قال الرضا يا ابن شبيب جدي الحسين مات غريب ــــــــ | قناة الشاعر نعيم ابو باقر الساعدي
قال الرضا يا ابن شبيب جدي الحسين مات غريب ــــــــــــــــــــــــ عن الرضا هذا الخبر مضمونه يا ابن شبيب المجلس اتعقدونه جدي الحسين ابغربته اتذكرونه ميت عطش ما قبلو يشربونه في كربلا ضامي خضيب جدي الحسين مات غريب ـــــــــــــــــــــــ من مهره طاح وعينه صوب عياله طاح الحسين اتهوس الخياله عالوجه نايم محد التجاله بيده وساده امن الرمل سواله فوق الثرى دامي تريب جدي الحسين مات غريب ـــــــــــــــــــــــ فوك الرمل نايم عزيز الزهره دنيه الظهر والعطش يلهب جمره حلكه يبس واشفايفه المتفطره ماله اخو العباس كاسر ظهره بين الردى هذا الحبيب جدي الحسين مات غريب ـــــــــــــــــــــــ تحت الشمس مطعون نايم وحده راسه انفضخ والسهم نام ابجبده بكد ما نزف كل حيل ما ضل عنده ما عنده اخو لا ولد ضلو عنده ضامي قضى ما من مجيب جدي الحسين مات غريب ـــــــــــــــــــــــ حيله انهدم للخيم مابيه كومه وابطيحته الوادم عليه ملمومه دارو عليه اربع فرق بالحومه ناس بحجر ناس بسهم مسمومه سالت دما يوم عجيب جدي الحسين مات غريب ــــــــــــــــــــــ مثل الخشب يابس حسين لسانه والدنية بعيونه أصبحت دخانه ذبحوه عطشان وسبو نسوانه والخيل تسحك جثته العريانه وفي العرى بات سليب جدي الحسين مات غريب ـــــــــــــــــــــــــــــــ نعيم ابو باقر الساعدي
