روايات يمنية📚🇾🇪

2023-05-11 21:23:20 .

البـارت 6 ◇


ليـت مـاتركتوني وحيـدة


@rewayatyamania 


(( اللهم اني اعوذبك من ان اشرك بك شيء اعلمه واستغفرك لما لا اعلمه )).


نرجع للحاضر
دخل بسام من الحوش متضايق

بدور بقلق على اخوها
: بسام لك فتره مش عاجبني مالك

ابسرها بنظرات عجزت تفسرها
وخرج من البيت وهم الدنيا على راسه
كيف اقدر انساها
اتصل لــ هلال

: هلا بسام
بسام بضيق: اشتي ابسرك لو سمحت

هلال: الان؟

بسام بقهر: ايوووه

هلال بقلق على رفيق عمره: الان بجي
.
.

علاء دخل وهي تبكي: مالك يا روح علاء

عُلا دفنت وجهها بصدره

علاء: كلمتي بسام

عُلا: ايوووه...... الخ

علاء: حبيبتي يمكن خير لش حتى تصدقي يا عُلا احس ان ابي يعرف بسام من زمان انا متأكد انهم مخبيين عننا شي

عُلا تنهدت بقهرر
.
.


هلال: بسام مالك

بسام: قالت نفتررق تخيل قالت نفتررق

هلال: يمكن خير لك

بسام بضيق: اناااا مطعووون يا هلال  انا متأكد ان ابوها يعرفني

هلال: انا كمان بــس لعله خيرر انساها يا بسام

بسام: آه صعب اني انساها صعب
.
.


ايام اسابيع تمر

بسام تعب جداً من هجر عُلا بــس وعــد نفسه انه ما ينذل لها مهما كانت العقووبة
وهي الخسرانه وانه يحاول ينساها


عند عُلا المغرب
عنااان بصياح: يهااااااااااي النتائج طلعوووا

علاء: صـــدق

عنان: الان جابوا رسايل للتلفونات

علاء: يله نبسررر عُلا كم جايبة

عُلا من يوم افترقت مع بسام طول الوقت بغرفتها تبكي
قامت دخلت  الحمام (( اعزكم الله ))

تغسلت وخرجت غيرت ملابسها ابسرت نفسها بالمراية
كانت تحت عيونها اسووود من الدموع وقل التغذية

تنهدت بضيق ووعدت نفسها انها تنساه وترجع لحياتها الاوله قبل ما تتعرف على بسام
سوت قليل مخفي العيوب
ربطت شعرها ولبست الاسوار سوت السماعات باذانه ونزلت

علاء تنهد براحة لما شافها حس انها رجعت لطبيعتها
علاء: علوووووو النتائج طلعوا

عُلا بفررح: صــدق

عنان: يب هاتي رقم الجلووس بسرعة نبسر كم جبتي

عُلا جابت لهم

عنان نط بفرررح: 97 يا سلااااااام

عُلا شهقت بفرررح ونطت لحجف علاء

علا جحفها وحب راسها

عبير تصفر وتزغرد: لووووووووولي لووووووولي مبرووووك مبرررروك

عنان: يا سلااام هتلررر جابت 97

الام والاب كانوا بالغرفة خرجوا ابسروا عيالهم مجانين على الاخر

الام: بسم الله عليكم ايش بكم

الاخوه تحاضنوا الاربعه

عنان بصياح: عُــــلاااا جــــــابــــت 97
ياااا سلااااااام

ابوها خطى بسرعة صلا عُلا وجحفها: اااااالف ااااالف مبررروك يا دكتورتي

الام بفرح تحس برفع الراس: شــكراً شكراً رفعتوا راسنا يا اغلى ممتلكاتي

عنااان يحمل ويصيح ساع المجنوون: 97 هتلرررررر 97 جابت

عُلا ابسرته ابتسمت وحملت جحفته: عنووووون الله لا يحرمني منك يا عدوووي اللدود

عنان باسها بجبينها: مبرووووك يا طبينتي

عبير: وانااا ماليش حجفه

عُلا لفتت صليها: انت الاساس يا غالية


((آه شعور لا يوصف لما تكون سبب برفع راس والديك بالذات اذا كانوا مش منقصين عنك شيء جايبين لك الحرية والثقة الكاملة شعوررر جميل جداً تخيلوا نفسكم مكان عُلا))
.
.


بسام قام من النوم فتح تلفونه يشوف الوقت
شاف رسالة طلوع النتائج

قام طوالي دخل رقم الجلوس
ابسر ابتسم بفرح: 97
تذكر لما طلب منها رقم الجلوس
......

بسام: يا دبه قومي ذاكري اخرج لش من التلفون واصل

: يا سخافتك اقول لك اذا ما جبت من فوق الــ95 ما اكون عُلا

بسام: ليش واثقة كل هذي الثقة

عُلا: لاني بوقت الهبل هبل ووقت الحزم والجد جد

بسام: طيب اوعديني

عُلا: اوعدك بايش

بسام: اوعديني اول بقول لش

عُلا لان الثقة تعدت حدودها ببسام: وعـــد

بسام: اول ما يسلموا لكم ارقام الجلوس تجيبي لي

عُلا بثقة: Ok


رجع للواقع
تنهد بقهر 
: آه ذلحين هي جالسة فارحة وانا اتعذب
كيف يا عُلا انساش وانتي بكل زاوية من زوايا حياتي موجوده
.
.


عند عُلا طلعت غرفتها فارحة قوووي
جلست على السرير تذكرت بسام لوما قال لها تجيب رقم الجلوس

بسام: عُلاااا سلمووا لكم ارقام الجلوس

عُلا: ايوووون

بسام: يله جيبيه

عُلا: *.............*

بسام: يا ووواثقة ربي يوفقك

عُلا: امييين يله مع السلامة
.

