اقتباسات ❤️

2022-06-24 00:08:30 متشيلش هم طول م إنتَ عامل اللِ عليك و مقصرتش ، ملوش لازمة الزعل ، أصل هتعمل إية أكتر من جهدك و اللِ قدرت تعملوا و اللِ حاولت تعملوا و مقدرتش ، ربنا شايف و عالم اللِ فـِ قلبك و اللِ فـِ نواياك ، و مهما تعمل مش هتوصل لحاجة غير اللِ ربنا عايزك توصلها ، مفيش داعي للحزن و حاول تتعمق فـِ كلام الله " لاَ يُكَلِّفُ الله نَفْساً إلا وُسْعَهَا " ربنا بيقولك مش مطلوب منك إلا اللِ ​​​​​​​​​​​​​​​​​​ع قد طاقتك و بس . باز کردن / نظر دهید

2022-06-24 00:08:20 هقولك حاجه علىٰ السريع ، أنت مش وحش ولا نكرة ، أنت بس ملقتش الناس اللي تفهمك، قضيت وقت كبير مع ناس مش شبهك وحاولت كتير تتأقلم معاهم وهم بالفعل عكسك فخرجت من العلاقه خسران وقت ضاع منك علىٰ الفاضي، أنت ممكن تبدأ من جديد، تختار ناس صح وكويسين، يفهموك زي مانت عايز، مش زي مهم عايزين، متبقاش مجبر وأنت وسطيهم تبرر طريقتك أو كلامك اللي فهموه عكس ما كنت تقصد، أنت دايمًا قدامك فرصة أنك تبدأ من جديد فـِ كل حاجه، متضيعش ده من أيدك وابدأ من دلوقتي، أختار صح وعيش صح براحة بالك ونفسيتك ومتحاولش تأقلم نفسك مع اللي مش شبهك أتفقنا . :"" باز کردن / نظر دهید

2022-06-24 00:08:12 كل شيء فـِ الدنيا بـ ميعاد ولما يجي الميعاد هتلاقي كُل حاجة بتحصل لوحدها بالحد الأدني من المجهود اللي جة وقتة يخلص هيخلص، واللي جة وقتة يبدء هيببدء واللي جة وقتة يتنسي هيتنسي ، الضغط عالنفس لتغيير واقع مجاش وقت تغییره جهد مهدر وهلك عالفاضي . باز کردن / نظر دهید

2022-06-24 00:08:05 كُل واحد فينا متشال لية نصيبة من السعادة ، أة جايز حاليًا تكون بتعيش فترة صعبة ومش متظبط نفسيًا لكن دا مش دليل ولا مؤشر إن حياتك هتستمر بنفس الشكل ، السعادة هتيجي هتيجي ، كُل حاجة بس بيكون ليها وقت عشان لما ييجي الوقت المُناسب تحس بقيمة الحاجة ، زي مثلًا لما يبقى قُدامك أكل حلو بس إنتَ شبعان .. فين المُتعة فـِ كدا ؟ لكن لو إنتَ جعان ولقيت قُدامك أكل بتحبّه هتاكُل بمُنتهى السعادة وبشهية مفتوحة ، فما تستعجلش.. نصيبك من الفرحة متشال ، وفـِ الوقت المُناسب السعادة هي إللي هتخبط بابك . باز کردن / نظر دهید

2022-06-24 00:07:34 ‏خليك إنسان بسيط، متحملش نفسك فوق طاقتها، سامح وتغافل وبلاش تشيل فـِ قلبك من حد، ابتسم فـِ وش الناس وخليك مصدر للطاقة الإيجابية، متستناش سؤال من حد وابعد عن العتاب، حب اللي يحبك والقي على الباقي السلام، نقي قلبك من أي حسد أو غِيرة أو حقد، اتمنى الخير للكل،‏ افرح لفرح غيرك واحزن لحزنهم، خلي لسانك طيب وعفيف، فكر فـِ أثر كل كلمة بتطلع منك على اللي قدامك، كن أنت الشخص اللي ربنا اصطفاه لجبر خواطر عبادة، خليك هين ليّن، افتكر أننا مجرد ضيوف هنا ​​​​​​​​فـٰ عيش بين الناس بسلام وسيب ذكرى طيبة فـِ قلوبهم متتمحيش ابداً . باز کردن / نظر دهید

