وحشه ونار محد يدري بحالج وين الحيل ونحر حسين كبالج يا زينب يا زينب يا زينب ـــــــــــــــــــــــــــــــ مطرت مصايب كربله واعيونج الها اتلكن محتركه الاخيام واضن نسوان بيها اختنكن تركض رقيه وشبكتج رجليه عمه احتركن واطفال ماتت بالسحك وامتون نسوه ازركن والنسوان لزمت كلها اذيالج وين الحيل ونحر حسين كبالج يا زينب يا زينب يا زينب ـــــــــــــــــــــــــــــــ نايم اخوج اعلى الرمل جثته بحقد سحكوها شردت يتامه امن الرعب بالخيل يتلكوها كلما تطبن بالخيم بالنار اجو حركوها اليخنكها دخان الخيم من تطلع ايطكوها من الانذال يا هو اليحمي اعيالج وين الحيل ونحر حسين كبالج يا زينب يا زينب يا زينب ـــــــــــــــــــــــــــــــ معذور ابو الاكبر تره فوك الرمل متوسد والينذبح نحره بعد ما بيه حيل ويكعد ناس ابخيم تحرك بقت ناس بشماته اتفرهد من شافج ابحيره الشمر وابهاي جان امعيد يضحك وجان ضل يمرد دلالج وين الحيل ونحر حسين كبالج يا زينب يا زينب يا زينب ـــــــــــــــــــــــــــــــــ كدام عينج يا وسف كام الشمر يتبختر عينج تصد للمشرعه بلكت كفيلج يحضر مصيوب راسه وجربته عطشان كلبه امفطر والطاحن اجفوفه بعد يا بت علي يتعذر زينب جان محد شاف اخيالج وين الحيل ونحر حسين كبالج يا زينب يا زينب يا زينب ـــــــــــــــــــــــــــــــــــــــــ تعبانه من كد الركض عطشانه شفتج ذبلت ما بيج حيل اعلى السبي بيج الطفوف اشخلت كلفه اعلى علويه وصعب لو فوك ناكه اتعلت واليجتف ايديها ابحبل يا ريت ايده انشلت زينب هاي ما محسوبه ابالج وين الحيل ونحر حسين كبالج يا زينب يا زينب يا زينب ****** صخمتي الاوجوه البقت من اخيامج المحتركه ممنوع تبجين اشعجب وابعبرتج مختنكه مرعوبه طفله اتعنتج وشفتها صارت زركه لو طاح من ناكه الطفل بس السياط اتطكه من تمشين ضهرج محني اشمالج وين الحيل ونحر حسين كبالج يا زينب يا زينب يا ز ينب ـــــــ نعيم ابو باقر الساعدي ــــــــــ 621 viewsالشاعر نعيم الساعدي, 20:30