مسكت راسها بقهررر وعذاب: آآآآه يا بسـام


اسبوع يمر وحفل التخرج بعد يومين
لان عُلا اتفقت مع الطالبات ان الحفل يكون بعد طلوع النتائج
لان بالمعتاد الحفل قبل الامتحانات

(( احفاد نيوتن واثقين من النجاح ))


وقع الحفل بصالة والدخول ممنوع الا بكروت

طبعاً شلة عُلا
ابرار
خلود
سارة
فاطمة
تسعينات















@rewayatyamania  باز کردن / نظر دهید

2023-05-11 21:22:41 .

البـارت 5 ◇


ليـت مـاتركتوني وحيـدة


@rewayatyamania 


( سبحان الله والحمد لله ولا إله إلاا الله والله اكبر )


الليل
عُلا رفعت الحظر
عُلا: بـــسام

بسام حس بفرررح: عيووونه كنت عارف انك حنونه

عُلا بحياء: طيب مع السلامه بخرج

بسام: مسرررع عادك الان دخلتي

عُلا: معي مذاكره كثير اشتي اذاكر

بسام: عُلا ممكن اسالك سؤال؟!

عُلا: تفضل؟!

بسام: عُلا تحبيني معجبة فيني ايش انا بالنسبه لك عُلا صارحيني ريحيني مالشتيش اتعلق بش اذا كنت بتصديني

عُلا انصدمت ما توقعت يصارحها
عُلا: بسام لو تحبني صدق تعال لي من الباب

بسام بجديه: انتِ بس صارحيني وانا اوعدش باجي بكره اخطبش

عُلا: لاا باقي لي هذي السنه لوما اخلص تعال

بسام بعذاب: بس صارحيني يكفي عذاب

عُلا: بــساام

بسام بعشق: يا عيوون بســاام

عُلا بحياء: أحـبك

بسام مش مصدق نفسه قام نبع من فوق السرير
بسام: وانا اتنفس هواش يا غاليه

عُلا بحياء وحزم: طيب مع السلامه بس على وعدك اول ما اقول لك تجي

بسام بفرررح: اوووامرك يا صاحبة السموو

عُلا غلقت تنهدت براحة قامت تذاكر
ما عرفت تركز تفكيرها ببـسام

غلقت الكتاب بضبح: اووف الله يشل الحب ومن اخترعه

علاء: هههههه محد اخترعه هو فطره بالقلب

عُلا اول ما ابسرته نطت لحضنه: ياوويلي والشياكة

علاء: احم احم يله بطلي مغلاطه قدش تحبي هاااه

عُلا استحت من حركت اخوها بكبر
: انا احــب

علاء: تخبي عليا يا شوووعه طيب
خرج بزعل من الغرفه

عُلا: علووي تعال بحاكيك

علاء خرج مطنش ياسعم زاعل

عُلا حملت لحقته
دخلت غرفته جلست جنبه
عُلا: علووي

علاء مطنش

عُلا: علووي يله بكلمك

لفت لها علاء: صـدق

عُلا: اساساً انا مستحيل اخبي عنك

: يله تكلمي

عُلا: اممم اول اوعدني ما تصيح فوقي

علاء ابتسم: ليش انا اسخى عليش

عُلا بحياااء: علووي انا احــ...

علا: تحــبي

عُلا نزلت راسها باحراج

علاء: هيااا

عُلا انحرجت من ردة فعل اخوها

علاء:  هههههه اول مرره اشوفك مستحيه هياا كلميني من هو

عُلا بحيااء: بــسام و....الخ

علاء: يـعني من السخرية حبـش منتيش قليلة يـا هتلرر

عُلا: والان يا علووي ايش اعمل انصحني

علاء بتفكير: عُلا يا اختي ما بقول لش لا تواصليه لان بسام باين ابن ناس وصادق معش بس يا غاليه خلي عندش حدووود لكل شي لا تخلي مشاعرش تسيطر عليش الحب مش حرام الحرام ان احناا نتعدى حدود الله

عُلا بامتنان نبعت لا حضنه وحبته: ربي لا يحرمني منك يا اغلى اخ

علاء: ولا منش يا غااالية

عُلا خرجت

علاء ابسرها بحب بنفسه ربي يسعدك مع بسام يا عُلا
.
.


مررت 3 اشهر
وعُلا وبـسام كل واحـد يتعلق بالثاني

بسام بلقانة: مش انا عارف كيف بتجي اوائل وانتِ 24 سـاعة فــوق التلفووون

عُلا بثقة: وقـت الجـد جـدد

بسام: شكلش تــغشي او تـرشي المدرسة

عُلا بسخرية: على مجربتك

بسام بزعل: والله

عُلا: كلاً يرى الناس بعين طبعه

بسام ابتسم: طيب I Love you

عُلا ابتسمت: My too
غلقت

بسام خرج راسم الابتسامة على وجهه

بدور: مالك بتوزع ابتسامات

بسام حجف بدور ويدورها: انا فاررح قووي

بدور: ههههههه مجنوووون

باسم ابسره: بسام والله تشتي لك دكتور نفسي

بسام نزل بدور وحضن باسم: اليوووم اطلب اللي بنفسك

باسم: يعني استغلك

بسام: ههههه ايوووه

باسم: الله يدي لك قليل عقل
.
.


ثووواني دقائق ساعات ايام اسابيع اشهر تمر

بسام: عُلا وينك يا روحي

عُلا: بسام خلاص انا ما عاد بدخل وقت اختبارات

بسام: نفسي اشوف نتيجتك يا اوائل

عُلا: هه في وقت للجد ووقت للعب

بسام: طيب كيف بتذاكري وقدش مجمعة للدروس

عُلا: هه من قال اني مجمعة الدروس

بسام: طول الوقت فوق التلفون كيف بتذاكري

عُلاء: انا اركز بالشرح وبعدين اثبت المعلومه بمراجعه وبــــس

بسام ابتسم بحب على تنظيم نفسها: ربي يوفقش ويسهل لك

عُلا: امييين الله معك

بسام: مع السلامه
.
.


