجه مخيفه كده حست عزة وهي ماشه عليو ووقفت وراهو وبتفكر ترجع مكان ماجات بس معاز ... هنا قاطعه صوتو وهو بقول ليها
لسه حتواصلي متابعتي كده حتى بعد جيت وقعدته ليك برااي....
نعم...
هههههه عزة اسف بس مابحب الالقاب وعرفته اسمك من معاز...
استاز عبدالكريم....
من غير القاب عزة...
عبد الكريم انا جبيل ماكان قصدي اسيئ ليك ....
عزة دي موسسه حكوميه متخصصه وهنا جابوني عشان الفساد الريحتو طلعت وفاحت ولازم احسم المهزلة دي وهنا بالزوق بالعافيه لازم ...
اسفه انا بالجد...
ياستي عادي بس حيرتيني معاز ده زول كويس لي قال كده...
ههههه لا ابدا ماقال دي ونستنا نحنا النسوان انا وسعاد زوجتو كل يوم بتأخر وهو يعني بقول انو المدير صعب وطلعات بدري بقت صعبه ...
وانتو اطلقتو علي اسم البطيخ..
هههههههه صافي يالبن....
حليب ياقشطه.....
عزة سعد الدين خريجة اداب فرنسي الخرطوم.....
عبد الكريم السر عثمان خريج هندسة اتصالات ودكتوراة في استرايجية الادارة وفن العلاقات الداخليه هسي بحضر للحوارات والمناورات السياسيه.....
صغير على الكلام ده...
هههههههه ده عشان ماعرسته ...
العرس بكبر يعني....
الا انتي ماشاء الله عليك ربنا يحفظك .....
عينك باردة بس اخير ليك ماتعرس ده كلام فاضي...
ماحسألك ليه هسي بس لينا لقاء .. اسف عزة شغالة انتي..
لا والله طيب رايك شنو تشغلي نفسك وتشتغلي ده بغير ليك جو وممكن يحل ليك حاجات كتيره مضايقاك..
ده عرض لوظيفه يعني...
ايوة ياستي ومفتووووووح وقت ماتحبي وده كرتي بي ارقامي الشخصيه اي وقت تحبي تتصلي البطيخ سنجل..
ههههه شكرا يلا باي مااوقفك كتير...
تسلمي ياستي....
.............
سلام عليكم...
وعليكم السلام حمدالله عالسلامه جيتي بتين...
من جبيل جابوني ناس سعاد ومشو انت ليه اتاخرته....
ليه اشتقتي لي....
ههههه ده كان زمان وقت كنت احمد البحبني وبخاف علي .....
ههههههههه وتاني ههههههههههه وده زمان وقت كنت بنوته يامره....
ده شنو الاسلوب ده يااحمد...
ده اسلوبي وهسي خشي معاي جوة انا عايزك ...
انا مرتك يااحمد وده مااسلوب انا كده ماحكون عندي اي احساس لي اي شي...
وتحسي لي انا عايز اجيب الجوكر الحيلم الدنيا دي كلها....
قصدك شنو بالدنيا يااحمد..
دنية ابوي ياعيني يلا تعالي...
احمد لا اوعك تقرب والله مااسكت ليك انا مابهيمه هنا ...
طيب كدي حنشوف حتعملي شنو....
......صحت الصباح وهي بتبكي وقررت انها استحاله تستمر مع زول زي ده وطوالي مشت لي
امها وحكت ليها الحصل كلو وكان باين في جسمها العملو فيها احمد ودريه هنا ماسكتت وطوالي اتصلت بي سعد وكلها دقايق سعد جا البيت ومعاهو دكتور وشايل اورنيك ٨عشان يثبت الحاله وفعلا ثبته بس الصدمه الكبيره لامن قال ليهم الحمدلله رغم الضرر ده كلو الجنين كويس ..
جنين شنو يادكتور...
بتك حامل ياسياتك وده حكم ربنا انو الزواج ده يطلع منو طفل بس انا بنصحكم الفترة الجاي تكون بعيدة منو لسلامة روحها وسلامة طفلها الفي بطنها هسي لها اربعه اسابيع بس ومادايرين اي ضغوطات عليها ...
فترة يمين بالله تاني العمر كلو مايلقاها انا تاي ارمي بتي لكلب زي ده...
وهناك احمد النار ولعت جواهو ماعارف يعمل شنو وعرف انو المرة دي ماحتعدي على خير وسبه لليوم المشي فيو لي اصحابو واتناول معاهم الهباب ده
يتبع... باز کردن / نظر دهید