2022-06-24 00:06:53 ‏يارب متخيرنيش تاني ومتخلنيش أعافر فـِ سكة مش صح ، مـَ أمسكش فـِ اللي بايعني ، ومجريش ورا أذى ليا ، إبعدني عن شغل مش شبهي ، وحياة مش بتاعتي وناس مش شكلي وأصحاب مش لوني وعن أي حد ناوي يأذيني إكفيني شر التخبيط ع باب مش هيتفتحلي ، ومـَ تعلقنيش بهدف مش مكتوبلي إحميني يارب من التوهه ! باز کردن / نظر دهید

2022-06-24 00:05:04 سيبك من اللي حواليك وركز فـِ نفسك متخليش حاجة تاخد مساحة فـِ حياتك غير نفسك ومستقبلك ، متحاولش تعدل من شخصيه حد أو تلوم شخص علي فعل أو تاخد علي خاطرك من قلة اهتمام فلان ، سيب اللي مهتم يهتم واللي ناسي ناسي واللى فاكر فاكر واللي زعلان يفضل زعلان واللى يبعد ويتغير عـٰ راحته عادي ، سيب كل واحد على راحته وعيش انت كمان علي راحتك واشتري دماغك ما دمت مش غلطان." . باز کردن / نظر دهید

2022-06-24 00:04:50 أهربوا من وجع القلب الِ بيحرق ، أهربوا من الخوف الِ مخلي كُل شئ فـِ حياتكوا ملهوش طعم ، أهربوا من الكوابيس والذنوب المتلفقه ، أهربوا من الضلمه دي روحوا ع مكان فيه الشمس طالعه وكُل شئ ظاهر ع حقيقته ، أهربوا من الأبستامه والحُضن والكلام المُقرف ، أهربوا من الناس الِ بايعه وبتظهر أنها شاريه ، أهربوا من القلوب السوده للفجر الطاهر ، أهربوا من الناس لربنا ، أهربوا من الِ يستخسر فيكوا الحُب روحوا للي يخاف عليكوا من ضي عنيه حتىَ ،أشربوا مايه ساقعه تطفي النار الِ فـِ قلبكوا ، خدوا فـِ أيدكوا روحكوا وأهربوا بسرعه ​​​​​​​​​​​​​​​​​​​​ . باز کردن / نظر دهید

2022-06-24 00:04:02 حب نفسك جدآ، واعرف إنك ماتتعوضش، وأعرف إن شكلك مميز وصوتك وطريقة كلامك وكمان طريقة نقاشك، والعقل والجنان اللي فيك ولما بتقسى ولما بتكون حنين على اللي قدامك، وخلي ده ميبقاش موضع غرور لا ده يبقى عن اقتناع، أنت لا قليل ولا رخيص فـِ حياة حد، أنت غالي جدًا وعزيز جدًا وأحلى مما تتخيل، ما تسمعش لحد يقولك كلمة وحشة ولا يقلل منك، ما تسمحش لحد يزرع جواك غير الورد . باز کردن / نظر دهید

2022-06-24 00:03:16 العلاقات البسيطة حلوة ؛ مش لازم نخرج ونخربها ونصرف قد كده؟ ممكن نتقابل ونتمشىٰ ونقعد علىٰ الرصيف السر فـِ الصحبة مش فـِ المكان ، عندك مشكلة احكيها ونفكر ونحاول مع بعض نحلَّها علىٰ قد ما نقدر السر فـِ الونس مش فـِ الدماغ ، وجود إنسان بيحبك بجد من كل قلبه وحابب يبقىٰ معاك فـِ أوقاتك الصعبة والسهلة ؛ ساعات كتير بيكون سبب إنك تكون كويس معنويَّا إنك تقدر تتجاوز أيام ضلمة وصعبة ، الشيلة إللي بيشيلها إتنين دايمًا أخفْ ، ودايمًا ألطف ، ودايمًا أحلىٰ من إنك تشيلها لوحدك طول ما إللي شايل معاك بيحبك ، السر فـِ الشيال مش فـِ الشيلة ، والسر فـِ الرفيق مش فـِ الرحلة .""" باز کردن / نظر دهید