اسابيع الامتحان

عُلا بتركز بامتحاناتها كل همها مستقبلها ورفع راس ابوها
وبالذات علاء اخوها اللي جاب لها الثقة والحرية
وتثبت لــ بسام توقعاته الغلط

بايام الامتحانات نست كلمة جوووال
كل همها تكون عُلا اللي الكل يعرفها

ابتسمت براحة
: رب لك الحمد كما ينبغي لجلال وجهك وعظيم سلطانك

اخر ايام الاختبار
خرجت واثقة من كل كلمة كتبتها

فتحت الجوال

بساام: واخيرررراً وحشتيني كثيررر كيفك وكيف الامتحانات كانت

عُلاء بغرور وثقة: عارفة اني وحشتك الامتحانات very Nice

بسام ابتسم على غرورها وثقتها
: يا حبي للغرور والثقة والان متى ناوية تقولي لي تعال اخطبني والا عاجبك وضعنا

عُلا ابتسمت على صدقه وحبه لها
: بسام اي وقت تحب انا الان مخلصة ثانوية

بسام بجديه: بكره انا وهلا باجي واكلم عمي

عُلا بفرح: شكراً لحبك الصادق يا بسام

بسام بحب: ما قد ابسرتي من حبي لش شيء





https://t.me/joinchat/AAAAAEIz_KDfjDgo7Gaxwg













@rewayatyamania  باز کردن / نظر دهید

2023-05-11 21:22:18 .

البـارت 4 ◇


ليـت مـاتركتوني وحيـدة


@rewayatyamania 


(( استغفر الله العظيم من كل ذنب عظيم )).


هلال: بسام اول شي نعرف اذا تحبك او على الاقل معجبه بك وبعدين يحلها الله

بسام بجديه: ياررررب وعُلا على الاقل معجبه بي
.
.


مر اسبوع لا جديد
أبرار: عُلا ما رايك بــ بسام

عُلاء: دام وهو صاحب هلال اكيد محترم

ابرار: شلوووش يا هبلا قصدي كيف هو حالي او ماشي

عُلا: بصراحه يجنننن

ابرار باستفسار: لو يحبك بتتقبلي حبه

عُلا بغباء: اكيد في وحده عندها ساع بــسام وترفضه

ابرار: يعني؟!

عُلا: بــحياتي ما اتخيل ان بــسام يحبني او يعجب بي بــس بصدق انا معجبه بشخصيته وجماله

ابرار قامت تـتنبع: هييي هيييي

عُلا: اجلسي اجلسي زكاش عقلش ياسعم قد جاء يخطب او يحبني

أبرار: بـــسش سـخافة

عُلا بغرور: مــش اكثر منش
.
.


مرت ســنة ثاني ثانوي بــسلام وسر عُلا مدفون باعجابها بــ بسام وكانت تستنى الأذاعات والاحتفالات بفارغ الصبر
عشان تــشوف بـسام
بـــس كل هذا ما أثر على مــستواها


اما بــسام في كل يوم يزيد حبها اكثر ويتعذب على حاله
بعذاب: هلال يا منعاه صبرت كثير جيب لي رقمها اخذ منها جواوب yes or No ما اشتي اتعلق بهاا اكثر اذا كانت بتصدني

هلال رحم حال صديقه
هلال: Ok اليوم برسل لك
.
.


الليل هلال رسل الرقم لــ بــسام

بسام على طول رسل
بسام: السلام عليكم

عُلا: وعليكم السلام ورحمة الله وبركاته

بسام: عُلا كيف حالكِ

عُلا: مـــــــن؟!

بسام: واحــد يحبك قووووي

عُلا: الله يدي لك قليل عقل

بسام: احــبك

عُلا: وبــعدين؟!

بسام: اموووت على التراب اللي تمشي عليه

عُلا: والمـــطلوب؟!

بسام: تـكوني لــي...

عُلا ردت كلامه باستهزاء: تـكوني لي
وقلبت بحزم وجديه: هياااا سير ابسر اين امك واختك واحد فاضي
وحظرت

بسـام اقتهر بــس حــب ردودها وتصرفها وعرف ان كلام هلال صـدق

بسام: والله لا تحبيني ساع ما انا احبك
رسل من رقم ثاني

بسام: ليش حظرتيني ما قلت شي غلط والله احبببك

عُلا: ما شاء الله واثق من نفسك هياااا انقلع قلعوا عينك قول امــين

بسام: امــين كل شي منك عــسل

عُلا: الله يكملك بعقلك
وحظرت
بقهررر آخخخ يا عُلا انا بوريكِ طـيب
طلعت براسه فكره ابتسم بـحب
.
.

اوووف من هذا الفاضي لا حول ولا قوة الا بالله


فــي المدرسة
الاخصائية: عُــلا جــاوبي

عُلا: مــن؟!

الأخصائية: رجل قال أسمه بــسام

عُلا فتحت عيونها بصدمه: بــسام

الأخصائية: ايوووه يقرب لــش

عُلا بربكة: هاااه ايووه

الأخصائية: يله هو تحت مستني

عُلا سبرت  الطرحة بنفسها
: أشتقت له كثير بس ايش جابه
اول ما ابسرت بشووق باين بعيونه
نزلت عيونها

عُلا: هلا يا بسام

بسام بشـوق: عُلا

عُلا: ليش جيت ؟!

بسام بنبره صادقه: جيت ابسرش اشتقتلك قوووي

عُلا بصدمة: ماااهو

بسام بذل: معقول مستبعتدين كل هذا العبد

عُلا: بسام خلاص اخطى لو يعرف حد مش ناقصة فضائح

بسام بعناد: مــش قبل ما تسمعيني !!

عُلا: بـسام ايش اسمع

بسام: عُلا انا احبك من حين ابسرتش اول مره وبين اتعذب كل يوم وامس حظرتيني لــيش؟!

بصدمة من كلام بسام

عُلا: ماهووووو؟!

بسام: ايوووه انا امس اللي حظرتيني عُلا لا تكسريني لو سمحتي والله العظيم احبك

بصدمه مــن المرسل حق امس اللي قلت له كلام ما ينقال
عُلا: بــسام خلاص لو سمحت ممكن تخرج من المدرسه

بسام بعصبيه: عُلا الحب مش ذل وانا ما اذل نفسي اكثر من كذه ومش بيدي اني حبيتش
خطى بقهر وعصبيه

عُلا نزلت دموعها بقهر
: بــــسااااام

لفت بلهفة وشوق شافوا بعض بعيون عشق شووق

عُلا حملت طوووالي على الفصل

بسام تنهد بقهر وخطى

........


