ياجرح يلجم مهجتي وما عفته ياهو اليحب ادموعه لو ما انته محبوبي | قناة الشاعر نعيم ابو باقر الساعدي
ياجرح يلجم مهجتي وما عفته ياهو اليحب ادموعه لو ما انته محبوبي يا حسين ـــــــــــــــــــــــــ عاشرتك وانه ابطن امي- حرگة وضلت تجري بدمي چنها امي امرضعتني ادموع من چانت تدخل للمجلس- وانه ابطن امي الطم وارفس چنت اعلى مصابك مفجوع دمع امي جمره كربله وي اللبن غذاني من زغري ابوي اعلى اللطم لمصيبتك رباني جرحك على ايام العمر كدرته ياهو اليحب ادموعه لو ما انته محبوبي يا حسين ــــــــــــــــــــ من چانت امي بمهدي تهز- تنعالك وانه اجروحي اتفز لچماتك يا حسين هواي ثوب الاسود ما فارگني – من زغري مصابك حارگني واحروحك كبرن وياي زنجلي ينزل عالمتن وتمر عليه احوالك واتذكر سياط الشمر واسمع صريخ اطفالك يل ميت ومحد نصب فاتحته ياهو اليحب ادموعه لو ما انته محبوبي يا حسين محبوبي ـــــــــــــــــــــــــــــــــــ من چنت اسمع يوم المقتل – ماتو انصاره الوحده يضل تلهب ناري بذاك اليوم لمن اسمع عبد الزهره – يگول حسين يريد النصره الطم و اصرخ يا مظلوم واتخيل الوحدك جنت واكبالك اصفوف اصفوف ارواح ساعتها اشكثر جانت تزورك وتطوف حالك غريب ابكربله اتصورته ياهو اليحب ادموعه لو ما انته محبوبي يا حسين
من زغري وانته مبچيني – يا حسين مصابك يچويني جمرك ما يطفى بدمعات كل ما الطم جرحك يكبر – واتذكر من طاح الاكبر هدم حيلك يوم المات كالو اوياه اتمددت تتلمس بطبراته ابنك علي صاير وصل وما تنحسب ضرباته محني الظهر ما بيك حيل وشلته ياهو اليحب ادموعه لو ما انته محبوبي يا حسين ـــــــــــــــــــــــــــــــــــ يا حسين وضليت الوحدك – لا خوان الضلت عندك والتمت كل ذيچ الناس من طاح العباس وعافك- چم واحد متخوصر شافك فرحو من طاح العباس مكسور ظهرك عالنهر بويه اشكثر لجماتك وحدك رجعت ابلا اخو واستسبعو شماتك خجلان يم الماي اخيك عفته ياهو اليحب ادموعه لو ما انته محبوبي يا حسين محبوبي ـــــــــــــــــــــــــــــــــــ من ذاك اليوم مصوبني – يا حسين مصابك شيبني ليش يذبحونك عطشان ما كفاهم گطعو نحرك – جابو خيل وسحگو صدرك عالگاع مترب عريان هجمت فرد هجمه الزلم من فرهدو صيوانك مرعوبه تركض شارده اطفالك ونسوانك الله اليساعدها كلت كلب اخته ياهو اليحب ادموعه لو ما انته محبوبي يا حسين محبوبي ـــــــــــــــــــــــــــــــــــ ابو باقر الساعدي