الفصل
أبرار: عُلا مالش من حين رجعتي من تحت مش طبيعيه

عُلا: بــساام

أبرار: ماله؟!

عُلا: جاء

ابرار: بلا كلام سماجه وتكلمي ساع الناس ايش جابه ؟؟!وليش متضايقه؟؟!

عُلا: ابرار بــسام يحبني و.......الخ

ابرار: كنت عارفه من قبل انه يحبك

عُلا بعتاب: ليش ما حاكيتوني

ابرار: اعرف ردة فعلك صلا بسام والان ايش بتعملي

عُلا: امس راسلني

خلود: عُلا نصيحة لا تفرطي ببسام الف بنت تتمناه

عُلا: والحل

خلود: انتي تحبيه صح ؟!

هزت راسها بتأييد

خلود: خلاص اعترفي له واكيد الولد صادق معش

ابرار: عُلا بـسام مكلم هلال انه يشتي يخطبك بس هلال قال له لوقت ما تخلصي ثالث ثانوي يصير خيررر

عُلا: خير ان شاء الله



















@rewayatyamania  باز کردن / نظر دهید

2023-05-11 21:22:03 .

البـارت 3 ◇


ليـت مـاتركتوني وحيـدة


@rewayatyamania 


(( لا إله إلا انت سبحانك اني كنت من الظالمين))


يـوم الاذاعة
قام بسام تغسل ولبس وتشيك طبعاً اجمل شاب العائلة بسام

ابيض عيون سوووداء كبيره جسم رياضي طويل شعر اسووود لليل كثيف ناعم


عُلا قامت تغسلت وتجهزت للاذاعة

(( بيضاء خدووود وردية عيون عسلية وسط الحجم شعر لخصرها وسط النعومه بني مايل لترابي حلوووو جداً شفايف صغيره انف حاد مستقيم ))
.
.


وقت الاذاعة
ابرار وعُلا المقدمه
طبعاً الاذاعة كبيره جداً حتى ان الوزاره ومجلس الآباء واولياء الامور موجودين
الاذاعة كانت عن اليمن

وصل بسام وهلال
اول ما ابسر عُلا تنهد من داخل قلبه

هلال بــ لقافه: يوووووووه هذا كله عشق

بسام خفعه براسه: بـطل لغاجه


عُلا ابسرتهم دكمت ابرار: وهولا مااداهم

ابرار تمثل الصدمه: يووووه من قال لهم ان الاذاعة اليوم

عُلا باستفسار: ابرار كل اذاعة احنا مشاركين يجوا ليش؟!

ابرار: انا دائماً اقول لــ هلال بس اليوم ماشي

عُلا بخوف: بين ارتبك من وجودهم وعاد بطلع اغني وتعرفي الاتفاق اني امشي بين الحضور وانا اغني بس احس اني مرتبكة كيف بــ طلع

ابرار بتشجيع: ســهل سهل اعتبري محدهم

عُلا بتهديد: انا بعتبر وجودهم وعدمهم سواء بس باتبسري بعد الاذاعة ايش اعمل
.
.

وقت المسرحيه عن اليمن الجريح

خرجت عُلا بـكل ثقة تغـني
(( آه يا يمن آه يا يمن آه آه آه يا يمن
انا اليمن وأسال التاريخ عني
وعن سبا وعن معين
انا اصل قحطان الابيه
انا نسل عدنان الامين ))


الكل تاثر من شجى صوتها وجماله اللي اتقنت الاوبريت 100% واكثر

اما بسام بـــكل كلمة كانت تقولها كان يغترس حبها بقلبه

عُلا نزلت دموعها بمقطع (( ربــيتهم دلــعتهم وعــدوني عـلان والـــيوم جزوني عـلى فعلي وصــارو عصين ))

بسام أنتفضت مشاعره وكان نفسه يقوم يسحبها يوبوس راسها ويمسح دموعها


اما الحضور بعضهم بكى وكأنها عُلا اليمن الجريج اللي بيتكلم ويشكي حاله من صوتها الشجي ونبرة الحزن الصادقة


تمت الاذاعة واولياء الامور اللي يمدحها ويشجعها واللي يبوس راسها

اما الوزاره كرمتها امام الكل وكانت عُلا فعلاً تمثل المدرسه
.
.


عُلا سحبت ابرار وراحت عند هلال وبسام

عُلا: خير يا طير ما بيديكم هانا كل اذاعه

هلال: نبسرررش عندش مانع

عُلا: ماشي عندي اداره تنطردو وتتبهذلوا

بسام بضجر من غرورها: لا تطردينا ولا تبهذلينا خارجين بكرامتنا

عُلا: يله انقلعوا من قدامي

هلال وبسام خطوا وقفهم صوت عُلا

عُلا: هــلال

هلال: ماهووو مش قلتي نخرررج

عُلا بحياء: هلال اشتي زلط نسيت مصروفي

ابرار بعتاب: انا قلت لش شلي حقي

بجديه: مستحيل وانتِ؟!

هلال: تطردينا وزيد كمان تطلبي مننا

عُلا: هلال تعرف اني اعتبرك ساع علاء والا ما كنت طالبه منك

ابرار خطت زاعله من جنب عُلا

هلال: طيب كم تشتي؟!

عُلا: عادي كم ما جبت

هلال: لا مش انا ساع علاء كم تطلبي من علاء

عُلا: خمس مائه

هلال بحركت نذاله وذكاء: اوووو مافيش معي صرررف

عُلا: طيب عادي مشُ ضروري
كانت تشتي تخطى

هلال: استني يا هبلا بسام عندك صرف

عُلا بخزاء: خلاص بـــس مشُ ضروري اليوم

هلال: يعني بتشلي من ابرار

عُلا بجديه: اكيد لا

هلال: طيب ليش؟!

عُلا: هلال تعرف علاقتي بـــ  ابرار ومستحيل استغل حبها لي
طيب لنفترض شليت وهي ايش تصطبح

بسام اعجبه موقفها وقوة علاقتهن وحبها الصادق
خرج من جيبه زلط
بسام: هااااه شلي

عُلا حمرووا خدودها اكثر: لا خلاص شكرا

هلال: يا هبلا شلي من ظهر عمك ما يهمك

عُلا بجديه وحزم: هلال عيب انا طلبت من هلال بس دام مافيش خلاص

هلال كاتم الضحكة: خلاااص شلي وانا احاسبه

عُلا: خلاص بــس

هلال: شلييي يا هبلا بحـاسب

عُلا مدت يدها بحياء: شكراً يا بسام

بسام بهيام: العفو

هلال: هيا سيري راضي ابرار قدها زاعله منش

عُلا بثقة يصحبها غرور: مستحيل تتحمل تبعد عني دقيقه

بسام يحب ثقتها في نفسها بنفسه "احب الثقة هذي الزايده يا عيوون بسام"
.
.

خرجوا هلال انفطر ضحك: هههههههههههه

بسام بحزم: هيااا ادي حقي الخمس مائه

هلال: احمد ربك اديت لك الفرصه

بسام: عارف انها حركه من حقك الخبلا وحتى لو جبتها مستحيل اشلها اليوم صبوح حبيبتي على حسابي

هلال بعصبيه مصطنعه: هاااي انا مووجود عُلا اختي وتقول لها حبيبتك قدامي

بسام بعدم اهتمام: حبيبتي وحياتي واغلى ممتلكاتي ان شاء الله

هلال ضحك على العاشق اللي جنبه: ههههههههههههه

بسام بجديه: هلال يا منعاه طلبتك لا تردني

هلال بجديه: قووول

بسام: يا منعاه دبر لي رقمها والله اني صادق معاها ما العب عليها والله لا اخطبها بس انت كون معي

هلال بصدمه: بسام شكلك جننت على الاخر

بسام: هلال لو سمحت والله ما اقدر اتحمل اكثر من هذك اليوم وانا افكر فيها




https://t.me/joinchat/AAAAAEIz_KDfjDgo7Gaxwg













@rewayatyamania  باز کردن / نظر دهید

2023-05-11 21:20:56 .

البـارت 2 ◇


ليـت مـاتركتوني وحيـدة


@rewayatyamania 


(( سبحان الله وبحمده سبحان الله العظيم )).


علاء: عُلا عيب اللي سويتيه ابسرتي كيف خطى متضايق

عُلا: وهو بصفته مــن يجي يبارك لي

علاء: واحــد من الخلق و بعدين ما غلط

عُلا: علوووي لو سمحت خلاص
خطيت انا بروح ابسر هلال الحيووووان ما جاب هديتي

علاء: هههههههههههه فكرت بتروحي تعتذري لصديقه

عُلا بغرور: هه حلم ابليس بالجنه انا اعتذر
سحبت ابرار معاها

علا يبسرها وابتسم: الله يهديش ذي جهدي اقول
.
.

: هلاال يا حيوووون

هلال التفت وكان مع بسام
هلال: ههههههه حتى وقد كبرتي يا علوووشة وانت هذي المدلوزه اعقلي

عُلا: حتى لو اشيب هذيك عُلا ولا بتتغير

هلال: طيب يا جاهله ماهووو ما تشتي

عُلا مسكت خصرها بدلع: وين هديتي؟!

هلال: هههه قدش تشتي زواجه وانتِ تشتي هدية ساع الجهال

عُلا: لو ادي عشره جهال اشتي هديتي

هلال يعتبرها ساع ابرار: ههههههه حاضر من عيوووني يا جاهله


عنان بيحمل يداعي عُلا
:. يا هتلرررر

عُلا بعصبيه: عنــووون كم مــره اقول لك انا مش هتلررر Ok

بسام تليقن يخرج شوي من قهره
: وليش مش انتِ هتلررر سبحان الله الخالق الناطق

عُلا ابسرت صلا بسام وقلبت عيونها بثقة: لان القمر ما يشبه النجم مهما حصل

بسام معجب بثقتها  الثقة زايــده

عُلا طنشت وسحبت ابرار المستمعه وخطت
.
.


مرت ســنة
وبسام يفكر بــ عُلا وكان يضحك عـلى عقله انه مجرد اعجاب بـــس
بس كل ما يشوفها كان يحس ان بينهم رابط قوووي جداً وان في حاجه تجذبه لها

كان دايم يروح مع هلال كل حفل او تخرج بس عشان يشوف عُلا

في السياره
هلال: بــسااام

: بــسام مالك سارح

بسام لفت تنهد: هلال أشتي اصارحك على الاقل
ارتاح

هلال بقلق: بسام فيك حاجه

بسام: والله مش عارف من فين ابدأ يا هلال بـــس بالمختصر انا أحــــب عُـــلا
أحـب عُــلا   أحــــــب عُـــلا

هلال ما تحمل انفجر ضحك: هههههههههههههههههههه يقطع ابليسك وانا اقول مالك من حين شفتها سارح

بسام بجدية: والله احـس ان في شي مخبيه لنا الزمن احـس كل ما اشوفها ان بيننا رابط قــوي

هلال: الله يهديك بس يا بسام

بسام بصدق وترجي: هلال امانه احكي لي عنها

هلال حس ان صاحبه مش طبيعي ما حب يكسره
هلال: عُلا أخر العنقود والكل يحبها واثق بها وهي فعلاً قد الثقه اتحدا اي احد يتجرأ ويوقف بطريقها او يدي لها كلمها لانه عارف عُلا هتلر وكمان علاء لو من يرمي عُلا بورده يرميه برصاصه

بسام: ايش سر تعلقها بك؟!

هلال: عُلا ولدت وعاشت معانا وانا اعتبرها ساع ابرار انا اخوها الثالث تعتبرني ساع علاء

عُلا مش من بنات هذه الايام عُلا عكسهم تماماً
اهل ابوها ماتوا كلهم واهل امها متبرين من امها لانها تزوجت ابوها رغم عن الكل
.
.


بسام روح البيت يفكر بـ كلام هلال وايش نهايته مع عُلا اللي اول بنت دخلت عالمه وقلبه

: بــسام هيااا قوم عشاء

بسام: مااشتيش مابش نفس

: ماما قالوا انزل تعشى

بسام بصياح: وعصبيه وبعددددين قلت مااشتيش

بدور نزلت خايفه من بسام
لانه الكبير في البيت والكل عامل له الف حساب

ام بسام: اين هو بسام

بدور: قال ما يشتي شابع

باسم: ابنش مش طبيعي سيروه عند دكتور نفسي

ابو بسام: اسكت احسن ما اقوم اقص لسانك هذا اخوك الكبير احترمه

باسم: ليش وانا ما قلت جني كل شي بسام بسام  اووووووووف
وقام من فوق العشاء


(( بسام سنه ثالثه جامعه دكتور قلب الكل يحبه لانه اول واحد بعد عناء في الولاده وكان احتمال موته او موت امه
وجلست امه خمس سنوات لوما جابت باسم
لذلك يحبوه ويخافوا عليه والكلمة
كلمته بالبيت ))
.
.


عُلا ثاني ثانوي طبعاً علاء اخوها وحبيبها وكل شي بحياتها
كان ساع ابوها واكثر يمكن ما تحب ابوها مثل حب علاء اخوها


المدرسة
عُلا: ابرار الاذاعة بعد يومين وعلاء ما بيقدر يجي كلمي هلال يحضر احس علاء موجود

أبرار: حاضر من عنوووني بـــس بـسامووو معه طبعاً

عُلا بضجر: اووووووف الله يشله هذا لاصق به خلاص بــس لا تحاكي هلال

أبرار: هههههههههههه طيب
.
.


بيت ابرار

هلال: كيف عُلا

أبرار: بخير الاذاعة بعد يومين بس لا تقول لــ عُلا اني قلت لك

هلال: آه يا ابرار لو تعرفي ما قال لي بسام

أبرار  ما قال

هلال ابتسم: يحــحب عُـــلا

أبرار: ههههههههههههههههه

هلال باستغراب: ماهو المضحك بالموضوع

ابرار: انت عارف ان عُلا طالبه اني اكلمك تحضر الاذاعه ولما قلت لها ان بسام اكيد بيحضر معك قالت انه لصقة ورفضت اكلمك

هلال: ههههههههههههه
بــس والله حسيته صادق بحبه لها ابرار امانه اعرفي منها اذا تحبه او على الاقل معجبه به

ابرار: حاضر


















@rewayatyamania  باز کردن / نظر دهید

2023-05-11 21:20:51 .

البـارت 1 ◇


#ليت_ماتركتوني_وحيدة
#للكاتبة_فتاة_من_ورق


@rewayatyamania 


بــقهر: ياا عُلا أقووول لـش متـاكد أنه يعرفني أعز المعرفه

عُلا: أبوووه الجنااان من وين يعرفك

: طـيب أيش سبب رفضه لي قـبل ما يسألش وكمان كان بالبدايه موافق ولما عرف اسمي رفض

عُلا بـصدمه: ماااهووو؟!

بقهر: ايووه وكمان جاب اسمي كامل ابي وجدي وكل شي

عُلا: بسام انا مصدومه مثلك من ردة فعل بابا

بسام بقهر: وايــش الحل يا عـُلا

عُلا بذل: الحل نفترق

بسام بعصبيه: مااااهو؟! انتِ مجنووونه هكذا بكل بساطه نفترررق

عُلا بكت: طيب ايش الحل يا بسام بابا خلاص رافضك

بساام بصدق وذل: باجي المره الثاني والثالثه والرابعه والالف بس ما تقولي نفترق

عُلا بنفس البكاء والقهر: بسام خلاص هذه النهايه لو تجي بابا بيشكوا فينا

بساام بصدمه: خلاص يا عُـلا أكتتبت النهايه لقصتنا خلاص نسيتي بسام بس انتي حر بحياتش  بـــــس يا عُلا خــليها فــي بالك
{{ أنا لــو رحــت مالي عـــوده }}

أنـــا لــو رحـــت مــالي عـــودة
               أنـــا لــو رحـــت مــالي عـــودة

حست ان صدى صوت بسام يترررردد

عُــــلا بتبكي: بــسام لا مـشـ.........

بسام سكر التلفون بضيق على وجه عُلا

عُلا أرتجمت على السرير تبكي
آه يا بــسام

بـسام حـس ان الـغرفه منعدم فيها الاكسجين
خــرج الحوي يتذكر كل لحظة بينهم

: آخ يا عُلا تقولي نفترق بكل برود

تذكر اول ما شاف عُلا كيف دخلت عالمه وقلب

نـرجع للوراء تعارف عُـلا وبـسام

.
.

(( سبحان الله والحمدالله ولااله الا الله والله اكبر))

فــي حفل تكريم الاوائل فــي تاسع (( ثالث اعدادي))

: أبرار هيااا بـسرعه نتـجهز الان دورنا كلمة الاوائل

أبرار:  طيب بـس ابـسر هلال جاء او ماشي

: قطبه


طلعين المنصه باخر أناقه وزي التخرج طبعاً كانين فاتشات (( بدون لثام))

: بـسام ابسر هذيك اللي بيدها الورد بنت جيراننا والثانيه اللي جنبها اختي

بسام: شكلها جريئه يا هلال

هلال: مــن عُلا؟!

بسام: أسمها عُلا!!

هلال: ايوووه مـش بـــس جريئة ولسان طويله ومتكبره ومغروره ومدلوزه وكرامتها فوق كل شي وفوق هذا ذكيه وفيلسوووفه

بسام: ههههههههههههههه طيب اسكت نسمع ما بتقول
.
.
.
عُلا وأبرار خلصين كلمة الاوائل
وطبعاً بعد كل كلمة أوائل عُلا تــغني
لان صــوتها كان قمة في الجمال والروعه وفــي كل حفل او تـخرج او أذاعة عُــلا العصفوره المـغرده

عُلا نشـدت
(( درب الــنجاح مـا يــعرفه الأ الي راح وجربه وعاش الكفاح يمكن تعاب لكن وصال ثــم أستراح ثــم أستراح

خــذنا الشهادة تشهد لنا بعزم واراده ))
.
.
.

بساام: واوووو صوووتها روووعــة

هلال: ايوووه في كل حفل تـغني

بسام: ابسر الحضور كيف مبهورين كأنهم اول مره يسمعوا واحده تغني

هلال: بصـراحه بنت كامله ربــي يحفظها

بسام من داخل قلبه: آمــين

هلال: الان تكريم الاوائل خلنا نبسر كم جوووا
.
.

المديره: فتاة أشتهرت باخلاقها وجمال صوتها بذكاءها ولقانتهاا
عُــلا محـمد الاولى

علاء وعنان ابوها امها عبير كلهم طلعوا للمنصه

عُلا بفرح وجنان نطت لا حضن علاء ((أخوها))

: مبرروك يا روح علاء

: مبروووك مبروووك رفعتي روسنا يا سكر معقود

: مبروك يا طبينتي

: مبروك يا تووووامي

: مبروووك يا بنتي رفعتي راسنا
.
.

بسام بتعجب: هلال من هذا اللي حاضنها

هلال: اووووهووو عاد صورتك تشتي تعريف على الكل

خلني ابدأ لك
اللي هو حاضنها علاء اخوها وروحها بحارتنا نسميهم العشاق لان كل واحد يموت بالثاني

الي جنبها عنان اخوها كمان ساع الطباين الاثنين وتسميه عدوها اللدود

البنت اختها عبير توأم روحها الثنتين ساع الصديقات ما تقول انهن خوات
الباقي ابوها وامها

بسام عاجبه حـب علاء لعُلا القوي
:. ربـي يخليهم لبعض
.
.

طبعاً المديره تخلص الثانيه ابرار والثالثه خلود
شلة عُلا اوائل الكل

هلال: انا بطلع ابارك لابرار وعُلا

بسام: يله بطلع معك

هلال: بسام ابسر ما شاء الله الخمس الاوائل الاولات شلة عُلا

بسام باعجاب: ما شاء الله صدق من قال (( ان القرين الى المقارن ينسبُ))

.
.

شكلكم باتستغربوا من هلال وشرحه ادق التفاصيل لبسام وعدم منعه من الحضور معه
بسام رفيق عمر هلال وثقته ببسام تجاوزت الحدود
وفعلاً بسام قد الثقة والمسؤولية

طلع بسام وهلال يسلموا على عُلا وابرار

بسام ابتلد من جمال عُلا لما ابسرها من قريب

هلال بــ لقافه: عُلا المفروض تبكي فرح حين جيتي الاوله

بثقة وغرور: ليش ابكي واثقة اصلاً اني باجي الاوله

علاء لــف لاخته وابتسم تعجبه ثقتها بنفسها وغرورها

بسام اعجب بثقتها ابسرها: مـــبروووك

عُلا ابسرته بنظرة استحقار
باستهزاء: Thank you

بسام تضايق من ردة فعلها وخطى مع هلال

بسام: جــني انا الغلطان حين نزلت نفسي لهاا

هلال: ههههههههه مالك منهاا هي كذا مغرورة


















@rewayatyamania  باز کردن / نظر دهید

2023-05-11 21:20:45 .


ليت ماتركتوني وحيدة


@rewayatyamania 

#المقدمة


{{ كم هي قاسية تلك الحيااة
عندما تاخذ مناا من نحبهم

عندما يكون المال هو همناا الوحيد
عندماا يغيرر نفوسناا ويفرق بينناا

عندماا تصدمناا الحياة بوجود أخرين بحيااتناا

عندماا تكسرناا بلاا رحمة

اصبح الضعيف والمسالم  لاا يعيش بين ذئاب البشرر

كم هي قاسية لحظات الووداع
عندماا تودع انااس كانووا كل ما تملك واثمن من تملك !

لمااذا ياا دنياا تأخذي مناا أحبائناا دون رحمة ؟!

لمااذا هذه القسووة عندماا لاا ترفقي بحالناا وضعفناا بصغر سننا ووحدتناا ؟!

ماا اقساكي وماا احلاكي ومااتعبك وماا اريحك ماهذا التناقض الذي بك ياا دنياا ؟! مااذا ؟!}}.

#فتاة_من_ورق




@rewayatyamania  باز کردن / نظر دهید

2023-05-11 21:19:03
@rewayatyamania 


ملخص القصـة

رقـم القصـة : 214

اسم القصـة :  ليت ماتركتوني وحيدة

اسم الكـاتبة :  فتاة من ورق

عدد البارتـات : 44

مدة العرض : 4 يــوم

وقت العرض : المســاء



#عرض_أول_وحصري_لقناة_روايات_يمنية

#تنسيق_وتصحيح_إدارة_قناة_روايات_يمنية

#تنسخ_لاتحذف_المعرف_والا_ما_احللك_ليوم_القيامة






@rewayatyamania  باز کردن / نظر دهید

2023-05-11 21:18:38 قصة ليت ماتركتوني وحيدة للكاتبة: فتاة من ورق باز کردن / نظر دهید

2023-05-10 15:33:39 قنوات معتمدة من التلجرام

إتصفح الاعلان وسوف تجد كل ماتريد

k روايات وقصص مميزة @storykaligi
kروايات يمنية @rewayatyamania
kارشيف روايات يمنية @archiveRY
kمستندات روايات @storykaligi_1
kبجنان صنعاني @bejnansanani
kاجمل الاغاني @sanaa25
kصنعانيات @sananyat6
kللعآشقين @liveyou1

kالأصدقآء @zjgivguchjjeopp1086
kالبيت الصنعاني @housesanaani
kهمسات @hamasat_el7ob_22
kصوت القلب @cardiacsounds
kالفن اليمني @Naghamyemen
kعاشق الكبرياء @wwwhithem
kسلي على قلبك @nokat23
kطبية @Pharmacist1992
kنكت فقرات مقاطع العاب @nukat11

kخواطر انجليزيه @LikeMohammed
kمعلومة @Ma3lomah_wa_Kossa
kصنعاء فديت روحش @okdsanaa
kهمس القصيد @htt_hms_algsed
kالشهيد صدام @eeekkkhalhgag
kأحاسيس يمانيه @YEMAN100
kيمانيون ونفتخر @DewYemen
kشهقه حزن @QueenAmy_33
kاناقه روح @Elegance_spirit
kقلب طفلة @childhoods2a
kﻋالم المرأﮬ‌ @Life_women
kقسوه سندريلا @Noorcon
kأدمنت حبك @HBRHMH
kكبرياء رجل @samoo52
kل وتيني @sosooa_s14
kكلام ذهب @bsjejejjeb
kمشاعر حزينة @Msaerr
kمجروحه @majroha0
kصديقات @m170242
kمشاعر راقيه @almlkx
kفضفضة الم @xcvb0
kســراب @Syria_a9
kغامضه @raano82
kالشوق @guixelcy
kعشقي @Alkimer
kخواطر @kwaar
kإيفلند @iifle
kروايات @liitbcom
kنكت يمنية @ga195a2
k صنعانيات @san3a
kهلوسهة يمانية @ksbJJzBxA
kجحفة صنعانية @gbakgwihbs

kلبنان @CedarofLebanonNajw
kبوح محبين @Loveforevertop
kحب دون لقاء @dkvkkvkdkrg
kمنوعات عامة @Aseer_love_5
kشموخي @KhrbshatYamane
kمعشوقتي صنعاء @lovly019
kاوراق اسمين @hemsa6667
kدعاء اليوم @Alameri000
kفن يمني @Fan_Yamani
kملكه الحب @mostmA1
kنكت وفقرات @nokat21
kمشاعر حب @sgfjkhgk
kخربشات ﭑبيه @abih_5
kبعثره عاشق @TR55Q
kالحبر والقلم @roq222
kلوتيني @L_WatEeNi
kغزل تايم @love77e
kمجانين @aihagah
kلفقيدي @oo_ee1
kتحطم @anazalia
kالجوكر @gokar00
kنقشات @ngosh
kهواجيس راقيه @dshff
kللكبار فقط @bn_obadi3
kوجع قلبي @slmmahm
kيمنيه @Yemeni_Varieties
kكلام في الحب @kalamalhob
kنغم صنعاني @yemen_naqm
kحرب الكلمات @tyrant1ecosan

kقصص انجليزية مفيدة @engstory23
kمطيرفة @RoRoAhmedMohmed
k الحياه حلوه @lovesanania
kالشهيد الصالح @alshedalsaleh
kحب @Hob_fey_mhab_areeh
kمدلازة صنعانية @sana_a2020
kهمسات مشاعر @hmsat1995
kمكتبه الالكترونيه @maktbaaa
kكبريا الصنعاني @Hfyd0Hfyyd
kدموع حب @DAMmooa01
kهلوسات يمانية @Wiz_gilr
kشوق المشاعر @Ffahad55
kحديث الذات @ellerimde
kلمة صنعانية @Raid2025
kهمسة خجل @Wwoovv
kمشاعر @Hamssssssss
kلحضات جميلة @afff_a
kمقيل وسمره @m_s_ye
kمجروحه @Shee_Nnn
kكل جميل @httpsgrd
kسامضي @semoo01
kبحه حزن @b7t7zan
kأروين @AROINFOG
kمالا نهايه @mo_oim
kوناسه @amec2018
kنبضات @So_delw5
kانحطام @nabd211
kانساك @D124H
kقيتاره @getarh
kيمانيه @pglmy
kالامل @gggup
kفتاه @sjkjf
kكئيب @llO00O0
kتطبيقات @apk_upd
kبعثره مشاعر @bxjck
kالدنيا عتب @shqama
kنبض قلب @PHTHLIA
kكبريائي @pride22234
kعطر الحروف @aterhrof
kمشاعر مبعثره @haraz5
kهدار وداويه @K_l_Kh33
kممردغين تايم @taaaiim
kخاطره شعر @katratkatrat
kلأقلامنا حكايا @our_pens
kحالات @alhmmadikhlad
kحب صنعانية @ilove3you
kمشعات صنعانية @sanaill
kالاصلاتي @Soosoo_2020
kخربشات قلم @Scribble20
kفقرات زوجية @xx_yamah
kخواطر اختي @My_sister_H
kاهات عاشق @Ahatachq
kأنـ هي ـا @alhut_alieadhra
kقطر الندى @NadaAlrubaiy
kروح صنعانية @ppppjnb
kمتفائلون @AsoomaMalooka
kعاشق @tiwhbdjjduhkdhhhjrj
kلنبضي حكاية @heearttbeeatt
kنصائح زوجية @yemen_1000
kأسعار الصرف @yemenexchange
kرحآب القرآن @instepsofQuraani
kتلفونات للبيع @XiaomiYemen

kملاذي انت @Tyeefy
kذاكرة القلب @AHWquite
kخواطر صنعانية @moaiaia
kبجنان ذماري @oooxawww
kللأمل والأمان @alaman_m
kمشاعر عذبه @scoo16
kكاتب ساخر @m1H1g
kرسائل مغرية للزوجين @nnnxnnm
kمن اعماق قلبي @omkklobww0
kحش صنعانيات @ThmoOOoora
kاكتفاء صنعانية @Snanyha
kرفلة صنعانية @sherain_dayhani
kانكسار @einkesar

kنكت سام صنعاء
https://t.me/joinchat/WU4ZscEyGaeyQqSr

k أجمل الأغاني في التلجرام
https://t.me/+5JIr7pRY_YcxM2M0
kأجمل الشيلات كل جديد
https://t.me/joinchat/AAAAAFWROelerUGeIQOMEA
━☆


للاشتراك ⇦ @STAR_TWASULBOT باز کردن / نظر دهید